Bosh menuni ochish

Muhammad Yusuf (taxallusi; asl ism-sharifi Yusupov Muhammadjon) (1954.26.4, Marhamat tumani — 2001.31.7, Ellikqalʼa tumani) — Oʻzbekiston xalq shoiri (1998), jamoat arbobi.

Muhammad Yusuf
Muhammad Yusuf.jpg
Tavallud sanasi: 26-aprel 1954-yil(1954-04-26)
Tavallud joyi:Marhamat, Andijon
Vafot sanasi:31-iyul 2001-yil(2001-07-31)
(47 yoshda)
Vafot joyi:Ellikqalʼa
Fuqarolik:Oʻzbekiston bayrogʻi Oʻzbekiston
Kasb: Shoir
Mukofot:Oʻzbekiston xalq shoiri (1998)

HayotiTahrirlash

Muhammad Yusuf 1954-yilning 26-aprelida dunyoga kelgan. Rus tili va adabiyoti institutining rus tili va adabiyoti fakultetini tugatgan (1978). Respublika kitobsevarlar jamiyati (1978-80), „Toshkent oqshomi“ gazetasida (1980-1986), Gʻafur Gʻulom nomidagi Adabiyot va sanʼat nashriyoti (1986-95)da turli lavozimlarda ishlagan. 1995-1997-yillar „Tafakkur“ jurnalida boʻlim mudiri, 1997-2001-yillarda Oʻzbekiston Yozuvchilar uyushmasida rais oʻrinbosari. II- chaqiriq Oʻzbekiston Respublikasi Oliy Majlisi deputati.

IjodiTahrirlash

Muhammad Yusufning dastlabki sheʼrlari „Oʻzbekiston adabiyoti va sanʼati“ haftaligida bosilgan (1976). Shundan boshlab respublika matbuotida uning sheʼr, ocherk va maqolalari muntazam ravishda chop etila boshlagan. Ilk sheʼrlar kitobi — „Tanish teraklar“ (1985). „Bulbulga bir gapim bor“ (1987), „Iltijo“ (1988), „Uyqudagi qiz“, „Halima enam allalari“ (1989), „Ishq kemasi“ (1990), „Koʻnglimda bir yor“ (1991), „Bevafo koʻp ekan“, „Yolgʻonchi yor“ (1993), „Erka kiyik“ (1995) va „Osmonimga olib ketaman“ (1998) sheʼriy kitoblari nashr etilgan. Mazkur kitoblarga kirgan sheʼrlarda Muhammad Yusufga mansub boʻlgan avlodning eng olijanob va yuksak insoniy fazilatlari bilan birga yoshlik sururi, ishq va muhabbatning nafis navolari, oʻzbekona, sodda, ayni paytda ezgu, bokira va betakror tuygʻu hamda kechinmalari oʻzining yorqin ifodasini topgan. Soʻzning badiiy imkoniyatlaridan mahorat bilan foydalanish, musiqiy ravonlik, tuygʻular tiniqligi, samimiylik va mayinlik, ruhiyat manzaralarini loʻnda va yakdil ifodalay bilish Muhammad Yusuf sheʼriy uslubining yetakchi xususiyatlaridir. Uning qalamiga mansub aksariyat sheʼrlar taniqli xonandalar tomonidan ijro etilmoqda. Muhammad Yusuf ijodi ayni gullab yashnagan paytda, Ellikqalʼa tumanida sheʼriyat muxlislari bilan uchrashish maqsadidagi ijodiy safarida vafot etgan. Andijonda dafn etilgan.

XotiraTahrirlash

Toshkent shahri va Marhamat tumanidagi koʻchalardan biri, shuningdek, Andijon shahridagi bolalar kutubxonasi va Marhamat tumanidagi sanʼat maktabi Muhammad Yusuf nomi bilan ataladi.

She'rlariTahrirlash

Ulug'imsan Vatanim

Men dunyoni nima qildim,
O'zing yorug' jahonim.
O'zim hoqon, o'zim sulton,
Sen taxti Sulaymonim.
Yolg'izim yagonam deymi?
Topingan koshonam deymi?
O'zing mening ulug'lardan,
Ulug'imsan Vatanim.

AdabiyotTahrirlash