Mayra Muhammad qizi
Mayra Muhammad qizi (Mayra Kerey — Myra Kerey), 1969-yil 5-sentyabrda tugʻilgan) — qozoq opera xonandasi. Parijdagi Grand Opera teatrida kuylagan birinchi qozoq. Respublika faxriy sanʼatkoridir.
Maira Kerey | |
|---|---|
| Tavalludi |
qozoqcha: Майра Мұхамедқызы 5-sentyabr 1969-yil |
| Janrlar | Opera, klassik |
| Kasbi | Opera singer (soprano) |
| Fuqaroligi | Xitoy va Qozogʻiston |
| Veb-sayt | http://www.mairakerey.com |
Mayra Muhammad qizi Xitoyda tugʻilib oʻsgan. Bobolari 1930-yillarda sovet hukmronligining oʻzboshimchaliklaridan qochib, Qozoq dashtlaridan Xitoyga koʻchib oʻtishgan. Ota-onasi unga pianino chalishni va mahalliy musiqa maktabida qoʻshiq aytishni oʻrgatishgan. 1987-yilda Xitoy Xalqlari Markaziy universiteti musiqa fakultetini, keyinchalik esa Pekin konservatoriyasi bitirgan.
1987-yildan Mayra mamlakat hayotida faollashib, butun Xitoy „Oltin ajdaho“ vokal musobaqasida ishtirok etgan va universitetda olti yil davomida dars bergan. Ammo Xitoyda joylashgan Pekin operasi yiliga faqat ikki marta Yevropa operasini namoyish etardi. 1991-yilda Mayra turmush oʻrtogʻi Aksan bilan Moskvaga borgan va Moskva konservatoriyasida chiqishlari tinglangan — darhol aspiranturaga tavsiyanoma berilgan. Ammo ba'zi migratsion muammolar sabab unga ruxsat berilmagan[1]. 1994-yilda Mayra yana Moskva shahrida Chaykovskiy musobaqasida Xitoydan kelgan solistlar tarkibiga qoʻshilgan.
Mayra ona qozoq va xitoy tillarini puxta bilgan, ammo rus, italyan yoki fransuz tillarini bilmagan, ammo dunyo klassiklaridan asosiy operalar ushbu tillarda ijro etilgan. Olmaotada (1994―1996) Qozogʻiston milliy konservatoriyasida faoliyatini boshlagan. Bu yerda Nadya Sharipova bilan oʻqigan. Eri bilan bir necha yil ijaraga olingan uyda yashagan.
1995-yilda Mayra Muhammad qizi Sankt-Peterburgdagi 1-xalqaro Rimskiy-Korsakov yosh opera qoʻshiqchilari musobaqasida maxsus diplomga sazovor boʻlgan[2].
1996-yilda tinglovdan oʻtgan va Olmaotadagi Abay nomidagi Qozoq davlat akademik opera va balet teatri xonandalaridan biriga aylangan.
1997-yilda Portugaliyada xalqaro opera xonandalari musobaqasiga taklif etiladi. Teatr rejissyori K. G. Urazgaliyev unga bilet sotib olishda yordam bergan. Tanlovda 17 mamlakatdan 66 nafar ijrochi ishtirok etgan, Mayra 10 ming AQSh dollari miqdoridagi Gran Prini qoʻlga kiritgan.
1998-yilda Chaykovskiy nomidagi xalqaro tanlovda peshqadam boʻlgan[2], lekin 3-oʻrinni qoʻlga kiritgan (Qozogʻistondan ilk laureat). Nihoyat respublikada mahorati eʼtirof etilib, xizmat koʻrsatgan artist unvoni bilan taqdirlangan.
2002-yilda Mayra Parij operasida ikki yillik shartnoma (2003―2005) yutib olgan.
Fransiyada Maira Kerey nomini olgan va olti oy davomida fransuz, soʻngra italyan va ingliz tillarini oʻrgangan.
Giacomo Puccini „La Bohème“ operasida debyut chiqish qilgan. Musette rolini ijro etgan. Bu rol uning ijodida alohida oʻrin tutadi. Xonandaning oʻzi uni „1-raqamli rol“ deb ataydi, chunki bu uning 2003-yilda Parijdagi chiqishi boʻlgan.
2015-yil dekabr oyida Mayra „Astana operasi“ ga solist sifatida taklif etilgan[3].
Manbalar
tahrir- ↑ Мерей Сугирбаева. „Майра Керей: Выжить и уцелеть помог муж“. Caravan.kz. Агентство Kazakhstan Today (2009-yil 9-yanvar). 2021-yil 10-mayda asl nusxadan arxivlangan. Qaraldi: 2017-yil 11-fevral.
- ↑ 2,0 2,1 Керимова-Джансеитова 2007.
- ↑ „Maira Mukhamedkyzy - Leading opera soloist“. astanaopera.kz/.
Adabiyotlar
tahrir- Гаухар Керимова-Джансеитова. Майра Мухамедкызы // Almaty Guide : журнал. — 2007. — Aprel (№ 3 (26)). Архивировано 25 iyun 2010 года.
Havolalar
tahrir- Maira Kerey Getty
- „Мухамедкызы Майра“ (ru). el.kz ақпараттық-танымдық сайт. 2018-yil 27-martda asl nusxadan arxivlangan. Qaraldi: 2018-yil 27-mart.