Litos
Carlos Manuel de Oliveira Magalhães (1974-yil 25-fevralda tugʻilgan) – Litos nomi bilan tanilgan, portugaliyalik sobiq professional futbolchi, markaziy himoyachi sifatida oʻynagan.
| Shaxsiy maʼlumot | |||
|---|---|---|---|
| Toʻliq ismi | Carlos Manuel de Oliveira Magalhães | ||
| Tavallud sanasi | 25-fevral 1974-yil | ||
| Tavallud joyi | Portu, Portugaliya | ||
| Boʻyi | 1.84 m (6 ft 0 in) | ||
| Ampluasi | markaziy himoyachi | ||
| Yoshligida aʼzo boʻlgan klublar | |||
| 1985–1986 | Lapa | ||
| 1986–1987 | Real Campo Lindo | ||
| 1987–1992 | Boavista | ||
| Professional faoliyati* | |||
| Yillar | Jamoa | Isht. | (Gol.) |
| 1992–2001 | Boavista | 183 | (19) |
| 1992–1993 | → Campomaiorense | 29 | (0) |
| 1993–1994 | → Estoril | 16 | (0) |
| 1994–1995 | → Rio Ave | 31 | (3) |
| 2001–2006 | Málaga | 89 | (6) |
| 2006–2007 | Académica | 27 | (2) |
| 2008 | SV Salzburg | 0 | (0) |
| Milliy terma jamoa | |||
| 1993–1996 | Portugaliya U17 | 14 | (2) |
| 1999–2001 | Portugaliya | 6 | (0) |
| *Professional klublardagi gollari (ichki chempionat) | |||
Litos toʻqqiz mavsum davomida Primeira Ligada 226 ta uchrashuvda maydonga tushgan va 21 ta gol urgan. Asosan Boavista F.C. klubi safida oʻynagan, klub bilan 2001-yilda milliy chempionatda gʻalaba qozongan. Shuningdek, Litos bir necha yil davomida Ispaniyaning La Liga chempionatida Málaga CF klubi safida toʻp surgan.
Klubdagi faoliyati
tahrirLitos 1974-yil Portu shahrida tugʻilgan, futbolchilik faoliyatini Boavista klubida boshlagan. S.C. Campomaiorense, GD Estoril Praia va Rio Ave FC klublarida ijara asosida oʻynaganidan soʻng, Litos Boavista klubiga qaytib kelgan. 2000-2001 yillarda klubning jamoa sardori sifatida Primeira Ligadagi yagona chempionlik unvonini qoʻlga kiritishda oʻz hissasini qoʻshgan. Litos Pedro Emanuel bilan kuchli himoya juftligini tashkil etdi. Keyinchalik Emanuel Portu klubiga oʻtgan[1].
2001-yilda Litos La Ligada ishtirok etuvchi klub Malaga CF bilan shartnoma imzolagan va Andalusiyadagi faoliyati davomida turli voqealarni boshdan kechirgan. Litos ikki mavsum davomida asosiy tarkibda va qolgan uchta mavsumda jami 20 ta oʻyinda maydonga tushgan. 2005-2006-yilgi mavsumida Malaga klubi quyi ligaga tushib ketadi va bu liga doirasida Litos atigi sakkiz marta maydonga tushgan. Besh yil davomida Litos vatandoshlari Edgar va Duda bilan birga toʻp surgan[2][3].
Litos 2006-2007-yilgi mavsumda Académica de Coimbra klubi tarkibiga qoʻshilgan[4]. Litos birinchi mavsumda asosiy tarkib oʻyinchisi boʻlgan va keyingi mavsumda klubnig ortiqcha futbolchisi deb topilgan va 2008-yil yanvar oyida Avstriya Bundesligasining SV Salzburg klubiga oʻtgan. 2008-yilgi mavsumning oxirida futbolchilik faoliyatini yakunlagan.
Milliy terma jamoadagi faoliyati
tahrirLitos Portugaliya milliy terma jamoasi safida oltita oʻyinda maydonga tushgan[5]. Uning terma jamoadagi ilk oʻyini 1999-yil 10-fevralda Parijda Gollandiyaga qarshi oʻrtoqlik uchrashuvda boʻlgan, bunda Litos atiga uch daqiqa maydonda harakat qilgan va oʻyin 0:0 hisobi bilan yakunlangan. Shuningdek, Litos 1996-yilgi Yozgi Olimpiya oʻyinlarida ham Portugaliya milliy terma jamoasi tarkibida oʻynagan.
Yutuqlari
tahrirBoavista
Malaga
- UEFA Intertoto kubogi: 2002
Manbalar
tahrir- ↑ „Capitão Litos destaca mentalidade na caminhada triunfal do Boavista há 20 anos“ (Portuguese). Record (2021-yil 17-may). Qaraldi: 2022-yil 16-avgust.
- ↑ Malo, José L.. „El gol del Málaga lleva acento luso“ (Spanish). Diario AS (2003-yil 16-noyabr). Qaraldi: 2016-yil 16-iyun.
- ↑ „El Málaga llega a un acuerdo con Litos para rescindir su contrato“ (Spanish). Marca (2006-yil 10-iyul). Qaraldi: 2016-yil 16-iyun.
- ↑ 4,0 4,1 „Litos: "Sporting tem miúdos muito irrequietos"“ (Portuguese). Record (2007-yil 11-may). Qaraldi: 2020-yil 27-aprel.
- ↑ „Lista completa dos internacionais portugueses“ (Portuguese). Mais Futebol (2004-yil 18-fevral). Qaraldi: 2022-yil 16-avgust.
- ↑ Carvalho Reis. „Lembra-se deles? Há 15 anos o Boavista foi campeão nacional“ (Portuguese). TSF (2016-yil 18-may). Qaraldi: 2017-yil 18-may.
Havolalar
tahrir- LitosForaDeJogo (arxivda)
- LitosMilliy jamoa profiliniPortugaliya Futbol federatsiyasi (Portugal tilida)
- LitosEU-Football.info-da