Ishrat hovli

Ishrat hovli — Xivadagi meʼmoriy yodgorlik. 1832—34 y. larda Tosh hovli saroyiga qoʻshimcha qilib qurilgan. Umumiy tarhi 43x36,5 m. Tuzilishi Arz hovliga oʻxshash. I.H-Dan tantanali marosimlar oʻtkazish, madaniy hordiq chiqarishda foydalanilgan. Jan. dagi 1 ustunli ayvonlar orqali xona-zallarga kiriladi. Ayvon oldi yogʻoch oʻymakorligidagi ustun va panjaralar bilan bezatilgan. Xona bezagida ganch oʻymakorligi, muqarnasli sharafalar hamda gullayotgan daraxt va mevalar tasviri qora, koʻk, qizil ranglarda bezalgan. Shipiga hovuzaklar ishlangan. Hovli oʻrtasiga yoz kunlari dam olish uchun gʻishtdan doira shaklida supa ishlangan.