Lada Jiyenbalanova
Lada Vladimirovna Jiyenbalanova (qizlik familyasi: Karpenko; 1970-yil 10-aprel, Toshkent, OʻzSSR, SSSR) – qozogʻistonlik beshkurashchi[1], Qozogʻiston Respublikasida xizmat koʻrsatgan sport ustasi. Qozogʻistonda xizmat koʻrsatgan xodim (2002).
| Lada Jiyenbalanova | |
|---|---|
| Shaxsiy maʼlumotlari | |
| Fuqaroligi |
 Qozogʻiston |
| Tavallud sanasi |
10-aprel 1970-yil Toshkent, OʻzSSR, SSSR |
| Sport | |
| Qaysi sport | beshkurash |
| Medallar | |
 | |
Faoliyati
tahrirLada Vladimirovna 1997-yildan beri pentatlon bilan shugʻullanadi (1990-yilda ushbu sport bilan shugʻullana boshlagan boʻlsa-da, seksiya tarqatib yuborilganidan keyin suzish sportiga oʻtgan)[2].
Lada 1997-yilda boʻlib oʻtgan ilk Osiyo chempionatida yakkalik va jamoaviy bahslarda ikkinchi oʻrinni egallagan.
Sportchi 2002-yilgi beshkurash boʻyicha Osiyo chempionati gʻolibi boʻlgan. 2002-yilgi Osiyo oʻyinlarida shaxsiy chempionatda birinchi oʻrinni egallagan. Ushbu gʻalabalar tufayli Osiyoning eng yaxshi pentatletchisi deb tan olindi.
Jiyenbalanova Moskvada boʻlib oʻtgan jahon chempionatida Afina Olimpiadasiga yoʻllanma oldi va u yerda 9-oʻrinni egalladi. Sportchi Afina Olimpiadasidagi shaxsiy bahslarda 14-oʻrinni egalladi.
Vladimirovna 2004-yilgi Osiyo chempionatida yakkalik va jamoaviy oʻyinda oltin, shuningdek, estafetada bronza medalini qoʻlga kiritdi. Sportchi Tokio va Seulda oʻtkazilgan Osiyo chempionatlarida yakkalik bahslarda kumush medal sohibasiga aylandi.
Lada 2008-yilda Pekinda boʻlib oʻtgan Olimpiadada atigi 36-oʻrinni egallagan edi[3].
Jiyenbalanova 2010-yili Guanchjouda boʻlib oʻtgan Osiyo oʻyinlarida Qozogʻiston terma jamoasi tarkibida qatnashib, bronza medalini qoʻlga kiritdi. Shaxsiy bahslarda esa boshqa yoʻnalishlarda yuqori natijalarga erishib, ot chopishda muvaffaqiyatsizlikka uchradi va 16 nafar ishtirokchi orasidan 13-oʻrinni egalladi.
U Jahon kubogining ikkita bosqichida uchinchi (Pekin 2004 va Qohira 2006), ikkinchi (Meathfield 2007) oʻrinlarni egalladi. Jahon kubogi estafeta bosqichida ham uchinchi boʻldi (Vengriya 2007).
Eng yuqori yutugʻi jahon chempionatidagi 4-oʻrin boʻldi (Berlin, 2007).
Oilasi
tahrirLada oilali. Ikki farzandi bor. Qizi – Arina (1992) 2012-yil zamonaviy beshkurash boʻyicha Osiyo chempioni, Qozogʻiston Respublikasining xalqaro toifadagi sport ustasi. Oʻgʻlining ismi Temur (1996).
Mukofotlari
tahrirLada 2002-yilda „Qozogʻistonda xizmat koʻrsatgan xodim“ faxriy unvoni bilan taqdirlangan[4].
Manbalar
tahrir- ↑ „JIYENBALANOVA Lada“. Qaraldi: 2023-yil 5-noyabr.
- ↑ „Лада Джиенбаланова: И сильной личности хочется плакать“ (2006-yil 25-oktyabr). Qaraldi: 2023-yil 5-noyabr.
- ↑ „Modern Pentathlon at the 2008 Beijing Summer Games: Women's Individual“. 2009-yil 12-aprelda asl nusxadan arxivlangan. Qaraldi: 2019-yil 5-iyul.
- ↑ „Указ Президента Республики Казахстан от 12 декабря 2002 года за № 998“. 2015-yil 12-mayda asl nusxadan arxivlangan. Qaraldi: 2015-yil 9-noyabr.