Ahmad Narzullayev
Ushbu sahifani Axmat Narzulloyev bilan birlashtirish taklif etiladi. (munozara) |
Ahmad Narzullayev (1956-yil 15-mart; Surxondaryo viloyati, Denov tumani – 2024-yil 1-noyabr, Oʻzbekiston) – Fermer, Oʻzbekiston qahramoni, Mehnat shuhrati ordeni sohibi.
| Ahmad Narzullayev | |
|---|---|
 | |
| Tavalludi |
15-mart 1956-yil |
| Vafoti |
2024-yil 1-noyabr Oʻzbekiston |
| Fuqaroligi |
 Oʻzbekiston |
| Taʼlimi | Toshkent politexnika instituti |
| Kasbi | Fermer |
| Dini | Islom |
| Mukofotlari |
  |
Tarjimai holi
tahrirAhmad Narzullayev 1956-yil 15-martda Surxondaryo viloyatining Denov tumanida tugʻilgan. 1979-yilda Toshkent politexnika institutini tamomlagan. Ahmad Narzullayev boshchiligidagi „Lochin“ fermer xoʻjaligi 2000-yilda Prezident sovrini uchun oʻtkazilgan „Tashabbus“ koʻrik-tanlovida faol ishtirok etgan. Shu yili „Lochin“ fermer xoʻjaligi viloyat bosqichida dehqon, fermer va tadbirkorlar oʻrtasida 1-oʻrinni egalladi. Ushbu koʻrik-tanlovning Respublika bosqichida esa 3-oʻrinni qoʻlga kiritgan. Ahmad Narzullayev esa koʻrik-tanlovning „Saxovatli tadbirkor“ laureatlik diplomi va esdalik sovgʻasi bilan taqdirlangan. „Tashabbus – 2001“ koʻrik-tanlovida Ahmad Narzullayevga „Intizomli soliq toʻlovchi“ laureatlik diplomi berilgan[1].
2020-yilning 14-dekabr kuni Ahmad Narzullayev qishloq xoʻjaligi xodimlari kuni munosabati bilan Surxondaryoda boʻlib oʻtgan bayram yadbirida qatnashgan va tadbir davomida quyidagi fikrlarni bildirib oʻtgan:
Davlatimiz rahbarining Oʻzbekiston qishloq xoʻjaligi xodimlariga yoʻllagan bayram tabrigi yurtimizdagi mirshikor dehqon hamda fermerlar, tomarqa yer egalari va chorvadorlarni behad mamnun etdi. Bu tabrikda moddiy neʻmat yaratuvchilariga boʻlgan yuksak hurmat va ehtirom oʻz ifodasini topgan, desam aslo mubolagʻa boʻlmaydi. Bu bizning kuchimizga kuch, ruhiyatimizga esa kattta koʻtarinkilik baxsh etdi. Biz dehqonchilikda koʻp yillik tajribaga ega xalqimiz. Shunga munosib ravishda qishloq xoʻjaligini isloh qilish, sohani davlat tomonidan qoʻllab-quvvatlash ishlariga qaratilgan doimiy eʼtibor yuksak samaralar baryotir. Paxtachilik, gʻallachilik qatori issiqxona sharoitida dehqonchilik qilish boʻyicha ham ilgʻor tajribalar oʻzlashtirilib, moʻl-koʻl hosil yetishtirishga erishib kelmoqdamiz.
— Ahmad Narzullayev, [2]
Vafoti
tahrirAhmad Narzullayev 2024-yil 1-noyabrda 68 yoshida vafot etgan[3][4].
Oʻzbekiston qahramonining vafoti munosabati bilan Oʻzbekiston Respublikasi Prezidenti Shavkat Mirziyoyev quydagicha taziyanoma yoʻlladi.
Mamlakatimiz qishloq xo‘jaligi sohasining yetuk namoyandasi, mehribon ustoz, samimiy va kamtarin inson Ahmad Narzullayevning yorqin xotirasi qalbimizda hamisha saqlanib qoladi.
— Shavkat Mirziyoyev, [5]
Mukofotlari
tahrir- 2001-yilda Mehnat shuhrati ordeni bilan taqdirlangan[1].
- 2003-yilda Oʻzbekiston qahramoni unvoni berilgan[1].
Manbalar
tahrir- ↑ 1,0 1,1 1,2 Muhammad Ali, Rahmon Qoʻchqor 2021, s. 96.
- ↑ „Surxon vohasida qishloq xoʻjaligi xodimlari kuniga bagʻishlangan bayram boʻlib oʻtdi“. www.xs.uz. 2023-yil 13-avgustda asl nusxadan arxivlangan. Qaraldi: 13-avgust 2023-yil.
- ↑ „Ўзбекистон Қаҳрамони Аҳмад Нарзуллоев вафот этди“ (platina.uz). 2024-yil 1-noyabrda asl nusxadan arxivlangan. Qaraldi: 2024-yil 1-noyabr.
- ↑ „Ўзбекистон Қаҳрамони Аҳмад Нарзуллаев вафоти муносабати билан ҳамдардлик“ (uza.uz). 2024-yil 1-noyabrda asl nusxadan arxivlangan. Qaraldi: 2024-yil 1-noyabr.
- ↑ „Президент Ўзбекистон қаҳрамони вафоти муносабати билан таъзия билдирди“ (uza.uz). 2024-yil 1-noyabrda asl nusxadan arxivlangan. Qaraldi: 2024-yil 1-noyabr.
Adabiyotlar
tahrir- Muhammad Ali, Rahmon Qoʻchqor va boshqalar. Oʻzbekiston qahramonlari. Toshkent: Adabiyot, 2021 — 216-bet. Qaraldi: 11-avgust 2023-yil.
|
Bu maqolada boshqa til boʻlimlariga ishorat yoʻq. Siz ularni topib va ushbu maqolaga qoʻshib, loyihaga yordam berishingiz mumkin. |