Balj ibn Bishr al-Qushayriy

Balj ibn Bishr al-Qushayriy (arabcha: بلج بن بشر القشيري) (742-yil avgust oyida vafot etgan) – Umaviylar xalifaligining Magʻrib (Shimoliy Afrika) va al-Andalusdagi (Iberiya) harbiy qoʻmondoni. 742-yildan boshlab to vafotiga qadar qisqa muddat davomida Al-Andalus hokimi boʻlgan. Balj Havozin qabilasining Banu Qushayr tarmogʻidan boʻlib, Umaviylar xalifasi Hishom tomonidan Ifriqiyaga hokim etib tayinlangan Kulsum ibn Iyod al-Qushayriyning jiyani edi. 741-yilda amakisining qoʻmondonligi ostida Shimoliy Afrikada Berberlar qoʻzgʻoloniga qarshi harbiy yurishda otliq askarlarga boshchilik qilgan. Kulsum Damashq, Iordaniya, Qinnasrin, Hims, Falastin va Misrdagi qoʻshinlardan (jundlardan) kelgan 30 000 arab armiyasini boshqargan.

Balj ibn Bishr al-Qushayriy arabcha: بلج بن بشر القشيري
Ifriqiya hokimi
Mansab davri 741 – 742
Oʻtmishdoshi	Kulsum ibn Iyod al-Qushayriy
Vorisi	Hanzala ibn Safvon al-Kalbiy
Al-Andalus hokimi
Mansab davri 742 – 742
Oʻtmishdoshi	Abdulmalik ibn Qatn al-Fihriy
Vorisi	Salaba ibn Salama al-Amiliy
Shaxsiy maʼlumotlari
Vafoti	742-yil avgust Kordova
Faoliyati	Umaviylar xalifaligi
Janglari	Berberlar qoʻzgʻoloni Baqdura jangi (741)

Solnomachi Ibn al-Xotamning rivoyat qilishicha, Balj ibn Bishr jangda Ifriqiyaning boʻlajak hukmdori Abdurahmon ibn Habib al-Fihriy tomonidan oʻldirilgan. Ibn al-Xotam Abdurahmon ibn Habib al-Fixriyni Andalusiyaning qadimgi Narbonne shahri hokimi Abdurahmon ibn Alqama al-Laxmiy bilan aralashtirib yuborgan boʻlishi mumkin, chunki boshqa manbalarda aynan al-Laxmiyning qoʻshini parchalanib ketayotib, jang shiddatli tus olgan vaqtda Suriya otliq askarlari orasidan Baljni topib, unga nayzasi bilan zarba berganligi toʻgʻrisida maʼlumot berilgan.

Adabiyotlar

• Al-Maqqari, trans. 1840-43, The History of the Mohammedan dynasties in Spain, v.2, London: Royal Asiatic Society.
• Kennedy, Hugh (1996) Muslim Spain and Portugal: A Political History of al-Andalus, New York and London: Longman.
• Lévi-Provençal, E. (1950) Histoire de l’Espagne musulmane, Tome 1, 1999 ed., Paris: Larose.
• Mercier, E. (1888) Histoire de l’Afrique septentrionale, v. 1, Paris: Leroux. Repr. Elibron Classics, 2005.
• Taha, Abd al-Wahid Dhannun (1989) The Muslim conquest and settlement of North Africa and Spain, London, Routledge.

Oʻtmishdoshi: Kulsum ibn Iyod al-Qushayriy	Ifriqiya hokimi 741–742	Vorisi: Hanzala ibn Safvon al-Kalbiy
Oldingisi Abdulmalik ibn Qatan	Al-Andalus hokimi 742	Keyingisi Salaba ibn Salama al-Amiliy