Muhabbat Shamayeva
Muhabbat Shamayeva (asl ismi Lyuba)( 12-may 1944-yil, Buxoro, Oʻzbekiston SSR) — xonanda, Oʻzbekiston xalq artisti (1978).
Muhabbat Shamayeva Lyuba Shamayeva | |
---|---|
Umumiy maʼlumot | |
Tavalludi |
12-may 1944-yil |
Fuqaroligi |
O‘zbekiston SSR Oʻzbekiston |
Kasbi | Xonanda |
Turmush oʻrtogʻi | Ilyos Mallayev |
Hayot yoʻli tahrir
Muhabbat Shamayeva 1944-yil 12-may kuni Buxoroda tugʻilgan. U O’zbekiston SSRda Xizmat ko’rsatgan artist Ilyos Mallayevning turmush oʻrtogʻi edi. Ularning Nargiza Mallayeva va Raj Mallayev ismlar farzandlari bor. Farzandlar ham xonanda boʻlib yetishishgan[1]. Hozirda u butun oilasi bilan Nyu-Yorkning Queens tumanida yashaydi[2] va marhum turmush o’rtog’i O’zbekiston SSRda Xizmat ko’rsatgan artist Ilyos Mallayev asos solgan “Maqom” ansamblida faoliyat yuritadi[1].
Ijodiy faoliyati tahrir
Ijodiy faoliyatini Buxoroda havaskorlik ansamblida boshlagan. 1963–1965-yillar Oʻzteleradiosining “Maqom ansambli”, 1965–1991-yillar estrada-simfonik orkestrida yakka xonanda. 1990-yillarning 2-yarmidan NyuYorkdagi “Tiklanish” buxoro yahudiylari musiqali teatri aktrisasi. Repertuaridan oʻzbek xalq “Tanavor”, “Fargʻonacha” ashulalari, bastakor va kompozitorlar yaratgan lirik va estrada qoʻshiqlari (“Koʻchalar” Doni Zokirov; “Toshkent nahori”, “Tong navosi” Muhammadjon Mirzayev; “Oʻrik gullaganda” Manas Leviyev; “Yoʻllarim” Muxtor Ashrafiy; “Mirzachoʻl yor-yori” F. Kadirov) keng oʻrin olgan. U, shuningdek, turli xalqlar (tojik, yahudiy, ozarbayjon, tatar, turk, eron, arab, afgʻon, fransuz va boshqalar) qoʻshiqlarini ham ijro etgan. Yevropa va Osiyo mamlakatlarida gastrolda boʻlgan. Ijrolari grammofon plastinka va kompakt-disklarga yozilgan.[3]
2015-yilda Butunjahon musiqa institutining (inglizcha: The World Music Institute's) “Ilohiy aks-sado: yahudiy ayollar ovozi” nomli Global salonida “Symphony Space Leonard Nimoy Thalia” teatrida chiqish qilgan[4].
2018-yil 28-avgustda Toshkentdagi “Turkiston” saroyida Muhabbat Shamayeva bilan Izro Malakov konsert bergan[5] va 6–10-sentyabr kunlari Shahrisabzda o‘tkazilgan Xalqaro maqom sanʼati anjumanida ishtirok etishgan[6].
Manbalar tahrir
- ↑ 1,0 1,1 „Buxoro yahudiylari Amerikada. Xalq sevgan san'atkorlar“ (25-yanvar 2016-yil). Qaraldi: 9-mart 2024-yil.
- ↑ „Muhabbat Shamayeva, Izro Malakov O'zbekistonda yana katta sahnada“ (29-avgust 2018-yil). Qaraldi: 9-mart 2024-yil.
- ↑ OʻzME. Birinchi jild. Toshkent, 2000-yil
- ↑ „Muhabbat Shamayeva, Galeet Dardashti Perform at The World Music Institute's Global Salon Series 'Echoes of the Divine: Jewish Women’s Voices' at Symphony Space“ (Ingliz) (2-fevral 2015-yil). Qaraldi: 9-mart 2024-yil.
- ↑ Daryo.uz. „Izro Malakov va Muhabbat Shamayeva Toshkentda konsert berdi“ (29-avgust 2018-yil). Qaraldi: 2024-yil 9-mart.
- ↑ „Муҳаббат Шамаева: “Ўзбек санъатини, маданиятини АҚШда ҳам тарғиб қиляпмиз”“ (25-avgust 2018-yil). Qaraldi: 9-mart 2024-yil.
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |