Vikipediya

Hanamaki (Ivate)

Hanamaki (yaponcha: 花巻市 Hanamaki-shi?) Yaponiyaning Ivate prefekturasida joylashgan shahar. 2020-yil 31-mart% holatiga koʻra, shaharning 37 773 xonadonida 94,691 kishi istiqomat qiladi va har bir kvadrat kilometrga 100 kishi toʻgʻri keladi[1]. Shaharning umumiy maydoni 908.39 km[2]. Hanamaki shahri Kendzi Miyadzavaning tugʻilgan joyi. Shaharda yana onsen dam olish maskanlari ham joylashgan.

Hanamaki

花巻市
Shahar
Skyline of Hanamaki
Hanamaki
Bayroq
Hanamaki
Gerb
39°23′19.0″N 141°7′0.9″E / 39.388611°N 141.116917°E / 39.388611; 141.116917
Mamlakat Yaponiya
Provinsiya Tohoku viloyati
Prefektura Ivate prefekturasi
Hukumat
Maydon 908.39 km2 (350.73 kv mi)
Aholisi
 (2019-yil 31-mart)
 94 691
Hanamaki xaritada
Hanamaki
Hanamaki
Emmandzi-kanondan shahar ko'rinishi

Geografiya

tahrir

Hanamaki Ivate prefekturasining markaziy qismida, Kitakami daryosi vodiysida, Kitakami daryosi bilan uchta: sharqda Sarugaisi-gava, gʻarbda Se-gava va Toyosava-gava daryolari qoʻshilgan joyda joylashgan. Gʻarbda shahar Ou togʻlari etaklarigacha koʻtarilib boradi va eng baland choʻqqisi Matsukura togʻi boʻlib, 968 metr (3,176 ft) tashkil etadi. Sharqda shahar hududi Kitakami tizmasining eng baland cho'qqisi – Hayachineda 1,917 metr (6,289 ft) gacha koʻtariladi. Eng katta suv ombori Sarugaisi daryosidagi Tase ko'lidir. Hienuki daryosidagi Hayachine ko'li juda ajoyib boʻlib, yuqori qismida tik tog'lar koʻtarilib turadi. Toyosava ko'li shaharning g'arbiy qismid6a Toyosava daryosi bo'yida joylashgan. Shaharning bir qismi Hayachine kvazi-milliy bog'i chegaralari boʻylab joylashgan. Ou tog'larining chekkasidagi 12 ta issiq buloq zanjiri esa Hanamaki Onsenkyo qishlog'ini tashkil qiladi.

Qo'shni munitsipalitetlar

tahrir

Ivate prefekturasi:

  • Morioka
  • Kitakami
  • Tono
  • Oshu
  • Miyako
  • Nisivaga
  • Sizukuisi
  • Siva

Iqlimi

tahrir

Hanamaki nam iqlimli boʻlib ( Köppen iqlim tasnifi Cfa ), yumshoq yoz va sovuq qish bilan tavsiflanadi. Hanamakidagi oʻrtacha yillik harorat 10.4 °C (50.7 °F). Yillik oʻrtacha yogʻin miqdori 1,324 millimetr (52.1 in) eng seryogʻin oy sentyabr. Eng yuqori harorat avgustda 24.0 °C (75.2 °F) ni va eng pasti yanvarda, taxminan −2.3 °C (27.9 °F) ni tashkil etadi[3].

Demografiyasi

tahrir

Yaponiya aholini ro'yxatga olish ma'lumotlariga ko'ra[4], Hanamaki aholisi 2000-yilda eng yuqori koʻpayish cho'qqisga chiqqan va shundan beri kamayib kelmoqda.

Aholining oʻsishi
YilAholi±%
192069,11—    
193079,108+14.5%
194083,401+5.4%
1950102,933+23.4%
1960105,687+2.7%
1970101,858−3.6%
1980105,678+3.8%
1990106,727+1.0%
2000107,175+0.4%
2010101,451−5.3%
202093,193−8.1%

Tarixi

tahrir

Hozirgi Hanamaki hududi qadimgi Mutsu provinsiyasining bir qismi bo'lib,beng kamida Dzyomon davridan beri mavjudligi taxmin qilinadi. Hudud Tokugava syogunligi hukmronligi ostida boʻlgan Nambu klanining nazoratiga oʻtishidan oldin, turli samuray klanlari tomonidan boshqarilgan. Shahar Edo davrida Osu Kaydo yoʻlida pochta stantsiyasi sifatida rivojlangan.

Meidzi davrida, 1889-yil 1-aprelda zamonaviy munitsipalitetlar tizimining tashkil etilishi bilan Ivatening Hienuki tumanida zamonaviy Hanamaki va Hanamaki-Kavaguchi shaharlari tashkil etilgan. Bu ikki shahar 1929-yil 10-aprelda birlashtirilgan, birlashtirilgach munitsipalitet avvalgi Hanamaki nomini saqlab qolgan. 1954-yil 1-aprelda Yuguchi, Yumoto, Miyanome, Yasava va Ohta qishloqlari Hanamakiga qoʻshib olingan. Keyingi yili Sasama nomli qishloq qoʻshilgan.

2006-yil yanvar oyida Hanamaki Isidoriya, Ohasama shaharlari bilan birlashgan va shu tariqa Hienuki va Vaga tumanlaridagi Tova shahri tarqatib yuborilgan[5].

Hukumati

tahrir

Hanamaki to'g'ridan-to'g'ri saylanadigan mer va 25 a'zodan iborat bir palatali shahar qonun chiqaruvchi organi hisoblangan mer-kengash shakliga ega. Hanamaki Ivate prefekturasi qonun chiqaruvchi organiga to'rtta o'rin beradi. Milliy siyosiy nuqtai nazaridan, shahar Yaponiya Diet quyi palatasi boʻlmish Ivatening 3-okrugiga kiradi.

Iqtisodiyoti

tahrir

Qishloq xoʻjaligi, xususan, sut chorvachiligi mahalliy iqtisodiyotda ustunlik qiladi. Hanamaki, shuningdek, elektr jihozlari ishlab chiqariluvchi hudud sifatida ham qayd etilgan. Hudud ko'plab onsen (issiq buloq) kurortlari bilan ham mashhur[6].

Ta'limi

tahrir

Hanamaki shahrida Fudzi xususiy universiteti joylashgan.

Shahar hukumati 19 ta davlat boshlangʻich maktabi [7] va 11 ta davlat oʻrta maktabini boshqaradi[8]. Ivate prefekturasi ta'lim kengashi tomonidan boshqariladigan yettita davlat yuqori maktabi mavjud. Prefekturada bitta maxsus ta'lim maktabi ham bor[9].

Transporti

tahrir

Temir yo'llari

tahrir

  Sharqiy Yaponiya temir yo'l kompaniyasi (JR Sharq) - Tohoku Sinkansen

  • Sin-Hanamaki

  Sharqiy Yaponiya temir yo'l kompaniyasi (JR Sharq) - Tohoku magistral liniyasi

  • Hanamaki - Hanamaki aeroporti - Isidoriya

  Sharqiy Yaponiya temir yo'l kompaniyasi (JR Sharq) - Kamaisi liniyasi

  • Sin-Hanamaki - Oyamada - Tsuchizava - Haruyama

Magistral yo'llari

tahrir
  • Tohoku tezyurar yoʻli – Hanamaki toʻxtash joyi – Hanamaki-minami almashinuvi – Hanamaki qoʻshilmasi – Hanamaki almashinuvi
  • Kamaisi tezyurar yoʻli – Hanamaki qoʻshilmasi – Hanamaki aeroporti almashinuvi – Tova almashinuvi
  • 4-milliy yoʻnalishi
  • 107-milliy yoʻnalishi
  • 283-milliy yo'nalishi
  • 396-milliy yo'nalishi
  • 456-milliy yo'nalishi

Aeroporti

tahrir
  • Hanamaki aeroporti

Mahalliy diqqatga sazovor joylari

tahrir

Hanamaki tarixan o'zining ko'plab onsenlari (issiq buloqlari) bilan mashhur. Shaharda chang'i poygasi ham mavjud.

Hanamakining eng diqqatga sazovor voqealaridan biri bu Hanamaki Matsuri festivali boʻlib, har yili sentyabr oyining ikkinchi haftasi oxirida bo'lib o'tadi va tarixi 1593-yilga borib taqaladi. Uch kunlik bayramlar mingdan ortiq an'anaviy raqqosalarning raqsini; yuzdan ortiq kichik ziyoratgohlarni ziyorat qilishni; tarixiy, xayoliy yoki afsonaviy sahnalarni aks ettiruvchi va barabanchilar, naychilar va fonarchilar hamrohligida oʻnlab yoki undan koʻp katta qoʻlda yasalgan suzuvchi suzgichlar namoyishini oʻz ichiga oladi. Bu raqslardan eng mashhuri Sisi Odori (kiyik raqsi) hisoblanadi. Bu raqs erkaklar kiyikdek kiyinib, baraban chalishini o'z ichiga oladi.

Shaharning yaqinda birlashishi bilan Hanamakiga qo'shilgan shaharlarining diqqatga sazovor joylariga da'vo qilmoqda. Ohasama an'anaviy Kagura raqsining mahalliy turlari bilan mashhur. Kagura raqqosalari ko'pincha mintaqaviy festivallarda yoki tadbirlarda qatnashadi. Ohasama shahri yaqinidagi tepada Hayachine Kagura raqqosalari kiygan bo'riga o'xshash liboslar haykali o'rnatilgan. Hayachine tog'i, 1917-yildan Ivate prefekturasidagi ikkinchi eng baland tog'i bo'lib, Ohasamaning shimoli-sharqiy qismida joylashgan. Bu hududda mintaqada mashhur Edel sharobi tayyorlanadi. Har yili sentyabr oyida Ohasama vino uyida vino festivali ham bo'lib o'tadi. Yaponiyadagi qizlar festivali paytida Ohasama o'zining ko'pchiligi bir necha yuz yilliklarga borib taqaladigan qo'g'irchoqlar kolleksiyasini namoyish etadi. Mahalliy tarix shuni ko'rsatadiki, qo'g'irchoqlar Oxasama aholisiga Xokkaydoga savdo qilish uchun ketayotgan kiotolik sayohatchilar tomonidan berilgan bo'lishi mumkin. Ishidoriya Nambu Toji an'anasi bilan bog'liq sake pishirish tarixiga ega.

Xalqaro munosabatlar

tahrir

Xanamaki bilan birlashgan sobiq shaharlarning har biri o'z-o'zidan almashuvlar olib bordi, ularning aksariyati yangi Hanamaki shahri tomonidan egallab olingan. Ohasama Berndorf bilan juft edi. Hayachine tog'ida faqat Hayachine tog'ida o'sadigan Hayachine Usuyukiso deb nomlangan edelveysning o'ziga xos turi yashaydi. Aynan shu gul tufayli Oxasamadagi alpinistlar Quyi Avstriyaning Berndorf shahridan kelgan alpinistlar bilan do'stlik aloqalarini o'rnatdilar. Ishidoriya Vermont shtatidagi Rutlend bilan juft bo'ldi.

Hanamakining taniqli odamlari

tahrir
  • Koi Ikeno, manga rassomi
  • Masanori Ito (musiqa tanqidchisi) [12]
  • El Samuray, professional kurashchi [13]
  • Shunkichi Kikuchi, fotograf [14]
  • Kazuxiro Xatakeyama, professional beysbolchi
  • Tetsugoro Yorozu, rassom [15]
  • Kenji Miyazava, yozuvchi [16]
  • Shohei Oxtani, professional beysbolchi

Ma'lumotnomalar

tahrir
  1. ↑ Hanamaki City official statistics
  2. ↑ {{Veb manbasi}} andozasidan foydalanishda sarlavha= parametrini belgilashingiz kerak. „{{{title}}}“ (ja). 市町村の姿 グラフと統計でみる農林水産業. Ministry of Agriculture, Forestry and Fisheries (2016). Qaraldi: 2017-yil 13-aprel.
  3. ↑ Hanamaki climate data
  4. ↑ Hanamaki population statistics
  5. ↑ Hanamaki City Home page:Yokoso! Hanamaki (Wayback Machine saytida 2017-06-19 sanasida arxivlangan) (yaponcha)
  6. ↑ Campbell, Allen. Japan: An Illustrated Encyclopedia. Kodansha, 1993 — 497-bet. ISBN 406205938X. 
  7. ↑ Hanamaki city home page: List of elementary schools (Wayback Machine saytida 2017-11-09 sanasida arxivlangan)(yaponcha)
  8. ↑ Hanamaki city home page: List of junior high schools (Wayback Machine saytida 2017-11-09 sanasida arxivlangan)(yaponcha)
  9. ↑ Hanamaki Seifu Shien-Gakko (yaponcha)
  10. ↑ „Verein Städtepartnerschaften der Stadt Berndorf“ (de). Official home page of Stadt Berndorf (2005). Qaraldi: 2015-yil 12-dekabr.
  11. ↑ „International Exchange“ (en). List of Affiliation Partners within Prefectures. Council of Local Authorities for International Relations (CLAIR). Qaraldi: 2015-yil 21-noyabr.
  12. ↑ „伊藤政則 - Tower Records Online“.
  13. ↑ World of Wrestling profile
  14. ↑ ["Kikuchi Shunkichi". Nihon shashinka jiten (日本写真家事典) / 328 Outstanding Japanese Photographers. Kyoto: Tankōsha, 2000. ISBN 4-473-01750-8
  15. ↑ [„Archived copy“. 2011-yil 27-sentyabrda asl nusxadan arxivlangan. Qaraldi: 2010-yil 15-yanvar. Biography on Iwate Prefectural home page]]
  16. ↑ Kodansha Encyclopedia of Japan article "Miyazawa Kenji" (p. 222–223). 1983. Tokyo: Kodansha.

Havolalar

tahrir
 
 Vikiomborda Hanamaki (Ivate)
haqida turkum mavjud

Andoza:Iwate 

"https://uz.wikipedia.org/w/index.php?title=Hanamaki_(Ivate)&oldid=3772680" dan olindi