Yordam:Maqola qanday yoziladi (havolalar)
Professional taʼlimni rivojlantirish instituti tahrir
Institut Oʻzbekiston Respublikasi Oliy va oʻrta maxsus taʼlimi vazirligi huzuridagi muassasa boʻlib, Professional taʼlim tizimida innovatsion rivojlantirishni, rahbar va pedagog kadrlar malakasini oshirish va ularni qayta tayyorlashni amalga oshiruvchi davlat taʼlim muassasasidir. O‘zbekiston Respublikasi Prezidentining 2019 yil 11 iyuldagi "Oliy va o‘rta maxsus taʼlim tizimiga boshqaruvning yangi tamoyillarini joriy etish chora-tadbirlari to‘gʻrisida"gi PQ-4391-sonli qarori bilan O‘zbekiston Respublikasi Oliy taʼlim, fan va innovatsiyalar vazirligining Kasb-hunar taʼlimi markazi huzuridagi Kasb-hunar taʼlimi tizimini innovatsion rivojlantirish, pedagog kadrlarning malakasini oshirish va ularni qayta tayyorlash instituti negizida O‘zbekiston Respublikasi Oliy taʼlim, fan va innovatsiyalar vazirligi huzuridagi Professional taʼlimni rivojlantirish instituti tashkil etilgan.
Tarixi tahrir
– O‘zbekiston Respublikasi Vazirlar Mahkamasining 1998 yil 24 fevraldagi "Akademik litseylar va kasb-hunar kollejlarini tashkil etish va ularning faoliyatini boshqarish to‘gʻrisida"gi 77-sonli qarori bilan O‘rta maxsus, kasb-hunar taʼlimining sifatli taʼlim va kasb-hunar dasturlarini yaratish, ilgʻor ilmiy va uslubiy yutuqlar asosida sifatli kadrlar tayyorlash maqsadida Kasb-hunar taʼlimi instituti va O‘zbekiston Respublikasi Xalq taʼlimi vazirligi huzuridagi Respublika kasb-hunar-texnika taʼlimi xodimlarining malakasini oshirish instituti negizida O‘rta maxsus, kasb-hunar taʼlimini rivojlantirish instituti tashkil etilgan.
– O‘zbekiston Respublikasi Vazirlar Mahkamasining 2004 yil 20 iyuldagi „O‘zbekiston Respublikasi Oliy va o‘rta maxsus taʼlim vazirligining O‘rta maxsus, kasb-hunar taʼlimi markazi faoliyatini takomillashtirish to‘gʻrisida“gi 342-son qarori bilan O‘zbekiston Respublikasi Oliy va o‘rta maxsus taʼlim vazirligi, O‘rta maxsus, kasb-hunar taʼlimi markazining Markaz huzurida O‘rta maxsus, kasb-hunar taʼlimini rivojlantirish instituti negizida O‘rta maxsus, kasb-hunar taʼlimi tizimi kadrlari malakasini oshirish va ularni qayta tayyorlash instituti tashkil etilgan.
– O‘zbekiston Respublikasi Vazirlar Mahkamasining 2014 yil 14 apreldagi „O‘rta maxsus, kasb-hunar taʼlimi muassasalarini axborot-metodik taʼminlash xizmati faoliyatini tashkil etish to‘gʻrisida“gi 91-sonli qarori bilan O‘zbekiston Respublikasi Oliy va o‘rta maxsus taʼlim vazirligining O‘rta maxsus, kasb-hunar taʼlimi markazi huzuridagi O‘rta maxsus, kasb-hunar taʼlimi muassasalarini axborot-metodik taʼminlash xizmati tashkil etilgan.
– O‘zbekiston Respublikasi Prezidentining 2018 yil 3 fevraldagi „O‘zbekiston Respublikasi Oliy va o‘rta maxsus taʼlim vazirligining O‘rta maxsus, kasb-hunar taʼlimi markazi faoliyatini takomillashtirish to‘gʻrisida“gi PQ-3504-sonli qarori bilan O‘zbekiston Respublikasi Oliy va o‘rta maxsus taʼlim vazirligining O‘rta maxsus, kasb-hunar taʼlimi markazi huzuridagi oʻrta maxsus, kasb-hunar taʼlimi tizimi kadrlari malakasini oshirish va ularni qayta tayyorlash instituti hamda O‘zbekiston Respublikasi Oliy va o‘rta maxsus taʼlim vazirligining O‘rta maxsus, kasb-hunar taʼlimi markazi huzuridagi O‘rta maxsus, kasb-hunar taʼlimi muassasalarini axborot-metodik taʼminlash xizmati negizida Markaz huzurida Kasb-hunar taʼlimi tizimini innovatsion rivojlantirish, pedagog kadrlarning malakasini oshirish va ularni qayta tayyorlash instituti tashkil etilgan.
– O‘zbekiston Respublikasi Prezidentining 2019 yil 11 iyuldagi „Oliy va o‘rta maxsus taʼlim tizimiga boshqaruvning yangi tamoyillarini joriy etish chora-tadbirlari to‘gʻrisida“gi PQ-4391-sonli qarori bilan O‘zbekiston Respublikasi Oliy va o‘rta maxsus taʼlim vazirligining Kasb-hunar taʼlimi markazi huzuridagi Kasb-hunar taʼlimi tizimini innovatsion rivojlantirish, pedagog kadrlarning malakasini oshirish va ularni qayta tayyorlash instituti negizida O‘zbekiston Respublikasi Oliy va o‘rta maxsus taʼlim vazirligi huzuridagi Pedagogik innovatsiyalar, kasb-hunar taʼlimi boshqaruv hamda pedagog kadrlarni qayta tayyorlash va ularning malakasini oshirish instituti tashkil etilgan.
Institut strategiyasi tahrir
• „Amaliy kvalifikatsiya markazi“ faoliyatini tashkil etish;
• „Kelajak taʼlim muassasalari“ konsepsiyasini yaratish;
• „Worldskills“ musobaqalarini oʻtkazish;
• Taʼlimda innovatsion muhit yaratish;
• „Taʼlimda malaka oshirish tizimining yangi modeli“ni yaratish;
• Pedagoglar uchun yangi malaka talablarini ishlab chiqish;
• Raqamli texnologiyalarni joriy etish;
• Taʼlim tizimini raqamlashtirish.
Institut ustavi tahrir
- O‘zbekiston Respublikasi Vazirlar Mahkamasining 2021 yil 26 fevraldagi «Professional talim tizimi boshqaruv hamda pedagog kadrlarni qayta tayyorlash va ularning malakasini oshirish tizimini tubdan takomillashtirish to‘g‘risida»gi 106-son qarorini ijro etish yuzasidan: Quyidagilar Institutning asosiy vazifalari va faoliyati yo‘nalishlari etib belgilansin;
- O‘zbekiston Respublikasi professional ta’lim tizimi uchun “Hayot davomida ta’lim olish” prinsipiga asoslangan ilg‘or xorij tajribasi hamda iktisodiyotning real sektorlaridagi o‘zgarishlarni hisobga olgan holda professional ta’lim dasturlari, namunaviy o‘quv rejalari va ta’lim dasturlarini ishlab chiqishni tashkil etish;
- Professional ta’lim muassasalari uchun yaratilgan o‘quv va o‘quv- metodik adabiyotlarini nashr etilishi hamda yetkazilishini tashkil etish;
- Professional ta’lim muassasalarini o‘quv mashg‘uloti jurnallari, o‘quvchilar guvohnomalari, davlat namunasidagi diplom va diplom ilovalari hamda sertifikat va akademik ma’lumotnoma blankalari bilan ta’minlash;
- xorijiy davlatlarning ta’lim vazirliklari, O‘zbekiston Respublikasi vazirlik va idoralari hamda jismoniy va yuridik shaxslarning professional ta’lim muassasalarini bitirganlik haqidagi diplomlarini hakiqiyligini tasdiqlash to‘g‘risidagi so‘rovnomalariga ma’lumotlar berish;
- innovatsion pedagogik va axborot texnologiyalarini ishlab chiqishni tashkil etish, o‘qitishning zamonaviy shakllari va usullarini o‘quv jarayoniga joriy etishda metodik yordam ko‘rsatish;
- professional ta’limni rivojlantirish va muvofiqlashtirish hududiy boshkarmalari bilan birgalikda professional ta’lim muassasalarida talim sifatini oshirish bo‘yicha tizimli ishlarni amalga oshirish;
- Qoraqalpog‘iston Respublikasi, viloyatlar va Toshkent shahar kasbiy ta’limni rivojlantirish va muvofiqlashtirish hududiy boshqarmalarining metodik ko‘maklashish bo‘yicha maslahatchi-metodistlar xizmati ishlarini muvofiqlashtirish va ularga metodik rahbarlik qilish;
- masofaviy ta’limni keng joriy etish va uning metodik ta’minotini ishlab chiqish;
- professional ta’lim sohasida interaktiv xizmatlar ko‘lamini kengaytirish, elektron ta’lim va ta’lim jarayonini boshqarishning elektron tizimini joriy etish ishlarini tashkil qilish;
- idoraviy bo‘ysinuvidan qat’iy nazar professional ta’lim muassasalarining rahbar, o‘kituvchi va ishlab chiqarish ta’limi ustalarini qayta tayyorlash va malaka oshirishlarini tashkil qilish;
- professional ta’lim muassasalari kadrlarini qayta tayyorlash va malakasini oshirish jarayonini innovatsion yondashuv asosida tashkil etish; idoraviy bo‘ysunuvidan qat’iy nazar professional ta’lim tizimi muassasalari rahbar va pedagog kadrlarining malakasini oshirish kurslarini ularning boshqaruv, kasbiy va pedagogik kompetensiyalar diagnostikasi asosida tashkil etish va monitoringini olib borish;
- rahbar va pedagog kadrlarni qayta tayyorlash va malakasini oshirishning tabaqalashtirilgan namunaviy o‘quv reja va dasturlarini ishlab chikish, o‘rnatilgan tartibda tasdiqlash va joriy etish;
- rahbar va pedagog kadrlarning, hususan, ishlab chiqarish ta’limi ustalarining malaka oshirishlarini tashkil qilishda ta’limning ishlab chiqarish bilan o‘zaro samarali hamkorligini ta’minlash;
- professional ta’lim tizimi muammolari bo‘yicha ilmiy-tadqiqotlar o‘tkazish; nodavlat ta’lim muassasalari, shuningdek O‘zbekistonda faoliyat yuritayotgan xalqaro tashkilotlar va xorijiy ta’lim muassasalari bilan hamkorlikni rivojlantirish;
- qayta tayyorlash va malaka oshirish davrida tinglovchilarning siyosiy, ma’naviy, madaniy va ma’rifiy dunyoqarashlarini rivojlantiruvchi darsdan tashqari tadbirlar tashkil qilish.