Wim Addicks
Wim Addicks (talaffuzi: Vim Addiks) (1896-yil 28-avgust, Amsterdam —8-iyul 1985-yil Amsterdam) – gollandiyalik futbolchi, hujumchi sifatida oʻynagan. U Amsterdamning De Meuwen, OFK va Ajax jamoalarida toʻp surgan. Gollandiya terma jamoasi tarkibida 3ta oʻyin oʻtkazib, 2ta gol urgan.
 Addicks 1923-yilda | |||
| Shaxsiy maʼlumot | |||
|---|---|---|---|
| Toʻliq ismi | Willem Addicks[1] | ||
| Tavallud sanasi | 28-avgust 1896-yil | ||
| Tavallud joyi | Amsterdam, Gollandiya | ||
| Vafot sanasi |
8-iyul 1985-yil (88 yoshda) | ||
| Vafot joyi | Amsterdam, Gollandiya | ||
| Ampluasi | Hujumchi | ||
Yoshlik yillari tahrir
Wim 1896-yil 28-avgustda Amsterdamda Ari Teunis Addicks va Linka Xansumning oilasida tugʻilgan. Uning otasi Xardinksveldlik, onasi esa Gissendam shahridan boʻlgan, ular 1880-yil aprel oyida turmush qurishgan va Amersfortda uzoq vaqt yashashgan.
Wim, tugʻilishidan oldin 26 kun yashab vafot etgan[2] katta akasi sharafiga nomlangan. Bu oiladagi yagona yoʻqotish boʻlmagan – 1886-yil mart oyida ularning birinchi oʻgʻli Martinius Kasimir vafot etgan boʻlib, u 22 oy yashagan.
Addicksning katta opa-singillari Lena Goserina (1880) va Anna Hendrika (1882) va aka-uka Adrian (1885), Martinyus (1887) va Dirk Nikolas (1889) boʻlgan.
Futbolchilik faoliyati tahrir
Klubdagi faoliyati tahrir
Taxminan 1915-yildan Addicks De Meuven futbol jamoasi tarkibida oʻynagan va Amsterdam terma jamoasiga chaqirilgan[3]. 1917-yilda OFK klubida oʻynay boshlagan[4].
1922-yil avgust oyida Wim Addicks va Eddi Xemel ingliz murabbiyi Jek Reynolds tomonidan boshqariladigan Ajaxga jamoasiga[5] koʻchib oʻtishgan. Har ikki futbolchi klub uchun debyutini 3-sentyabr kuni Avstriyaning First jamoasi bilan oʻrtoqlik uchrashuvida oʻtkazgan[6]. Uchrashuv „Ajax“ning 1:3 hisobidagi magʻlubiyati bilan yakunlangan.
Wim „Ajax“ uchun chempionatdagi birinchi oʻyinini 17-sentyabr kuni Blau Vita jamoasiga (4:0) qarshi oʻtkazgan. Keyingi oʻyinda Schindelerga qarshi dubl qayd etgan[7][8]. Addicks liganing 22 oʻyinida 14 ta gol urib, jamoaning eng yaxshi toʻpurari boʻlgan. „Ajax“ mavsum yakuniga koʻra chempionatda beshinchi oʻrinni egallagan.
Keyingi mavsumlarda Wim oʻrinbosarlar tarkibida oʻynab, amsterdamliklar asosiy jamoasiga kira olmagan. Klubdagi 9 yillik faoliyati davomida Addicks asosiy jamoa tarkibida 28 ta oʻyin oʻtkazib, 15 ta gol urgan. Addicks „Ajax“ uchun soʻnggi oʻyinini 1931-yil 19-aprelda Germes DVS klubiga qarshi oʻtkazgan. Oʻsha yili Wim futbolchilik faoliyatini yakunlashga qaror qilgan.
Niderlandiya terma jamoasi tahrir
Wim Addicks Gollandiya terma jamoasidagi debyutini 1923-yil 2-aprelda Fransiya terma jamoasiga qarshi oʻyinda oʻtkazgan. Wim oʻzining birinchi oʻyinida ikkita gol urgan va jamoasi 8:1 hisobida gʻalaba qozonishiga xissa qoʻshgan.. Hammasi boʻlib, Wim terma jamoada 3 ta oʻyin oʻtkazgan va 2 ta gol urishga muvaffaq boʻlgan. Addicks terma jamoadagi soʻnggi oʻyinini 1923-yil 10-mayda Germaniya terma jamoasiga qarshi oʻtkazgan va oʻyin 0:0 hisobida durang bilan yakunlangan.
Shahsiy hayoti tahrir
Addicks olmos kesuvchi 28 yoshli Gertreyd Hollands bilan oila qurgan. Ularning nikohi 1928-yil 11-oktyabrda Amsterdamda qayd etilgan.
Ikkinchi Jahon urushi paytida Wimning akasi Martinius Kasimir nemis bosqinchilariga qarshi qarshilik koʻrsatish harakatiga qoʻshilgan. 1941-yil 6-sentyabrda Martinius Kasimir oʻgʻlini hibsga olish uchun uning uyiga bostirib kirgan nemislar tomonidan otib oʻldirilgan.
Soʻnggi yillari tahrir
Umrining soʻnggi yillarida Wim oʻzining sobiq klubining ijtimoiy faoliyatida ishtirok etishni davom ettirgan, shuning uchun 1982-yil 20-noyabrda Ton Brandsteder, Ger Fisher, Yan Pottharst va Jon de Sterke, Lui kabi koʻplab „Ajax“ faxriylari bilan yigʻilgan.
1985-yil 8-iyulda Wim Addicks Amsterdamda 88 yoshida vafot etgan.
Manbalar tahrir
- ↑ „Archiefkaarten: Willem Addicks“ (Dutch). Stadsarchief Amsterdam. Qaraldi: 2022-yil 10-avgust.
- ↑ Vim Addiks (29.12.1890—26.01.1891)
- ↑ „Sportnieuws.“ (nl). kranten.kb.nl. 2012-yil 27-iyunda asl nusxadan arxivlangan. Qaraldi: 2012-yil 13-iyun.
- ↑ „Periode 1895 — 1920.“ (nl). afc-amsterdam.nl. 2012-yil 27-iyunda asl nusxadan arxivlangan. Qaraldi: 2012-yil 13-iyun.
- ↑ „Sportnieuws. Voetbal.“ (nl). kranten.kb.nl. 2012-yil 27-iyunda asl nusxadan arxivlangan. Qaraldi: 2012-yil 13-iyun.
- ↑ „Ajax — First Vienna 1:3.“ (nl). kranten.kb.nl. 2012-yil 27-iyunda asl nusxadan arxivlangan. Qaraldi: 2012-yil 13-iyun.
- ↑ „Ajax — Blaiw Wit 4:0.“ (nl). kranten.kb.nl. 2012-yil 27-iyunda asl nusxadan arxivlangan. Qaraldi: 2012-yil 13-iyun.
- ↑ „Ajax — Blaiw Wit 4:0.“ (nl). kranten.kb.nl. 2012-yil 27-iyunda asl nusxadan arxivlangan. Qaraldi: 2012-yil 13-iyun.