Elmira Gafarova
Elmira Mikayil qizi Gafarova[lower-alpha 1] (1-mart 1934-yil — 1-avgust 1993-yil) — ozarbayjonlik siyosatchi va diplomat boʻlgan[2]. Ozarbayjon SSR Maorif vaziri (1980—1983), Ozarbayjon SSR Tashqi ishlar vaziri (1983—1987), Oliy Sovet Prezidiumi raisi (1989—1990), Ozarbayjon Oliy Sovetining raisi (1990—1991), Milliy Majlis raisi.
| Elmira Gafarova | |
|---|---|
ozarbayjoncha: Elmira Mikayıl qızı Qafarova | |
 | |
 | |
|
Mansab davri 18-may 1990-yil – 5-mart 1992-yil | |
| Prezident | Ayaz Mütəllibov |
| Oʻtmishdoshi | Suleyman Rustam |
| Vorisi | Yagub Mammadov |
.svg) | |
|
Mansab davri 22-iyun 1989-yil – 18-may 1990-yil | |
| Oʻtmishdoshi | Suleyman Tatliyev |
| Vorisi | Lavozim tugatilgan |
| |
|
Mansab davri 22-dekabr 1987-yil – 22-iyun 1989-yil | |
| Hukumat boshligʻi |
Hasan Seyidov Ayaz Mütəllibov |
| |
|
Mansab davri 1-dekabr 1983-yil – 22-dekabr 1987-yil | |
| Oʻtmishdoshi | Tohira Tohirova |
| Vorisi | Hüseynağa Sadıqov |
| |
|
Mansab davri 13-fevral 1980-yil – 1-dekabr 1983-yil | |
| Oʻtmishdoshi | Mehdi Mehdizoda |
| Vorisi | Kamron Rahimov |
| Shaxsiy maʼlumotlari | |
| Tavalludi |
1-mart 1934-yil Baku, Ozarbayjon SSR, Sovet ittifoqi |
| Vafoti |
1-avgust 1993-yil (59 yoshda) Baku, Ozarbayjon |
| Siyosiy partiyasi | Ozarbayjon Kommunistik partiyasi (1958-yildan) |
| Bolalari | 2 |
| Taʼlim | Boku davlat universiteti |
| Kasbi | filolog |
| Mukofotlari |
 [1]  |
| Dafn etilgan joyi | Boku shahridagi Faxriy dafn xiyoboni |
| Ilmiy darajasi | Filologiya fanlari nomzodi |
Yoshlik davri
tahrirElmira Gafarova 1934-yil 1-martda Ozarbayjonning Boku shahrida tugʻilgan. 1952-yilda oʻrta maʼlumotni tamomlab, 1953-yilda Boku davlat universitetiga oʻqishga qabul qilindi. 1958-yilda universitetning filologiya fakultetini tamomlab, 1961-yilgacha Filologiya fanlari nomzodi ilmiy darajasini oldi. Universitetda oʻqib yurganida Gafarova universitet komsomol qoʻmitasining oʻrinbosari boʻlgan. 1958-yilda Ozarbayjon Kommunistik partiyasi aʼzoligiga qabul qilindi. 1962-yilda Ozarbayjon komsomoli markazi tashkiliy qoʻmitasi raisi, 1966—1970-yillarda tashkilotning birinchi kotibi lavozimlarida ishlagan[2].
Siyosiy faoliyati
tahrir1970—1971-yillarda Ozarbayjon KP MK Madaniyat boʻlimi mudiri, 1971-yildan 1980-yilgacha Boku partiya qoʻmitasi kotibi lavozimlarida ishlagan. 1980-yilda Gafarova Ozarbayjon SSR Maorif vaziri lavozimiga tayinlandi, bu lavozimda 1983-yilgacha ishladi. 1983—1987-yillarda Gafarova Ozarbayjon SSR Tashqi ishlar vaziri lavozimida ishlagan. Xorijiy xizmatda boʻlganida, 1984-yil oktyabr oyida BMT Bosh Assambleyasining irqchilik va kamsitish masalalariga bagʻishlangan sessiyalarida qatnashdi[3]. Gafarova Ozarbayjon Oliy Sovetiga ham saylangan. 1987-yildan 1991-yilgacha Ozarbayjon SSR Oliy Sovetining Spikeri, Sovet Ittifoqi Oliy Sovetiga deputat etib saylangan[2]. 1987—1989-yillarda Ozarbayjon SSR Bosh vazirining oʻrinbosari boʻlib ham ishlagan[4].
Gafarova parlament spikeri boʻlganida 1989-yil 30-dekabrda Ganjaning tarixiy nomini tiklashda katta rol oʻynadi va 1990-yil 13-martda butun Ozarbayjonda nishonlanadigan Navroʻz bayramini rasmiy davlat bayramiga aylantirdi.
1991-yil 18-oktabrda Ozarbayjon mustaqilligini tiklash va 1992-yil 2-martda Ozarbayjon Respublikasini Birlashgan Millatlar Tashkilotiga qabul qilish toʻgʻrisidagi qonunni qabul qilishda ham uning hissasi bor[3].
Mukofotlari
tahrirGafarova SSSRning turli orden va medallari bilan taqdirlangan[2]. Faoliyati davomida „Mehnat Qizil Bayroq ordeni“ va „Hurmat Belgisi“ ordenilari bilan taqdirlangan[3].
Vafoti
tahrirElmira Gafarova 1993-yil 1-avgustda Ozarbayjon poytaxti Boku shahrida vafot etdi. Gafarova Boku shahridagi Faxriy dafn xiyoboniga dafn etildi[3].
Yana qarang
tahrirIzohlar
tahrir- ↑ ozarbayjoncha: Elmira Mikayıl qızı Qafarova / Елмира Микајыл гызы Гафарова, Elmira Qafarova deb ham yoziladi, (ozarbayjoncha: Elmira Qafarova / Елмира Гафарова
Manbalar
tahrir- ↑ Rossiya Federatsiyasi Davlat arxivi Р7523 105 157 SSSR Oliy Kengashi Prezidiumining 1971-yil 1-sentyabrdan 9-sentyabrgacha qabul qilingan Farmonlari va qarorlari va ularga tegishli materiallar / 15-sonli bayonnomaga / No 2094-VIII dan 2114-VIII gacha. 1-jild
- ↑ 2,0 2,1 2,2 2,3 „Azərbaycanın Xarici İşlər Nazirləri. 9. Elmira Mikayıl qızı Qafarova“ [Ministers of Foreign Affairs of Azerbaijan. 9. Elmira Mikhail's daughter Qafarova] (az). Ministry of Foreign Affairs of Azerbaijan. 2009-yil 17-mayda asl nusxadan arxivlangan. Qaraldi: 2024-yil 1-yanvar.
- ↑ 3,0 3,1 3,2 3,3 „Biographies. Elmira Qafarova“. 2011-yil 6-iyulda asl nusxadan arxivlangan. Qaraldi: 2010-yil 7-iyul.
- ↑ „FEMALE PRESIDENTS OF UNDERSTATE ENTITIES“. Qaraldi: 2010-yil 7-iyul.