Ilyos Mallayev (1936-2008) — buyuk oʻzbek-yahudiy shoiri, qoʻshiqchisi, dramaturgi, so'z ustasi va bastakori. 1936-yilning 1-yanvarida Turkmaniston SSRning Marv shahrida tugʻilgan. Oʻzbekiston SSRda xizmat koʻrsatgan artist.

Ilyos Mallayev
Ilyamani Malayev
IlyasMallayevGrave.jpg
Ilyos Mallayevning Nyu York shahri Yahudiy qabristondagi qabri
Tavallud sanasi: 12-yanvar 1936-yil(1936-01-12)
Vafot sanasi:2-may 2008-yil(2008-05-02)
(72 yoshda)
Kasb: shoir, qoʻshiqchi, dramaturg, bastakor

IjodiTahrirlash

Ilyos Mallayev (Ilyamani Malayev) Turkmaniston SSRning Marv shahrida yahudiy oilasida dunyoga kelgan. Uning ota-onasi Efraim va Yelizaveta Malayevlar.

Shoir, dramaturg, bastakor, mohir musiqachi va so'z ustasi, “Shashmaqom” bilimdoni, yahudiy ziyolisi Ilyos Mallaev oilasi bilan O‘zbekistondan AQShga 1992 yilda doimiy yashash uchun ko'chib ketgan. Nyu-Yorkda u rasman “Shashmaqom” ansamblini tuzadi. Uning rafiqasi, O‘zbekiston xalq artisti Muhabbat (Lyubov) Shamayeva ansambl solistlaridan biri bo‘lgan.

Turkmaniston SSRning Marv shahrida tug‘ilgan bo'lsa-da, Ilyos Mallaev o‘zining ko‘plab qo‘shiqlarida o‘zbek xalqini madh etgan. U o'zbek xalqining cheksiz mehrini qozongan, elu-yurtga tanilgan san'atkor edi: kattayu-kichik uning muxlisi bo'lgan.

Uning she'riyat borasidagi ijodi "Shiru shakar/Sut va shakar/Devon", oʻzbek va tojik tillarida yozilgan she'rlar to'plamida oʻz aksini topgan.

Ilyos Mallaev rus, fors, arman, ozarbayjon, tojiku o'zbek va buxoro-yahudiy tillarini bilgan.

Ilyos Mallaev 2 may 2008 yilda Nyu-Yorkda pankreatik bez saratonidan vafot etdi.

Shoir 4 may kuni Nyu-Yorkning Kvins yahudiy "Mount Carmel" qabristonida dafn etildi.

AsarlariTahrirlash

  • Mallayev, Ilyos. Shiru shakar. She'rlar. Nyu-York shahrida, 1994.
  • Mallayev, Ilyos. Sadoi dil/Qalb sadosi/Devon. She'rlar. Nyu-York shahrida, 1996.