Hamilton Shirley Amerasinghe
Hamilton Shirley Amerasinghe (1913-yil, 18-mart - 1980-yil, 4-dekabr) — Shri-Lankalik diplomat va davlat xizmatchisi edi. Amerasinghe Hindistondagi Oliy komissar va bir vaqtning o‘zida Shri Lankaning Nepal va Afg‘onistondagi elchisi (1963-1967) sifatida faoliyat yuritgan. Shuningdek, moliya va g‘aznachilik vazirligi hamda sog‘liqni saqlash vazirligining doimiy kotibi bo‘lgan. Amerasinghe 1967-1980-yillarda Ceylonning Birlashgan Millatlar Tashkilotidagi doimiy vakili bo‘lib ishlagan va 1976-yilda Birlashgan Millatlar Tashkiloti Bosh Assambleyasining prezidenti etib tayinlangan. Shuningdek, Birlashgan Millatlar Tashkilotining Dengiz huquqi to‘g‘risidagi konvensiyasi loyihasini ishlab chiqish bo‘yicha muzokaralarda yetakchilardan biri edi.
| Hamilton Shirley Amerasinghe | |
|---|---|
| Birlashgan Millatlar Tashkiloti Bosh Assambleyasining prezidenti | |
|
Mansab davri 1976 – 1976-yillar | |
| Avvalgisi | Gaston Thorn |
| Keyingisi | Lazar Mojsov |
| Hindistondagi Shri-Lanka Oliy komissari | |
|
Mansab davri 1963 – 1966-yillar | |
| Monarx | Elizabeth II |
| Avvalgisi | Richard Aluwihare |
| Keyingisi | Siri Perera |
| Shaxsiy maʼlumotlari | |
| Tavalludi |
18-mart 1913-yil Kolombo, Shri Lanka |
| Vafoti |
4-dekabr 1980-yil (67 yoshda) Shri Lanka |
| Millati | Shri Lanka |
| Alma mater |
|
| Kasbi | Diplomat |
Amerasinghe mashhur Shri-Lankalik quruvchisi Samson Felix Amarasinghening (imloda Amerasinghe) amakivachchasi edi. Amakivachchasi Amerasinghening hayoti davomida eng yaqin ittifoqchilardan edi.
Ta'limi
tahrir1913-yil 18-martda Kolomboda tug‘ilgan va Gallelik zodagon oilasidan chiqqan. Amerasinghe Kolombo qirollik kollejida tahsil olgan va Ceylon universiteti kollejiga borgan, 1934-yilda London universitetida G‘arbiy klassika bo‘yicha birinchi darajali bakalavr darajasini olgan[1].
Karyerasi
tahrirDavlat xizmatida
tahrirAmerasinghe 1937-yilda Ceylon davlat xizmatiga qo‘shildi va 44 yil davom etadigan karyerasini boshladi. Kursant sifatida Amerasinghe Kegalle Kachcherida, Kegalledagi qo‘shimcha politsiya magistri va Jaffna Kachcheri ofis yordamchisi sifatida xizmat ko'rsatdi. 1941-yilda Sog‘liqni saqlash vazirining kotibi etib tayinlanishidan oldin Puttalam, Mannar, Vavuniya va Kachcherida xizmat qilgan. Keyin Amerasinghe import va eksport bo‘yicha nazoratchi yordamchisi, Kegalle, Rathanapura va Matale hukumat agentining yordamchisi bo‘lib ishlagan. 1950-yilda Amerasinghe Gal Oya rivojlanish kengashining doimiy menejeri etib tayinlandi. Ikki yil o‘tgach, 1953-yildan 1955-yilgacha Vashingtondagi Ceylon elchixonasining maslahatchisi sifatida birinchi bor chet el mamlakatiga tayinlangan. 1955-yildan 1957-yilgacha esa muassasalar va umumiy g‘aznachilik nazoratchisi bo‘lgan. 1958-yilda G'aznachilik bo'limi moliya, ta’minot va kadrlar nazoratchisi, umumiy g‘aznachilik bo'limlarini qo'shib olib alohida bo'limga aylandi[2] .
1961-yilda Amerasinghe amakivachchasi Samson Felix Amarasinghe o‘rniga G‘aznachilik kotibi va Moliya vazirining doimiy kotibi bo‘ldi. Shu bilan birga Markaziy bankning Pul-kredit kengashining rasmiy a’zosi va Xalqaro Tiklanish va Taraqqiyot Bankida Ceylon uchun amaldagi gubernator bo‘lib xizmat qildi[3] .
1963-yilda Amerasinghe Ceylonning Hindistondagi Oliy komissari etib tayinlandi. 1967-yilda Birlashgan Millatlar Tashkilotiga ko‘chib o‘tgunga qadar Nepal va Afg‘onistonda elchi bo‘lib xizmat qilgan edi.
Birlashgan Millatlar Tashkilotida
tahrirAmerasinghe 1967-yilda Ceylonning BMTdagi doimiy vakili etib tayinlangan. Bu lavozimda 1980-yilgacha ishlagan. BMTda Amerasinghe bir nechta muhim lavozimlarni egallagan, jumladan, Birlashgan Millatlar Tashkilotining „Sea-Bed“ va „Ocean Floor“ milliy yurisdiksiyada Favqulodda qo‘mita raisi, Birlashgan Millatlar Tashkilotining Dengiz huquqi bo‘yicha konferensiyasi prezidenti va Birlashgan Millatlar Tashkilotining „Sea-Bed“ qo‘mitasi raisi. Amerasinghe, shuningdek, Shri-Lankani „tinchlik hududi“ deb atashni taklif qilgan va Hind okeani bo‘yicha favqulodda qo‘mita raisi etib tayinlangan. Amerasinghe 1973-yilda tashkil etilgan yangi qo‘mitaga ham raislik qilgan. Shuningdek, 1969-yilda tashkil etilganidan buyon ishdan bo'shatilgunigacha, Isroilning bosib olingan hududlar aholisining inson huquqlariga ta’sir qiluvchi amaliyotlarini o‘rganish bo‘yicha maxsus qo‘mita raisi bo‘lgan.
1976-yilda Amerasinghe Birlashgan Millatlar Tashkiloti Bosh Assambleyasining o‘ttiz birinchi sessiyasida prezidenti bo‘ldi. BMTning doimiy vakil bo‘lib ishlaganida, Amerasinghe Shri-Lankaning Braziliyadagi elchisi sifatida bir vaqtning o‘zida akkreditatsiya qilingan.
Amerasinghe 1980-yilda Shri-Lanka delegatsiyasini Birlashgan Millatlar Tashkilotiga tark etganidan keyin, dengiz huquqi bo‘yicha konferensiya raisi etib qayta saylangan. „The Economist“ jurnali uni konferensiya narxidan kelib chiqib, ikki million dollarlik rais deb topdi[4].
Vafoti
tahrirHamilton Shirley Amerasinghe 1980-yil 4-dekabrda AQShning Nyu-York shahrida vafot etdi. Dengiz huquqi sohasidagi xizmatlari uchun Birlashgan Millatlar Tashkiloti tomonidan uning nomiga stipendiya tashkil etildi[5].
Manbalar
tahrir- ↑ „The First 15 Years of the Ceylon University College. 1921 to1935“. issuu.com. Qaraldi: 2021-yil 4-avgust.
- ↑ Ceylon Civil List 1954. Colombo: Government of Ceylon.
- ↑ „CENTRAL BANK OF SRI LANKA RETROSPECT 1950 TO 2010“. 2015-yil 23-sentyabrda asl nusxadan arxivlangan. Qaraldi: 2015-yil 16-avgust.
- ↑ Gunawardena, Charles A.. Encyclopedia of Sri Lanka, Revised, Elgin, Illinois: New Dawn Press Group, 2005 — 14–15-bet. ISBN 19327-054-81. Qaraldi: 2014-yil 27-mart.
- ↑ de Silva, Neville. „When Ambassador Amerasinghe upset the Egyptians“. Colombo, Sri Lanka: Wijeya Newspapers Ltd (2010-yil 4-iyul). „.“.
Havolalar
tahrir- „UN General Assembly – President of the 62nd Session – Hamilton Shirley Amerasinghe (Sri Lanka)“ (1976). Qaraldi: 2014-yil 27-mart.[sayt ishlamaydi]
- H.S. Amerasinghe Fellowship, United Nations, division for oceans & law of the sea, 24 August 2012, qaraldi: 27 March 2014, „The Hamilton Shirley Amerasinghe Memorial Fellowship (HSA) was established in 1981, in memory of the late Hamilton Shirley Amerasinghe, the first President of the Third United Nations Conference on the Law of the Sea (1973–1980), in recognition of his contribution to the development of the law of the sea. The late Ambassador Hamilton Shirley Amerasinghe of Sri Lanka had been Chairman of the Ad hoc Committee to Study the Peaceful Uses of the Sea-Bed and Ocean Floor from 1967 to 1970 and subsequently, of the Standing Committee for the Peaceful Uses of the Sea-Bed and Ocean Floor beyond the Limits of National Jurisdiction, from 1970 to 1973“ HAMILTON SHIRLEY AMERASINGHE MEMORIAL FELLOWSHIP ON THE LAW OF THE SEA
- Statement by Mr. Hamilton Shirley Amerasinghe (Sri Lanka), elected President, Third United Nations Conference on the Law of the Sea, 1st meeting. United Nations Headquarters, New York: Codification Division, Office of Legal Affairs. Copyright United Nations, 2013