Alisher Xoliqov

Alisher Xoliqov
Shaxsiy maʼlumot
Toʻliq ismi	Alisher Xoliqov
Tavallud sanasi	20-aprel 1982-yil (41 yosh)
Tavallud joyi	Zarafshon Oʻzbekiston SSR
Boʻyi	179 cm (5 ft 10 1⁄2 in)
Ampluasi	Hujumchi
Vazni	78 kg
Klub maʼlumoti
Joriy klub	Faoliyatini yakunlagan
Yoshligida aʼzo boʻlgan klublar
–	Zarafshon
Professional faoliyati*
Yillar	Jamoa
2000—2002	Zarafshon
2003—2004	Qizilqum
2004—2007	Buxoro
2008—2012	Neftchi
2012	Buxoro
2012	Qizilqum
2013	Zarafshon
2013—2015	Qizilqum
	*Professional klublardagi gollari (ichki chempionat)

Alisher Xoliqov (inglizcha: Alisher Khalikov, 20-aprel 1982-yil;^[1] Zarafshon (shahar), Oʻzbekiston SSR, SSSR) — sobiq oʻzbek futbolchisi, hujumchi.

Futbolchilik faoliyati tahrir

Alisher Xoliqov professional faoliyatini 2000-yilda „Zarafshon Navoiy“ safida boshlagan va 2002-yilning oxirigacha ushbu klubda toʻp surgan. Bu vaqt ichida u 56 ta uchrashuvda maydonga tushib, 18 ta gol urishga erishdi. 2003-yil boshida „Qizilqum“ga oʻtib, ikki mavsum „oltin izlovchilar“ safida toʻp surgan, bu jamoada 30 ta oʻyinda maydonga tushib, 5 ta gol urgan.

2005-yil boshida Xoliqov buxoroliklar klubi bilan shartnoma imzoladi, shuningdek, buxoroliklar safida ikki mavsum toʻp surdi va bu mavsumda 65 ta oʻyinda maydonga tushib, 16 ta gol urdi. 2008-yilda Fargʻonaning „Neftchi“ jamoasiga oʻtib, 2010-yilda ushbu jamoa tarkibida 13 ta gol urib, Oʻzbekiston Oliy ligasining ikki toʻpuraridan (Nosirbek Otaqoʻziyev bilan) biriga aylandi. Xoliqov „Neftchi“ safida jami 69 ta oʻyinda maydonga tushib, 27 ta gol urgan.

2012-yilda yana „Buxoro“ va „Qizilqum“da yarim mavsum toʻp surdi. 2013-yilning birinchi yarmini Navoiyning „Zarafshon“ klubida ijara asosida oʻtkazdi.^[2] Oʻsha yilning ikkinchi yarmida u „Qizilqum“ga qaytdi va 2015-yilda shu jamoa tarkibida faoliyatini yakunlagan.^[3]