Liliya Doʻsmetova
Liliya Doʻsmetova (tugʻ. 11-fevral 1981-yil, Oʻzbekiston SSR) — Oʻzbekiston yengil atletikachisi, nayza uloqtirish boʻyicha ixtisoslashgan. XXVIII yozgi Olimpiya oʻyinlari ishtirokchisi, Markaziy Osiyo oʻyinlari gʻolibi, yengil atletika boʻyicha Osiyo Gran-prisi sovrindori.
| Liliya Doʻsmetova | |
|---|---|
| Shaxsiy maʼlumotlari | |
| Fuqaroligi |
 Oʻzbekiston |
| Tavallud sanasi |
11-fevral 1981-yil Oʻzbekiston SSR |
| Boʻyi | 179 |
| Vazni | 68 |
| Sport | |
| Qaysi sport | yengil atletika |
Martaba tahrir
1999-yildan boshlab u xalqaro musobaqalarda qatnasha boshladi. Yengil atletika boʻyicha oʻsmirlar oʻrtasidagi Osiyo chempionatida yettinchi oʻrinni egalladi.
2002-yilda Olmaotada (Qozogʻiston) Gusman Kosanov xotirasiga bagʻishlangan xalqaro turnirda, Bishkek shahrida Olimpiya chempioni — Tatyana Kolpakova sovrinlari uchun oʻtkazilgan xalqaro musobaqalarda, yengil atletika boʻyicha Toshkent shahrida oʻtkazilgan Oʻzbekiston kubogida gʻolib chiqdi.
2003-yilda Dushanbe shahrida (Tojikiston) boʻlib oʻtgan Markaziy Osiyo oʻyinlarida u 50,21 metr natija bilan oltin medalni qoʻlga kiritdi[1]. Oʻzbekiston chempionatida ham birinchi oʻrinni egalladi.
2004-yilda Afinada (Gretsiya) boʻlib oʻtgan Yozgi Olimpiya oʻyinlarida u nayzani 52,46 ball bilan uloqtirdi, ammo bu saralash uchun etarli boʻlmadi va u Olimpiya oʻyinlaridagi chiqishini yakunladi[2]. Oʻsha yili Liliya Bishkek, Olmaota va Toshkentda boʻlib oʻtgan musobaqalarda gʻolib chiqdi, shuningdek, Busanda (Koreya Respublikasi) oʻtkazilgan xalqaro musobaqalarda ikkinchi oʻrinni egalladi.
2005-yilda Olmaotada Kosanov xotirasiga bagʻishlangan xalqaro turnirda u 51,53 metr natija bilan birinchi oʻrinni egalladi[3]. Inchxon shahrida (Koreya Respublikasi) yengil atletika boʻyicha oʻtkazilgan Osiyo chempionatida 54,52 m natija bilan toʻrtinchi oʻrinni egalladi[4].
2007-yilda Bishkekda (Qirgʻiziston) nayza uloqtirish boʻyicha Kolpakova sovrinlari uchun oʻtkazilgan xalqaro musobaqada u oltin medalni qoʻlga kiritdi[5]. Yengil atletika boʻyicha Osiyo Gran-prisining bosqichlarida u kumush va ikkita bronza medalini qoʻlga kiritdi. Ammo Ammanda (Iordaniya) yengil atletika boʻyicha Osiyo chempionatida u yana toʻrtinchi oʻrinni egalladi[6].
2008-yilda Liliya Oʻzbekiston kubogida gʻolib chiqqan boʻlsa, Qozogʻistonda faqat uchinchi oʻrinni egalladi. 2009-yilda Toshkent, Bishkek va Olmaota shaharlarida oʻtkazilgan xalqaro musobaqalarda birinchi oʻrinni egalladi. Biroq, Guanchjouda (Xitoy) yengil atletika boʻyicha oʻtkazilgan Osiyo chempionatida u yana muvaffaqiyatsizlikka uchradi va atigi beshinchi oʻrinni egalladi[7]. Oʻsha yili u sport karerasini tugatdi.
Manbalar tahrir
- ↑ „Olympic Council of Asia : Games“. web.archive.org (2014-yil 27-fevral). 2014-yil 27-fevralda asl nusxadan arxivlangan. Qaraldi: 2021-yil 23-avgust.
- ↑ „Wayback Machine“. web.archive.org (2008-yil 22-may). 2007-yil 12-iyunda asl nusxadan arxivlangan. Qaraldi: 2021-yil 23-avgust.
- ↑ „Международный турнир Мемориал Косанова. Алматы. 4-5 июня. Результаты соревнований:“ (ru). www.caravan.kz. Qaraldi: 2021-yil 24-avgust.
- ↑ „Liliya DUSMETOVA | Profile | World Athletics“. www.worldathletics.org. Qaraldi: 2021-yil 24-avgust.
- ↑ „Итоги международного турнира по легкой атлетике“ (ru). UzReport.news. Qaraldi: 2021-yil 24-avgust.
- ↑ „ASIAN ATHLETICS ASSOCIATION 17th ASIAN ATHLETICS CHAMPIONSHIP 2007“. web.archive.org. 2007-yil 7-dekabrda asl nusxadan arxivlangan. Qaraldi: 2021-yil 24-avgust.
- ↑ „XVIII Asian Athletics Championships - Results Women's Javelin Throw Final“. web.archive.org (2010-yil 16-yanvar). 2010-yil 16-yanvarda asl nusxadan arxivlangan. Qaraldi: 2021-yil 24-avgust.