Absalomov Gʻiyos

Absalomov Gʻiyos (1937-yil 12-mart, Samarqand viloyati, Oʻzbekiston SSR, SSSR) – mehnat faxriysi, „Mehnat Qizil Bayroq ordeni“ va „Oktyabr inqilobi“ mukofotlari sohibi.

Absalomov Gʻiyos
Tavalludi	12-mart, 1937-yil Samarqand viloyati, Oʻzbekiston SSR, SSSR
Fuqaroligi	SSSR→ Rossiya
Mukofotlari

Hayoti

Absalomov Gʻiyos 1937-yil 12-mart kuni Oʻzbekiston SSRga qarashli boʻlgan Samarqand viloyatida tugʻilgan. Otasi Gummar Vakkas kolxozda kombaynchi boʻlib ishlagan. U ikkinchi jahon urushida qatnashgan. Absalomov Gʻiyos Paxtakor tumanidagi oʻrta maktablarning birida 10-sinfgacha oʻqib, duradgorlik bilan shugʻullangan. Bundan keyin u Chimkent shahridagi mashinalar zavodida ish faoliyatini boshlagan. U yerda bosh hisobchi lavozimida ishlagan. 1956-yil Chimkent davlat kon-metallurgiya texnikumiga oʻqishga qabul qilingan. U yerni 1960-yil muvaffaqiyatli tamomlagan. 1961-yil Tojikiston SSRdagi „Adrasman“ uran qazib olish koniga ishga kirgan. Absalomov 1963-yilda Boshqirdistonga koʻchib oʻtgan. 1968-yilda Kamertau vertolyot zavodida mexanik sifatida faoliyatini damom ettirgan. Vertolyot zavodi oʻzining kichik zavodlarini ochishni boshlagan paytda, Absalomov shu zavodlarning biriga rahbar etib tayinlangan.

Mukofotlari

Absalomov Gʻiyos namunali xizmati va unga ishonib topshirilgan vazifalarni aʼlo darajada bajarganligi uchun SSSR Oliy Kengashi Sovetining 1974-yil 25-martdagi farmoniga asosan, „Mehnat Qizil Bayroq ordeni“ bilan mukofotlangan. Ushbu mukofotni Sovet Ittifoqi Kommunistik partiyasining Boshqirdistondagi ijroiya qoʻmitasi kotibi Mixat Shakirov topshirgan. 1980-yil 15-iyuldagi SSSR aviatsiya sanoati vazirligining farmoniga asosan, Absalomov Gʻiyos „Mehnat sohasi fidoyisi“ mukofoti bilan taqdirlangan. SSSR Oliy Kengashi Sovetining 1982-yil 13-avgust kunidagi farmoniga binoan esa „Oktyabr inqilobi“ ordeni bilan mukofotlangan.