Date (Xokkaydo)
Date (yaponcha: 伊達市 Date-shi, [date]) — Yaponiyaning Xokkaydo orolidagi Iburi subprefekturasida joylashgan shahar. 1869-yilda Date klani tomonidan asos solingan. 1972-yil 1-aprelda unga shahar maqomi berildi.
Date 伊達市 | |
|---|---|
| Shahar | |
 Shahar hokimyati binosi | |
 Bayroq  Gerb | |
| 42°28′0″N 140°52′0″E / 42.46667°N 140.86667°E G OKoordinatalari: 42°28′0″N 140°52′0″E / 42.46667°N 140.86667°E G O | |
| Mamlakat | Yaponiya |
| Hukumat | |
| • Hokim | Keita Horii (2023-yil may oyidan beri) |
| Asos solingan | 1869 |
| Maydon | 444.28 km2 (171.54 mi²) |
| Rasmiy til(lar)i | Yapon |
| Aholisi (2017-yil 30-aprel) |
34,898 |
| Zichligi | 79 kishi/km2 |
| Vaqt mintaqasi | UTC+09:00JST |
|
| |
Tarixi tahrir
Date hududidan Jomon davriga oid turar-joy qoldiqlari topilgan. Xokkaydoning tub aholisi boʻlgan Aynular ham 20-asr boshlariga qadar Date yaqin atrofidagi boshqa manzilgohlarda istiqomat qilib, Yaponiya jamiyatiga assimilyatsiya qila boshlagan.
Hududning nomi Xonsyu orolidagi Fukusima shahrida 12-asrda hokimiyat tepasiga koʻtarilgan Date klanidan olingan. Edo davridan oldin ularning markaziy qal’asi Fukusimaning Date tumanidagi Yanagava qal’asi edi. Qal’a keyinchalik Senday nomi bilan ataladi. Date klani butun Miyagi prefekturasini hamda Ivate prefekturasining janubiy qismini boshqargan va eng nufuzli daimyolardan biri boʻlgan.
Meiji davrida koʻplab samuray klanlari, shu jumladan Date klani ham Meiji islohotining siyosiy oʻzgarishlari tufayli oʻz hududlarini boy beradi. Shu sababli, 1869-yilda Watari shahridan Date klanining boʻgʻinlaridan biri boʻlgan urugʻ oʻsha paytda hali rivojlana boshlamagan Xokkaydoning janubiy qirgʻoqlariga koʻchib boradi. Date shahriga shu tariqa asos solindi.
2006-yil 1-martda Usu tumanining Otaki qishlogʻi Date shahri bilan birlashtirildi.
Geografiyasi tahrir
Date shahri Usu togʻining (choʻqqi balandligi 702 metr) yonbagʻrida joylashgan. Shahardan Osaru daryosi oqib oʻtadi.
Shahar va qishloqlarning birlashishlari natijasida Date shahrini ikki qismga ajratish mumkin mumkin: Otaki oʻrmoni hududi va eski shahar hududi. Otaki oʻrmoni hududida Sankaydaki sharsharasi va Shirakinu daryosi oʻzani joylashgan. Eski shaharda esa samuraylar tomonidan qurilgan tarixiy binolar mavjud. Ulardan eng mashhuri Usu-Zenkou ibodatxonasidir.
Taʼlim tahrir
Date shahrida 7 ta boshlangʻich, 4 ta oʻrta va 3 ta yuqori maktablar mavjud[1][2].
Shu jumladan:
- Date Kairai yuqori maktabi
- Midorigaoka yuqori maktabi
- Datekotoyogo maxsus yuqori maktabi
Transport tahrir
Date shahrida 37-sonli va 453-sonli Yaponiya milliy avtomagistrallari tutashadi. Shaharga avtomagistraldan Date almashinuv yoʻli yoki JR Xokkaydo tomonidan boshqariladigan Date-Mombetsu stantsiyasi orqali kirish mumkin[3].
Manbalar tahrir
- ↑ „Hokkaido Board of Public Education“.
- ↑ [www.gaccom.jp „List of Elementary and Junior High Schools“].
- ↑ „Hokkaido Shinkansen｜HOKKAIDO RAILWAY COMPANY“. www2.jrhokkaido.co.jp. 2008-yil 16-sentyabrda asl nusxadan arxivlangan. Qaraldi: 2018-yil 13-aprel.
Tashqi havolalar tahrir
 |
Vikiomborda Date (Xokkaydo) haqida turkum mavjud |
- Rasmiy sahifa (yaponcha)