Farida Tantashyeva
Farida Rahimovna Tantashyeva[1] (4-sentyabr, 1936-yil, Buxoro, OʻzSSR — 2012-yil 8-iyul, Qozon, Rossiya) — rus olimi, Aleksandr Butlerov nomidagi Qozon universitetining organik kimyo kafedrasi dotsenti[2][3].
| Farida Tantashyeva | |
|---|---|
| Tavalludi |
4-sentyabr 1936-yil Buxoro, Oʻzbekiston SSR |
| Vafoti |
8-iyul 2012-yil (75 yoshda) Qozon, Rossiya |
| Fuqaroligi | SSSR va Rossiya |
| Ish joylari | Qozon universiteti |
| Ilmiy darajasi | Kimyo fanlari nomzodi (1968) |
| Ilmiy unvoni | Dotsent |
| Akademik rahbarlari | Y. G. Katayev |
Biografiyasi
tahrirTantashyeva 1936-yil 4-sentyabrda Buxoro shahrida oʻqituvchi oilasida tugʻilgan. 1954-yilda Buxoro shahridagi 7-sonli o‘rta maktabni oltin medal bilan tamomlab, Qozon Davlat universiteti (QDU)ning kimyo fakultetiga o‘qishga kirdi. Universitetni 1959-yilda imtiyozli diplom bilan tugatdi va shu yili Qozon davlat universitetining organik kimyo kafedrasi aspiranturasiga imtiyozli tarzda qabul qilindi. 1968-yilda „Toʻyinmagan sulfonlar va sulfoksidlar turkumidagi tadqiqotlar“ mavzusida nomzodlik dissertatsiyasini muvaffaqiyatli himoya qildi. Ilmiy maslahatchi — E. G. Katayev. 1962-yildan Qozon davlat universitetida assistent, 1978-yildan katta o‘qituvchi, 1991-yildan 1997-yilgacha „Organik kimyo“ kafedrasida dotsenti lavozimida ishlagan[2]
Oʻqituvchilik faoliyati
tahrirQozon davlat universitetidagi faoliyati davomida u kimyo fakulteti talabalarining talabalar guruhlari, kurs ishlari va diplom ishlariga rahbarlik qilgan. Keyinchalik QDU qabul komissiyasining oʻrinbosari, soʻngra mas’ul kotibi boʻlib ishlagan (1975—1979). Uzoq vaqt davomida QDU Organik kimyo kafedrasi kasaba uyushma tashkilotchisi boʻlgan[2].
Ijtimoiy faoliyati
tahrir1965—1971-yillarda Mehnatkashlar deputatlari tuman Kengashining uchta (X, XI va XII) chaqiriqlari deputati etib saylangan. 1972-yilda SSSR Kasaba uyushmalarining Butunittifoq XV qurultoyiga delegat etib tayinlangan. U yerda esa SSSR Butunittifoq kasaba uyushmalari markaziy kengashi (SSSR BKUMK) aʼzosi etib saylandi. 1977-yilda SSSR kasaba uyushmalarining XVI kongressiga delegat boʻldi[2].
Mukofotlari
tahrir1968-yilda toʻyinmagan sulfonlar va sulfoksidlar sintezi boʻyicha bir qator ishlari uchun D. I. Mendeleyev nomidagi Butunittifoq kimyo jamiyatining Butunittifoq tanlovi diplomi bilan taqdirlangan. 1970-yilda iqtisodiy va madaniy qurilishdagi faol ishtiroki va TASSRning 50 yilligi munosabati bilan TASSR Oliy Kengashi Prezidiumining Faxriy yorligʻi bilan taqdirlangan. 1988-yilda „Mehnat faxriysi“ medali bilan taqdirlangan[2].
Shaxsiy hayoti
tahrirTurmush oʻrtogʻi — kimyogar Yevgeniy Berdnikov. Ularning bitta qizi bor.
Manbalar
tahrir- ↑ „Значение имени Фарида“.
- ↑ 2,0 2,1 2,2 2,3 2,4 "Vulfson G. N."Kazanskiy universitet (1804—2004): Biobibliograficheskiy slovar. — Kazan: Izd-vo Kazan. un-ta, 2004. — 768 s. — ISBN 5-7464-0605-8
- ↑ „Effects of α,β-unsaturated sulphones and phosphonium salts on ecto-ATPase activity and contractile responses mediated via P2x-purinoceptors“.