Gulchehra Rixsiyeva

Gulchehra Rixsiyeva Shavkatovna (1971, Toshkent viloyati) — oʻzbek tili va adabiyoti boʻyicha mutaxassis, filologiya fanlari nomzodi, professor. 2019-yildan hozirgi vaqtga qadar Toshkent davlat sharqshunoslik universiteti rektori. Respublika Oliy taʼlim kengashi aʼzosi, Oʻzbekiston Respublikasi Gender tengligi boʻyicha komissiya aʼzosi, Erasmus+ Oliy taʼlim islohoti boʻyicha ekspertlar jamoasi aʼzosi (HEREs)

Gulchehra Rixsiyeva Shavkatovna
Toshkent davlat sharqshunoslık universiteti rektori
Mansab davri 2019-yildan – hozirgacha
Oʻtmishdoshi	Abdurahim Mannonov Mutalovich
Zangiota tumani Xalq deputatlari Kengashi a'zosi
Mansab davri 2020-yildan – hozirgacha
Shaxsiy maʼlumotlari
Tavalludi	1971-yil Toshkent viloyati, Zangiota tumani
Fuqaroligi	Oʻzbekiston
Millati	oʻzbek
Istiqomat joy(lar)i	Toshkent Oʻzbekiston
Dini	islom
Maʼlumoti	oliy
Mukofotlari	"Sogʻlom avlod uchun ordeni" ordeni

Biografiyasi

1971-yil Toshkent viloyati Zangiota tumanida shifokorlar oilasida tavallud topgan.
1993-yilda Toshkent davlat universitetini tamomlagan
2000-yildan Toshkent davlat sharqshunoslik universitetida faoliyat yuritib keladi.

2000-2004-yillarda Toshkent davlat sharqshunoslik universitetida katta oʻqituvchi, 2004-2009-yillarda boʻlim boshligʻi, 2009-2018-yillar Ilmiy ishlar boʻyicha prorektor, 2019-yilda Oʻzbekiston Oʻzbekiston Respublikasi Oliy Majlisi Senatining Fan, taʼlim va sogʻliqni saqlash masalalari qoʻmitasi raisi oʻrinbosari lavozimida faoliyat koʻrsatgan.
2019-yil iyul oyidan Toshkent davlat sharqshunoslık universiteti rektori.

Faoliyati

Oʻzbek tili va adabiyoti, oʻzbek tilini chet elliklarga oʻqitish, Taʼlim sifatini oshirishda Erasmus+ ICM loyihalari, Taʼlim sifatini taʼminlash, ilmiy salohiyatni oshirish masalalari boʻyicha 300 dan ortiq ilmiy ishlar, monografiyalar muallifi. Bir qancha Xalqaro ilmiy konferensiyalar ishtirokchisi: Turkiya; Xitoy, Yaponiya, Rossiya, Vengriya, Polsha, Xorvatiya, Belgiya, Buyuk Britaniya, Koreya, Qozogʻiston, Qirgʻiziston, Italiya, Malayziya, Fransiya, Ispaniya, Singapur, Hindiston, Saudiya Arabistoni, Misr

Networking va aʼzoliklar

Oʻzbekiston Respublikasi Gender tengligi boʻyicha komissiya aʼzosi (2019-2021), Erasmus+ Oliy taʼlim islohoti boʻyicha ekspertlar jamoasi aʼzosi (HEREs) (2012-h.v.), Respublika Oliy taʼlim kengashi aʼzosi (2021-h.v.),

Asosiy ilmiy faoliyati

1. „Sharqshunoslik“ ilmiy jurnali bosh muharriri (2019-h.v.)
2. „Sharq mash’ali“ ilmiy jurnali bosh muharriri (2019-h.v.)
3. „Turkologiya“ ilmiy jurnali bosh muharriri (2021-h.v.)

Mukofotlari

„Xalq taʼlimi aʼlochisi“ koʻkrak nishoni (2006), „Xitoy — Oʻzbekiston munosabatlarining 25 yilligiga qoʻshgan hissasi uchun“ koʻkrak nishoni (2017) „Shanxay hamkorlik tashkilotining 20 yilligi“ esdalik medali (2021), „Oʻzbekiston Respublikasi mustaqilligining 30 yilligi“ esdalik nishoni (2021), „Turizm fidoyisi“ koʻkrak nishoni (2023), Kyungdong universiteti Faxriy professori (2023) „Oʻzbekiston — Ozarbayjon hamkorligiga qoʻshgan hissasi uchun“ statuetkasi (2023) bilan taqdirlangan.

2024-yil 27-sentyabrdagi Oʻzbekiston Respublikasi Prezidentining "O‘qituvchi va murabbiylar kuni munosabati bilan ta’lim-tarbiya tizimida alohida o‘rnak ko‘rsatgan xodimlardan bir guruhini mukofotlash to‘g‘risida" Farmoni bilan II darajali «Sog‘lom avlod uchun» ordeni bilan mukofotlangan .