Noble M600
Noble M600 – Leicestershiredagi kichik hajmli avtomobil ishlab chiqaruvchi Noble Automotive tomonidan qoʻlda ishlab chiqarilgan ingliz sport avtomobili. Avtomobil konstruksiyasi zanglamaydigan poʻlat va uglerod tolasidan yasalgan. Avtomobil egizak turbokompressor bilan jihozlangan Volvo/Yamaha V8 dvigatelidan foydalanadi.
| Noble M600 | |
|---|---|
_(cropped).jpg) | |
| Tashqi koʻrinishi | |
| Ishlab chiqaruvchisi | Noble Automotive |
| Ishlab chiqarish | 2010–2018 |
| Assambleya | Buyuk Britaniya: Leicestershire |
| Dizayneri | Lee Noble[1] |
| Korpus va shassi | |
| Avtomobil tasnifi | Sport avtomobili (S) |
| Avtomobil korpusi tuzilishi |
2 eshikli kupe (Carbon Sport) 2 eshikli targa top (Speedster) |
| Avtomobil tartibi | Boʻylama joylashgan dvigatel, Markazda joylashgan dvigatel, Orqa gʻildirak harakatlanuvchi |
| Bogʻliqligi | |
| Quvvat oʻtkazgich | |
| Dvigateli | 4.4 L (4,414 cc) Volvo/Yamaha B8444S egizak-turbokompressor V8 |
| Quvvati | 650 hp (485 kW; 659 PS), 604 lb⋅ft (819 N⋅m) (maksimum) |
| Harakat uzatish mexanikasi |
6 pogʻonali Oerlikon Graziano transaksel mexanik transmissiya 6 pogʻonali Oerlikon Graziano transaksel avtomatlashtirilgan mexanik transmissiya |
| Oʻlchamlari | |
| Gʻildiraklari | 2,540 mm (100.0 in) |
| Uzunligi | 4,360 mm (171.7 in) |
| Kengligi | 1,910 mm (75.2 in) |
| Balandligi | 1,120 mm (44.1 in)[2] |
| Kerb | 1,250 kg (2,760 lb) |
| Xronologiyasi | |
| Avvalgi modellari |
Noble M400 Noble M15 |
| Hozirgi modellari | |
Maʼlumoti
tahrirUmumiy
tahrir
.jpg)
M600 ning uch xil turi mavjud. Standart – shisha tolali korpusdan foydalanilgan, karbon sport – uglerod tolali korpusdan foydalanilgan va speedster – targa top versiyasiga asoslangan. M600 kompaniyaning Leicestershiredagi zavodida 20 kishidan iborat jamoa tomonidan qoʻlda ishlab chiqarilgan. M600 da po‘lat tayanch va alyuminiy shassidan foydalanilgan, bu esa Noble M15 modelida ishlatilgan shassi bilan bir xil. Standart modelda avtomobilning asosiy korpus qismlari uchun uglerod tolasidan foydalanilgan, bu esa uning oʻz ogʻirligini 1,250 kg (2,756 lb) da saqlab qolishiga imkon beradi. Biroq, mustaqil sinovlar natijasiga koʻra, standart modelning haqiqiy ogʻirligi 1,305 kg (2,877 lb) ekanligi aniqlangan[3].
Dvigatel va transmissiyasi
tahrirM600 4.4 L (4,414 cc) Yamaha tomonidan ishlab chiqarilgan Volvo B8444S 60° V8 dvigatelidan foydalanadi. Bu dvigatel Volvo XC90 va Volvo S80 da ham qoʻllangan. M600 da qoʻllaniladigan dvigatel AQShning Motorkraft kompaniyasi tomonidan ishlab chiqarilgan boʻlib, u B8444S oʻzgaruvchan kuchaytirgich bilan jihozlangan dvigatellarini Garrett AiResearch ishlab chiqaruvchisining egizak turbokompressorlari yordamida yaratadi. Bu xaridorga boshqaruv panelidan foydalanib, turli xil quvvatni tanlash imkonini beradi. Quvvat ishlab chiqishi quyidagicha: 450 hp (336 kW; 456 PS) (yoʻl sozlamasi, 0.6 bar (8.7 psi) bosim), 550 hp (410 kW; 558 PS) (trek sozlamasi, 0.8 bar (12 psi) bosim) va 650 hp (485 kW; 659 PS) (poyga sozlamasi, 1 bar (15 psi) bosim). Shuningdek, dvigatel MoTeC M190 va Injektor Dynamics ID725 elektron yonilgʻi injeksiyasiga ega. Uning siqish nisbati 9,50:1 ga teng. Avtomobil Oerlikon Graziano transaksel olti pogʻonali mexanik uzatmasidan foydalanadi va 7000 ayl/min tezlikda qizil chiziq oʻrnatilgan[4]. Speedsterning ishlab chiqarishgacha boʻlgan varianti ham avtomatik uzatmalar qutisi bilan taʼminlangan[5].
Tormozlari
tahrirM600 old tomonida oltita porshenli va orqa tomonida toʻrtta porshenli poʻlat tormoz disklaridan foydalanadi. Tormozlar Britaniya tormozlash boʻyicha mutaxassis Alcon tomonidan ishlab chiqilgan. Haydovchining diqqat-eʼtibori tufayli, qulflanishga qarshi tormoz tizimi oʻrnatilmagan va tormozlar cheklangan servis yordamiga ega.
Interyeri
tahrirAvtomobilning ichki qismi standart sifatida ikki qavatli charm qoplamasi va yaltiroq uglerod tolali bezakka ega. Xaridorlarda yog‘och yoki uglerod tolali bezaklar bilan bir qatorda charm, zamsha yoki alkantaradan qoplama tanlash imkoniyati mavjud. Almashtirgichlar va asboblar M600 uchun moslashtirilgan, garchi baʼzi tarkibiy qismlar Jaguar va Aston Martin modellari bilan bir xil boʻlsa ham. Avtomobil sozlanuvchi rul va haydovchi oʻrindigʻiga oʻtirganda chapga suriladigan pedallar bilan jihozlangan. Pedallar yaxshi harakatlanish holatini taʼminlash uchun haydovchining xohishiga koʻra sozlanadi. Interyerning diqqatga sazovor joyi Ferrarining manettino dialiga oʻxshash dvigatel quvvatini boshqarish tugmasi boʻlib, u haydovchiga turbo bosimini oshirish (yoʻl, trek va poyga) bilan bir qatorda oʻzgaruvchan dvigatel quvvat chiqishlarini tanlash imkonini beradi. Tugma boshqaruv panelidagi uzatish moslamasi dastasi oldida joylashgan. Sirpanishni boshqarish tugmasi ortiqcha harakatlanishni oldini olish uchun oʻrnatilgan boʻlib, sirpanishning cheklangan boshqaruvini faollashtiradi. Interyer soddalikka asoslangan va haydovchiga yoʻnaltirilgan boʻlib, Ferrari F40 dan ilhomlanilgan va shu tufayli sovutish tizmi va zamonaviy axborot-koʻngilochar qurilmalaridan voz kechilgan[4][6].
Koʻrsatkichlari
tahrir- 0–97 km/h (60 mph): 3.0 sekund[7]
- 0–193 km/h (120 mph): 8.9 sekund[6]
- 0–322 km/h (200 mph): 29.8 sekund
- 1/4 milya: 10.9 sekund
- Kuch-vazn nisbati: 558 ot kuchi/tonna
- Eng yuqori tezlik: 362 km/h (225 mph) – nazariy jihatdan, 346 km/h (215 mph) – tasdiqlangan[8]
- Yoqilgʻi baki hajmi: 68 litre (18 US gal; 15 imp gal)[9]
Qabul qilinishi
tahrirMashina Britaniyaning Top Gear televizion dasturida ikki marta haydalgan. Birinchi boʻlib, 14-seriyaning 5-qismida Jeremy Clarkson tomonidan boshqarilgan va u avtomobilni ijobiy qabul qilgan. Keyinchalik avtomobil Top Gear sinov yoʻlida 1:17,7 vaqtni qayd etdi. Bu vaqtda avtomobil shouning poyga haydovchisi Stig tomonidan boshqarilib, Pagani Zonda F Roadster va Bugatti Veyronni magʻlub etdi. U ikkinchi marta 18-seriyaning 1-qismida paydo boʻldi. Boshlovchi Richard Hammond avtomobilning chap tomondan boshqariladigan versiyasini Italiya boʻylab haydagan va mufta ishlamay qolgan, bu esa muftaning uzatmalar qutisiga shikast yetkazishiga olib kelgan. Nosozlikka qaramay, Hammond avtomobilni yuqori baholadi. Shuningdek, mashina shouning Amerikaga moslashuvida ham namoyish etilgan, u yerda katta maqtovga sazovor boʻlgan. Asosiy „chellenj“ oʻzining maksimal tezligiga erishish hisoblangan va avtomobil 215 mph (346 km/h) maksimal tezlikka erishdi[10]. Lekin avtomobil sinovdan oʻtayotgan yoʻlagida davom etish uchun yoʻl qolmagani uchun toʻxtadi.
Manbalar
tahrir- ↑ „Lee Noble - Specialised Sporting Vehicles“. Lee Noble Automotive. 2017-yil 2-avgustda asl nusxadan arxivlangan. Qaraldi: 2021-yil 21-sentyabr.
- ↑ Zal, Pawel „2011 Noble M600“. Automobile-catalog. Qaraldi: 2021-yil 20-sentyabr.
- ↑ Prior, Matt „Noble M600 review“. Autocar. Qaraldi: 2019-yil 5-iyul.
- ↑ 4,0 4,1 Barker, John „Noble M600“. Evo (2009-yil 9-sentyabr). Qaraldi: 2019-yil 5-iyul.
- ↑ Prior, Matt „Noble M600 Speedster“. Autocar. UK: Haymarket Media Group (2016-yil 1-avgust). 2020-yil 28-iyunda asl nusxadan arxivlangan. Qaraldi: 2021-yil 21-sentyabr.
- ↑ 6,0 6,1 „Noble M600 review“. Top Gear (2015-yil 15-yanvar). Qaraldi: 2019-yil 5-iyul.
- ↑ „The Top Hear Car Review: Noble M600“. Top Gear (2015-yil 13-yanvar). Qaraldi: 2019-yil 5-iyul.
- ↑ What's The Top Speed of the Noble M600? | Top Gear USA.
- ↑ „Flash Page Flip“. noblecars.com. 2010-yil 9-iyunda asl nusxadan arxivlangan.
- ↑ Traugott, Jay „Noble M600 is Supercar purity“. Carbuzz (2013-yil 16-noyabr). Qaraldi: 2021-yil 21-sentyabr.
Havolalar
tahrir |
Vikiomborda Noble M600 haqida turkum mavjud |