Boburjon Omonov
Boburjon Zoirjon oʻgʻli Omonov (tugʻ. 2000-yil 11-oktyabr, Marhamat tumani, Andijon viloyati, Oʻzbekiston) – oʻzbekistonlik para yengil atletikachi, yadro uloqtirish boʻyicha F41 toifasida ixtisoslashgan. Para-Osiyo oʻyinlari, Yengil atletika boʻyicha Jahon chempionati hamda Tokio va Parij Paralimpiya oʻyinlari gʻolibi.
| Boburjon Omonov | |
|---|---|
 | |
| Shaxsiy maʼlumotlari | |
| Jinsi | erkak |
| Tavallud paytidagi ismi | Boburjon Zoirjon o'g'li Omonov |
| Fuqaroligi |
 Oʻzbekiston |
| Tavallud sanasi |
11-oktyabr 2000-yil Marhamat tumani, Andijon viloyati, Oʻzbekiston |
| Mukofotlar |
  |
| Sport | |
| Qaysi sport | Paralimpiya yengil atletika |
Faoliyati
tahrir2016-yildan murabbiy Mavlon Haydarov rahbarligida paralimpiya sporti bilan shugʻullana boshladi. 2017-yildan boshlab u xalqaro musobaqalarda qatnasha boshladi. 2018-yilda Jakartada (Indoneziya) boʻlib oʻtgan Yozgi Para-Osiyo oʻyinlarida gʻolib boʻldi. 2019-yilda Dubayda (BAA) oʻtkazilgan Yengil atletika boʻyicha Jahon chempionatida (HPK) yadro uloqtirishda 14,31 metr natija bilan oltin medal va Tokiodagi Paralimpiya oʻyinlariga litsenziyani qoʻlga kiritdi[1][2].
2021-yilda boʻlib oʻtgan Yozgi Paralimpiya oʻyinlarida F41 toifasida erkaklar oʻrtasida yadro uloqtirish boʻyicha oltin medalni qoʻlga kiritdi, Boburjon Omonov 14,06 metr natija bilan Paralimpiya rekordini yangiladi[3]. Oʻsha yili Oʻzbekiston Respublikasi Prezidenti Shavkat Mirziyoyev Omonovni Oʻzbekiston iftixori faxriy unvoni bilan taqdirladi[4].
Boburjon Omonov 2023-yil iyulda Parijda (Fransiya) boʻlib oʻtgan yengil atletika boʻyicha Jahon chempionatida F41 toifasida erkaklar oʻrtasida yadro uloqtirish boʻyicha 14 m 73 sm natija koʻrsatib, oltin medalni qoʻlga kiritdi va shu tariqa jahon chempionati rekordini yangiladi hamda 2024-yilgi Yozgi Paralimpiya oʻyinlari litsenziyasini qoʻlga kiritdi[5].
Oʻsha yilning oktabr oyida Xanchjou shahrida (Xitoy) boʻlib oʻtgan yozgi Paraosiyo oʻyinlarining F41 toifasida erkaklar oʻrtasida yadro uloqtirish boʻyicha Boburjon Omonov 13,14 metr natija bilan oltin medalni qoʻlga kiritdi. Shuningdek, u ushbu fan boʻyicha Paraosiyo oʻyinlari rekordini oʻrnatdi[6]. Boburjon Omonov 2024-yilgi Parij Paralimpiya oʻyinlarida 14.32 metr natija qayd etib, ikki karra paraolimpiya chempioniga aylandi[7].
Eʼtiborlisi, 23 yoshli sportchi Tokioda oʻzi oʻrnatgan rekordini yangiladi[8].
Mukofotlari
tahrir- 2021-yilda Oʻzbekiston iftixori faxriy unvoni bilan mukofotlangan.
- 2024-yilda „Oʻzbekiston Respublikasida xizmat koʻrsatgan sportchi“ faxriy unvoni berilgan[9]
Manbalar
tahrir- ↑ „Дубайдан гапирамиз! Бобиржон Омонов Пара атлетика бўйича жаҳон чемпиони бўлди ва Паралимпия ўйинлари йўлланмасини қўлга киритди – O'zbekiston Milliy paralimpiya qo'mitasi“ (uz-UZ). 2021-yil 28-noyabrda asl nusxadan arxivlangan. Qaraldi: 2021-yil 28-noyabr.
- ↑ „Наши пара-атлеты начали Гран-При с мировым рекордом“. weightlifting.uz. 2021-yil 28-noyabrda asl nusxadan arxivlangan. Qaraldi: 2021-yil 28-noyabr.
- ↑ UzDaily. „Бобуржон Омонов завоевал золотую медаль“ (ru). UzDaily.uz. Qaraldi: 2021-yil 28-noyabr.
- ↑ uza.uz. „О награждении группы спортсменов и тренеров, добившихся высоких результатов на ХVI летних Паралимпийских играх в городе Токио“ (uz). Uza.uz (2021-yil 10-sentyabr). Qaraldi: 2021-yil 10-sentyabr.
- ↑ „O‘zbekistonlik parayengil atletikachilar Jahon chempionatida 17 ta medalga ega chiqdi Qaralgan sana=3.09.2024“ (daryo.uz).
- ↑ „Bobur Omonov Paraosiyo o‘yinlari rekordini o‘rnatib oltin medalga sazovor bo‘ldi, veloshosseda bronza Qaralgan sana=3.09.2024“ (kun.uz).
- ↑ „Musobaqa rekordini o‘rnatgan Bobur Omonov Paralimpiya chempionligini qo‘lga kiritdi Qaralgan sana=3.09.2024“ (daryo.uz).
- ↑ „Paralimpiya. Bobur Omonov musobaqa rekordini o‘rnatdi Qaralgan sana=3.09.2024“ (daryo.uz).
- ↑ „Париж шаҳрида бўлиб ўтган ХVII ёзги Паралимпия ўйинларида юксак натижаларга эришган спортчи ва мураббийлардан бир гуруҳини мукофотлаш тўғрисида Ўзбекистон Республикаси Президентининг Фармони“. president.uz. Qaraldi: 12-sentabr 2024-yil.