Aleksey Vladimirovich Yevstafeyev (28.12.1967, Oʻzbekiston SSR) – oʻzbek sobiq futbolchisi, murabbiy.

Aleksey Yevstafeyev
Shaxsiy maʼlumot
Toʻliq ismi Yevstafeyev Aleksey Vladimirovich
Tavallud sanasi 28-dekabr 1967-yil (1967-12-28) (56 yosh)
Tavallud joyi Sverdlovsk, RSFSR, SSSRSovet IttifoqiSSSR
OʻzbekistonOʻzbekiston
RossiyaRossiya
Ampluasi yarimhimoyachi
Klub maʼlumoti
Joriy klub
RossiyaCPMF Baltika yoshlar jamoasi
Raqami murabbiy
Professional faoliyati*
Yillar Jamoa Isht. (Gol.)
1990-1991
1992-1998
1999
2000
Sovet IttifoqiTraktor (Toshkent)
OʻzbekistonTraktor (Toshkent)
OʻzbekistonXorazm
OʻzbekistonZarafshon
(64 (5)
169 (18)
11 (0)
30 (0))
Boshqargan klublari
2001
2002-2009
2009-2011
2011-2013
2012-2013
2013—
2013-2014
OʻzbekistonQibray
OʻzbekistonPaxtakor (akademiya)
OʻzbekistonOʻzbekiston U15-U17
OʻzbekistonOʻzbekiston U18-U20 (asistent)
OʻzbekistonOʻzbekiston U21-U22
OʻzbekistonOʻzbekiston U-22 (asistent)
OʻzbekistonOʻzbekiston U18-U19
*Professional klublardagi gollari (ichki chempionat)

Hayoti tahrir

Futboldagi faoliyati tahrir

Yevstafeyev Aleksey Vladimirovich futbolchilik faoliyatini 1990-yildan 1998-yilgacha "Traktor" klubida oʻtkazgan. 1999-yilda Xorazm tarkibiga kelib qoʻshilgan.

Murabbiylik faoliyati tahrir

Yevstafeyev murabbiylik faoliyatini Oʻzbekiston ikkinchi ligasidagi „Qibray“ klubida boshlagan. 2002-yilda "Paxtakor"ga oʻtib, klub akademiyasiga murabbiylik qiladi. 2009-yilda Yevstafeyev Oʻzbekistonning 15 yoshgacha boʻlgan (U-15, 1994-yilda tugʻilgan) yoshlar terma jamoasini boshqargan, uning vazifasi 2010-yilda 16 yoshgacha boʻlgan futbolchilar oʻrtasidagi Osiyo chempionati AFC U-16 chempionati yoʻllanmasini qoʻlga kiritish edi. 2009-yilda jamoa 16 yoshgacha boʻlgan futbolchilar oʻrtasidagi Osiyo chempionati saralash turniridan muvaffaqiyatli oʻtdi.

2010-yil Oʻzbekistonda boʻlib oʻtgan U-16 yoshlar oʻrtasidagi Osiyo chempionatida Yevstafeyev shogirdlari musobaqa finaliga chiqib[1] KXDRlik tengdoshlariga 0:2 hisobida imkoniyatni boy berdi. Chempionat natijalariga koʻra Yevstafeyev shogirdlari ilk bor 2011-yilda Meksikada boʻlib oʻtgan 17 yoshgacha boʻlgan futbolchilar oʻrtasidagi jahon chempionatiga yoʻllanmani qoʻlga kiritdi. 2011-yilgi jahon chempionatida Oʻzbekiston U-17 terma jamoasi 1-oʻrin bilan guruh bosqichidan chiqib, chorak finalda Urugvay termasiga 0:2 hisobida imkoniyatni boy berdi.

Oʻsha yili Yevstafeyev Oʻzbekiston yoshlar terma jamoasida (U-19) Ahmadjon Musayevning yordamchisi etib tayinlandi. Jamoa 2012-yilda Osiyo chempionatining yarim finaliga qadar borib 2013-yil U-20 jahon chempionatida ishtirok etish huquqini qoʻlga kiritdi. Oʻzbekiston U-20 terma jamoasi 2013-yilgi jahon chempionatida muvaffaqiyatli ishtirok etib, turnirning 1/4 finaliga yoʻl oldi.

2011-yilning yanvar oyida Oʻzbekiston Futbol Federatsiyasi tomonidan Aleksey Yevstafeyev Oʻzbekistonda 2010-yilning eng yaxshi murabbiyi, shuningdek, yilning eng yaxshi yoshlar murabbiyi deb topildi[2]. 2011-yil natijalariga koʻra Yevstafeyev Vadim Abramovdan soʻng ikkinchi oʻrinni qayd etdi[3].

2012-yilning 6-yanvarida Yevstafeyev Oʻzbekiston yoshlar terma jamoasiga (21 yoshgacha) bosh murabbiy etib tayinlandi. Jamoa oldiga 2013-yilgi 22 yoshgacha boʻlgan futbolchilar oʻrtasidagi Osiyo chempionati final bosqichiga chiqish asosiy vazifa qilib belgilandi. Yevstafeyev shogirdlari 2012-yil iyun oyida Nepalda oʻtkazilgan saralash turniridan muvaffaqiyatli oʻtdi[4][5].

2012-yil 26-dekabrda Yevstafeyev Oʻzbekiston U-18 yoshlar terma jamoasini boshqargan[6][7]. Bu safar Yevstafeyev zimmasiga 2014-yilda Myanmada boʻlib oʻtadigan U-19 Osiyo chempionati saralash bosqichida oʻtish vazifasi qoʻyildi. 2013-yilda U-18 terma jamoasi 19 yoshgacha boʻlgan futbolchilar oʻrtasidagi Osiyo chempionati saralash bosqichidan muvaffaqiyatli oʻtib, „A“ guruhida 2-oʻrinni egalladi. 2013-yilning dekabr oyi boshlarida U-22 jamoasida murabbiy almashdi. 2013-yilning 6-dekabr kuni Oʻzbekiston asosiy terma jamoasining hozirgi yordamchisi Shuhrat Maqsudov U-22 terma jamoasiga bosh murabbiy etib tayinlandi. Yevstafeyev terma jamoaning katta murabbiyi, asistent boʻldi. Yevstafeyev, shuningdek, 18 yoshgacha boʻlganlar (1995-yilda tugʻilgan) jamoasining bosh murabbiyi lavozimini saqlab qoldi[8]. 2014-yil 11-mart kuni Yevstafeyev oʻz iltimosiga binoan U-19 jamoasi bosh murabbiyligidan ketdi. Bu lavozimda uning oʻrnini Sergey Luschan egalladi[9][10].

Yutuqlari tahrir

Murabbiy sifatida tahrir

Oʻzbekiston U15-U17 tahrir

  • U-16 Osiyo chempionati: 2-oʻrin, 2010-yil
  • U-17 jahon chempionati: Chorak final, 2011-yil

Shaxsiy tahrir

  • Oʻzbekistonda yil murabbiyi: 2010-yil
  • Oʻzbekistonda yilning eng yaxshi murabbiyi (2-oʻrin): 2011-yil
  • Yilning eng yaxshi yoshlar murabbiyi: 2010, 2011

Mukofotlar tahrir

  • 2011-yil 25-avgust – Oʻzbekiston Respublikasida xizmat koʻrsatgan murabbiy
  • 2013-yil 23-avgust- "Doʻstlik" ordeni – ilmiy faoliyati va fidokorona mehnati bilan Vatan mustaqilligini mustahkamlash, milliy gʻoya rivoji, maʼnaviyatni tiklash, xalqning oʻz-oʻzini anglash tuygʻusini yuksaltirishga qoʻshgan salmoqli hissasi, yorqin isteʼdod va ijodkorligi uchun.

Manbalar tahrir

  1. „Узбекский прорыв“ (deadlink). Prosportkz.kz (28-iyun 2011-yil). 2014-yil 8-yanvarda asl nusxadan arxivlangan.
  2. „В Узбекистане назвали лучшего футболиста и тренера 2010 года, 5 января 2011“ (deadlink). 8-yanvar 2014-yilda asl nusxadan arxivlangan. Qaraldi: 8-yanvar 2014-yil.
  3. „Федерация футбола Узбекистана назвала лучших в 2011году“. sportinfo.kz (24-dekabr 2011-yil).[sayt ishlamaydi]
  4. „Алексей Евстафеев назначен главным тренером молодёжной сборной Узбекистана (до 22-х лет)“. ФФУ (6-yanvar 2012-yil). 2014-yil 25-oktyabrda asl nusxadan arxivlangan. Qaraldi: 8-yanvar 2014-yil.
  5. „Евстафеев — главный тренер U-22“. Газета "Голос Узбекистана" (13-yanvar 2012-yil). 2014-yil 8-yanvarda asl nusxadan arxivlangan.
  6. „Евстафеев возглавил молодёжную сборную (U-19)“. UzDaily.uz (26-dekabr 2012-yil). 8-yanvar 2014-yilda asl nusxadan arxivlangan. Qaraldi: 7-iyul 2022-yil.
  7. „Евстафеев возглавил молодёжную сборную Узбекистана по футболу“. Podrobno.uz (27-dekabr 2012-yil). 6-yanvar 2014-yilda asl nusxadan arxivlangan. Qaraldi: 8-yanvar 2014-yil.
  8. „В Олимпийской сборной Максудову будет помогать Евстафеев“. Championat.asia (6-dekabr 2013-yil). 8-yanvar 2014-yilda asl nusxadan arxivlangan. Qaraldi: 8-yanvar 2014-yil.
  9. „Aleksey Evstafeev "Neftchi"da ish boshladi“. 21-yanvarda asl nusxadan arxivlangan.
  10. „Aleksey Estafeev - "SHo'rtan" bosh murabbiyi“. 2023-yil 31-yanvarda asl nusxadan arxivlangan. Qaraldi: 2023-yil 22-oktyabr.

Havolalar tahrir