Akobir Adhamov
Akobir Adhamov (1928-yil 4-sentyabr, Samarqand, Oʻzbekiston SSR, SSSR – 1993-yil 12-noyabr, Dushanbe, Tojikiston) – fizik, Tojikiston fanlar akademiyasi akademigi, fizika-matematika fanlari doktori, professor[1][2].
| Akobir Adhamov | |
|---|---|
| Tavalludi |
4-sentyabr, 1928-yil |
| Vafoti |
12-noyabr, 1993-yil Dushanbe, Tojikiston |
| Fuqaroligi |
 SSSR |
Hayoti tahrir
Akobir Adhamov 1928-yil 4-sentyabr kuni Oʻzbekiston SSRga qarashli boʻlgan Samarqand viloyatida tugʻilgan. U 1949-yil Samarqand davlat universitetining fizika-matematika fakultetini tamomlagan. 1953-yil esa Moskva davlat universitetini tugatgan. Akobir Adhamov 1954-yildan 1965-yilgacha Tojikiston davlat universitetining fizika-matematika fakultetida katta oʻqituvchi sifatida faoliyatini boshlaydi. 1965-yildan 1966-yilgacha Tojikiston milliy universitetining ilmiy ishlar boʻyicha prorektor lavozimida ishladi. 1966-yildan 1968-yilgacha Tojikiston fanlar akademiyasi huzuridagi fizika institutida direktor sifatida faoliyatini davom ettiradi. Akobir Adhamov 1976-yildan 1984-yilgacha Tojikiston fanlar akademiyasi huzuridagi kimyo akademiyasini boshqaradi[3].
Akobir Adhamov SSSR Fanlar akademiyasining ultratovush muammolari boʻyicha tuzilgan ilmiy kengash aʼzosi edi. Shu bilan birgalikda, Tojikiston fanlar akademiyasining amaliy muammolar boʻyicha tuzilgan ilmiy kengash raisi edi. U „Sovet-tojik ensiklopediyasi“ ilmiy tahririyati bosh kotibi edi. Dushanbe va Samarqand shaharlaridagi koʻchalarning biriga Akobir Ahmadov nomi berilgan.
Ilmiy faoliyati tahrir
Akobir Adhamov fizika fanidan 1954-yilda nomzodlik dissertatsiyasini, 1964-yilda esa doktorlik dissertatsiyasini himoya qilgan. U Tojikiston davlat universitetida kvant elektronikasi, ultratovushning suyuqliklarda tarqalishi, elastik moddalarning kinetik nazariyasi hamda potensial energiyani aniqlash boʻyicha izlanishlar olib borgan. Akobir Adhamov 100 ga yaqin ilmiy ishlar va maqolalar muallifidir.
Mukofotlari tahrir
Akobir Adhamov „Shon-sharaf ordeni“, „Lenin ordeni“, „Mehnat faxriysi“ ordenlari va mukofotlari bilan taqdirlangan.
Manbalar tahrir
- ↑ Akademiyai ilmhoi Ҷumhurii Toҷikiston. Hayati shaxsӣ. – Dushanbe: Donish, 2011. – 216 s.
- ↑ „Акобир Адҳамович Адҳамов“. Qaraldi: 18-sentabr 2023-yil.
- ↑ „Akobir Adxamov ijodiy“. Qaraldi: 18-sentabr 2023-yil.