Aleksandr Zikov
Aleksandr Aleksandrovich Zikov (1922-yil 4-avgust, Kiyev – 2013-yil 18-dekabr, Odessa) — sovet va ukrain matematigi. Professor, fizika-matematika fanlari doktori, grafik nazariyasini yaratgan olimlardan biri.
| Aleksandr Aleksandrovich Zikov | |
|---|---|
 Aleksandr Aleksandrovich Zikov maʼruza oʻqimoqda, 1970-yillar. | |
| Tavalludi |
4-avgust 1922-yil[1] Kiyev, SSSR |
| Vafoti |
18-dekabr 2013-yil (91 yoshda) Odessa, Ukraina |
| Fuqaroligi |
 SSSR →  Ukraina |
| Sohasi | Matematik |
| Ish joylari | Samarqand davlat universiteti |
| Taʼlimi | Nijniy Novgorod davlat universiteti |
Grafiklar nazariyasi va Algebra maʼruzalari boʻyicha koʻplab kitoblar muallifi.
Hayoti
tahrirAleksandr Aleksandrovich 1922-yil 4-avgustda Kiyev shahrida muhandis oilasida tugʻilgan.
1939-yilda Aleksandr oʻrta maktab kursi uchun imtihonlarni topshirdi va aʼlo baholar bilan Gorkiy davlat universitetining fizika-matematika fakultetiga oʻqishga kirdi. Aleksandr Gorkiy davlat universitetini 1945-yilda tamomladi.
1945—1947-yillarda Gorkiy universitetida assistent boʻlib ishlagan. Shuningdek, ushbu davrda Moskva davlat universiteti aspiranturasida tahsil olgan.
1950—1952-yillarda, aspiranturadan soʻng Odessa davlat universitetida va Odessa dengiz muhandislari institutida dars berdi.
1952—1958-yillarda nomzodlik dissertatsiyasini himoya qilib, Moskvada Moskva aviatsiya institutida va Moskva fizika-texnika institutida dotsent lavozimida ishlagan.
1958-yildan boshlab Aleksandr Aleksandrovich Novosibirsk Akademiyasida ishlaydi. Novosibirskda u SSSRda grafiklar nazariyasi boʻyicha birinchi seminarni tashkil qildi. Dastlab maʼruzalar mavhum xususiyatga ega boʻlsada, 1962-yildan seminarni tadqiqot bilan birga rivojlantirgan[2].
1963-yilda doktorlik dissertatsiyasini himoya qildi.
1969-yilda Aleksandr Zikovning „Cheklangan grafiklar nazariyasi“ monografiyasi nashr etildi.
1976—1982-yillarda Kishinyov davlat universitetida, 1982—1988-yillarda Samarqand davlat universitetida dars bergan.
Nafaqaga chiqqanidan keyin Aleksandr Aleksandrovich Odessada yashadi. U 2013-yil 18-dekabrda uzoq davom etgan kasallikdan soʻng 91 yoshida vafot etgan. Aleksandrning nomi zamonaviy Ukraina ensiklopediyasining 10-jildiga kiritilgan.
Kitoblari
tahrir- Зыков А. А.. Основы теории графов. М.: «Вузовская книга», 2004 — 664-bet. ISBN 5-9502-0057-8. (Wayback Machine saytida 2012-01-21 sanasida arxivlangan) (М.: Наука, 1987. 383 c.)
- Зыков А.А. Логико-философское введение в высшую математику : Учебное пособие. - Одесса : "Астропринт", 2008. - 118 с. http://window.edu.ru/catalog/pdf2txt/279/78279/59162
Manbalar
tahrir- ↑ „Зыков Александр Александрович“. www.poivs.tsput.ru. Qaraldi: 10-sentabr 2023-yil.
- ↑ „В Одессе скончался известный математик“. dumskaya.net. 2013-yil 23-dekabrda asl nusxadan arxivlangan. Qaraldi: 2014-yil 2-yanvar.