Hacı Sûfi Burhâneddin Musa Bey

Hacı Sûfi Burhâneddin Musa Bey (turkcha: Hacı Sûfi Burhâneddin Musa Bey) — Karamanoğulları bekligining asoschisi Kerimüddin Karaman Beyning nabirasi va Bedreddin Mahmud Beyning oʻgʻlidir. Ushbu beklik 1250-1487-yillar orasida Onadoʻlida hukm surgan boʻlib, XIV-XV asrlarda Onadoʻlida Usmonlilar imperiyasi bilan birga eng qudratli davlat hisoblangan..

Hacı Sûfi Burhâneddin Musa Bey
turkcha: Hacı Sûfi Burhâneddin Musa Bey'
Birinchi beklik davri
Saltanat	1312-1332
Oʻtmishdoshi	Bedreddin Mahmud Bey
Davomchisi	Bedreddin İbrahim Bey I
Ikkinchi beklik davri
Saltanat	1351-1356
Oʻtmishdoshi	Şemseddin Bey
Davomchisi	Seyfeddin Süleyman Bey
Tugʻilishi	?
Vafoti	1356-yil Karaman
Uy	Karamanoğulları
Otasi	Bedreddin Mahmud Bey
Dini	Sunni Islom

Tarix

Dadasi Bedreddin Mahmud Bey 1312-yilda vafot etganidan soʻng, beklik taxtiga chiqqan Musa Bey dadasi kabi moʻgʻullarga qarshi kurashishni toʻxtatmadi. Ukasi Yaxshi Beyni sobiq Koʻniya sultonligi poytaxti Koʻniya shahriga voliy etib tayinladi. Bu moʻgʻullarning rejasiga toʻgʻri kelmas edi. Sababi ushbu shahar Onadoʻlidagi muhim siyosiy strategik shaharlardan biri hisoblanardi va moʻgʻullar Onadoʻlida oʻz kuchlarini zaiflashishini xohlamas edilar. Shu sababli moʻgʻullar Koʻniya shahri ustiga harbiy safar boshladilar. Musa Beyning ukasi Yaxshi Bey moʻgʻullar bilan boʻlgan jangda ogʻir magʻlubiyatga uchradi. Shundan soʻng, moʻgʻullar qoʻmondoni Emir Çoban Koʻniya shahrini bosib oldi va Musa beklikning eski sarhadlariga hukmdorlik qilishiga toʻgʻri keldi. Ammo beklik poytaxti Karaman Misr mamluklari tomonidan dastaklangan oʻz ukasi Bedreddin İbrahim Bey I tomonidan egallandi. Musa Bey bu hududlardan ketishga majbur boʻldi va Ermenek atroflariga joylashdi. Ibn Battuta maʼlumotlariga tayanilsa, 1332-yilda Musa Bey Ermenek atroflarida hali ham hukmdorlik qilganligi oshkor boʻladi.

1352-yilda beklik ogʻir kunlarni boshdan kechirayotgan bir vaqtda, Musa Bey beklikning barcha qismlarini oʻz hokimiyati ostida toʻpladi va 1356-yilga qadar hukmdorlik qildi.

Manbalar

Humkdorlik unvoni
Oʻtmishdoshi: Bedreddin Mahmud Bey	Karamanoğulları beki 1312-1332	Vorisi: Bedreddin İbrahim Bey I

Humkdorlik unvoni
Oʻtmishdoshi: Şemseddin Bey	Karamanoğulları beki 1351-1356	Vorisi: Seyfeddin Süleyman Bey