Muhammadali Aliqulov
Muhammadali Roʻziyevich Aliqulov (ruscha: Мухаммадали Аликулов; 14-mart 1997-yil, Qashqadaryo) – Oʻzbekistonlik futbolchi. Janubiy Koreyaning K-2 ligasida ishtirok etuvchi „Busan IPark“ jamoasida markaziy himoyachi pozitsiyasida oʻynaydi[1].
| Shaxsiy maʼlumot | |||
|---|---|---|---|
| Toʻliq ismi | Muhammadali Roʻziyevich Aliqulov | ||
| Tavallud sanasi | 14-mart 1997-yil | ||
| Tavallud joyi | Qashqadaryo Oʻzbekiston | ||
| Boʻyi | 1.86 cm (1⁄2 in) | ||
| Ampluasi | Himoyachi | ||
| Klub maʼlumoti | |||
Joriy klub | Busan IPark | ||
| Raqami | - | ||
| Yoshligida aʼzo boʻlgan klublar | |||
| 2013—2017 | Mashʼal | ||
| Professional faoliyati* | |||
| Yillar | Jamoa | Isht. | (Gol.) |
| 2016—2017 | Mashʼal-2 | - | (-) |
| 2018 | Shoʻrtan | - | (-) |
| 2019—2021 | Mashʼal | 25+ | (0) |
| 2022—2023 | Metallurg | 30 | (0) |
| 2024— | Busan IPark | - | (-) |
| *Professional klublardagi gollari (ichki chempionat) | |||
Futbolchilik faoliyati tahrir
Muhammadali futboldagi bilimlarini Mash’al futbol akademiyasida olgan. 2016-2017-yilgi mavsumlarda Muborakning „Mash’al“ jamoasining farm jamoasi „Mash’al-2“ jamoasida oʻynagan. 2018-yilgi mavsumda Gʻuzorning „Shoʻrtan“ klubi tarkibida Oʻzbekiston Pro A ligasida oʻynagan. 2019-yilgi mavsumda Muborakka qaytdi va asosiy jamoa, „Mash’al“ klubi tarkibida oʻynashni boshlagan. 2019-yilgi mavsumda klubning asosiy futbolchilaridan biriga aylandi va Pro liga gʻolibi boʻishida katta hissa qoʻshdi. Muborak jamoasi uch mavsum oʻynaganidan soʻng 2022-yilgi mavsum oldidan Bekobodning „Metallurg“ jamoasi bilan shartnoma imzolagan. Bekobod jamoasida ikki mavsum davomida oʻynagan va Oʻzbekiston Superligasi msuoboqasida 30 ta oʻyinda ishtirok etgan. 2023-yilgi mavsum yakunida bir necha Koreya ligasi jamoalari tomonida Aliqulovga qiziqish mavjudligi toʻgʻrisida OAVda maʼlumotlar tarqaldi[2]. 2024-yil yanvar oyida Kareya K 2 ligasida ishtirok etuvchi „Busan IPark“ jamosi bilan shartnoma imzolagan[3][4].
Yutuqlar tahrir
- Oʻzbekiston Pro ligasi gʻolibi: 2019
Shaxsiy hayot tahrir
Muhammadali Oʻzbekiston milliy terma jamoasi va Turkiyaning „Çaykur Rizespor“ klubi aʼzosi Husniddin Aliqulovning akasidir[2]. Husniddin ham akasi kabi markaziy himoyada oʻynaydi.
Manbalar tahrir
- ↑ „Muahammadali Aliqulov — “Busan” futbolchisi“ (2024-yil 17-yanvar).
- ↑ 2,0 2,1 „Ўзбекистонлик легионерлар сони биттага кўпаяди. Алиқулов Кореяга йўл олмоқда“ (2024-yil 9-yanvar).
- ↑ „Расман: Алиқулов Корея чемпионатида тўп суради!“ (2024-yil 17-yanvar).
- ↑ „Rasman: Muhammadali Aliqulov — “Busan” futbolchisi“ (2024-yil 17-yanvar).
Havolalar tahrir
- Muhammadali Aliqulov OʻzPFL saytida
- Muhammadali Aliqulov Soccerway saytida
- Muhammadali Aliqulov Transfermarkt saytida