'''Dandiboy sagʻanasi''' - soʻnggi [[jez davri]]ga mansub sagʻana (mil. av. 2-ming yillikning 2-yarmi — 1-ming yillikning boshi). [[Qaragʻanda]] ([[Qozogʻiston]]) [[shahar|sh.]]dan 60 km jan.-gʻarbda, Sherboy-Nur [[daryo]]sining oʻng [[qirgʻoq|qirgʻogʻi]]da joylashgan Dandiboy ovulidan topilgan. Sagʻana [[murabba]] shaklli tosh [[devor]] bilan oʻralgan bir qancha [[qabr]]lardan iborat. Qabrlar ancha chuqurlikda, [[toʻrtburchak]] shaklda; devorlari [[xarsangtosh|harsang tosh]] boʻlaklaridan tiklangan, usti [[yogʻoch]] gʻoʻlalar bilan yopilgan. Ulardan qoʻlda yasalgan qadahsimon [[sopol]] idishlar, [[paykon]]lar, [[suyak]] tugmalar va tosh qurollarning turli xillari topilgan. Idishlarning [[sirt]]i [[silliqlash|silliqlangan]], [[rang]]i sargʻish, tirnash usulida geometrik shaklda [[naqsh]] solingan. D. s. [[yodgorlik|yodgorligi]] [[Andronovo madaniyati]] — [[Qorasuv madaniyati|Qorasuq madaniyati]]ga [[oʻtish davri iqtisodiyoti|oʻtish davri]] [[xususiyat]]larini [[aks ettirish|aks ettiradi]].
