Nargiz (qoʻshiq)

Komil Avazov gʻazali asosida Kamoliddin Rahimov ijro etgan ashula

Nargiz“ — oʻzbek xonandasi Kamoliddin Rahimov ijro etgan qoʻshiq. Qoʻshiqni 1976-yil Rahimovning oʻzi oʻzbek shoiri Komil Xorazmiy yozgan gʻazalga bastalagan[1]. Qoʻshiq 1978-yil gramplastinkaga yozilgan[2]. „Nargiz“ Rahimov repertuaridagi eng taniqli qoʻshiqlarning biridir[1].

„Nargiz“
Kamoliddin Rahimov qoʻshigʻi
Chiqarilgan sanasi 1976
Yozib olingan 1978
Joy anʼanaviy musiqa
Davomiyligi 4:10
Matn muallif(lar)i Komil Xorazmiy
Bastakor(lar) Kamoliddin Rahimov
Klipi
„Nargiz“ YouTubeda

Rahimovga qoʻshiqni yozish fikri Oʻzbeksitonning Namangan viloyati, Chust tumanida joylashgan Gʻova togʻida doʻsti bilan dam olayotgan paytida kelgan[1]. Oʻsha yerda Rahimov Komil Xorazmiynig "Devon" kitobidan „Ey, yuzing koʻzgusiga volai hayron, Nargiz“ gʻazalini oʻqigan. Gʻazal Rahimovga xush kelgan va sanʼatkor unga qoʻshiq bastalashga qaror qilgan[2].

Rahimov ertasi kuni qoʻshiqning ilk versiyasini Erkinjon ismli doʻstiga xirgoyi qilib bergan[2]. Doʻsti ashulani eshitib, „ehehey“ degan qismi balki shart emasligini aytgan. Bunga javoban Rahimov „Ey doʻstim, mana shunisi shu ashulaning koʻrki boʻladi, xudo xohlasa“, degan[1]. Rahimov keyingi yarim yil davomida ashulani yaxshilash ustida ishlagan.

Rahimov ashulani omma oldida ilk marotaba oʻzi tor chertib kuylagan, Namangandagi drama teatri xodimi Nosir Zokir esa dutor bilan joʻr boʻlgan[2]. Zokir qoʻshiq dastlab ijro etilganida tinglovchilar „ehehey“ degan joyini eshitib, kulganini aytgan. Ammo vaqt oʻtishi bilan qoʻshiqning aynan shu qismi bilan keng tanilgan. Rahimov Avazov yozgan gʻazalda boʻlmagan „Xabar olmaysan hargiz“ jumlasini oʻzi qoʻshgan.

[3]== Manbalar ==

  1. 1,0 1,1 1,2 1,3 „Kamoliddin Rahimov savollaringizga javob berdi“. BBC (5-dekabr 2007-yil). Qaraldi: 30-may 2022-yil.
  2. 2,0 2,1 2,2 2,3 Bobojon, Shuhrat „“Nargiz” qoʻshigʻi bilan tanilgan Kamoliddin Rahimov olamdan oʻtdi“. Ozodlik radiosi (25-fevral 2015-yil). Qaraldi: 30-may 2022-yil.
  3. Xorazmiy, Komil. Devon (70X108), 6,88 (o‘zbekcha), Toshkent: G‘afur G‘ulom nashriyoti, 1975 — 72 bet. 

Havolalar tahrir

Ushbu maqolani tinglang (2 daqiqa)
noicon
 
Bu audiofayl ushbu maqolaning 6-iyul, 2022-yil(2022-07-06) sanasidagi versiyasi asosida yaratilgan boʻlib, shu sanadan keyin amalga oshirilgan tahrirlarni aks ettirmaydi.