"Abdurahmonbegi" — keng tar-qalgan oʻzbek mumtoz ashula yoʻllari turkumi, Abdurahmonbek ijrochilik sanʼati va ijodi bilan bogʻliq. Buzruk maqomining Savti Sarvinoz shoʻ’basiga ohangdosh. Uch qism (saraxbor, soqiynoma va ufar usullari bilan ijro etiladigan asarlar)dan iborat. Hoji Abdulaziz Ra-sulov, Yunus Rajabiy „A.“ yoʻllarini mukammal oʻzlashtirib, aynan shu us-lub yoʻnalishida kuylar yaratishgan. „A.“ning turli yoʻllari „Oʻzbek xalq musiqasi“ toʻplamining 1-, 2- va 4- jildlarida nashr etilgan: „A.“ va „Ufari A.“ (Muqimiy gʻazallari), „A.“ (Muqimiy) va „Savti A.“ (Furqat), „A. III“. Bularga taqlidan yaratilgan ashula va cholgʻu yoʻllari ham maʼlum.

Adabiyotlar tahrir

  • OʻzME. Birinchi jild. Toshkent, 2000-yil