Nodirbek Abdusattorov

Nodirbek Abdusattorov (18-sentyabr 2004-yilda tugʻilgan) — oʻzbekistonlik shaxmatchi, xalqaro toifadagi grossmeyster. Tezkor yoʻnalishdagi shaxmat boʻyicha jahon chempioni. Shaxmat tarixidagi beshinchi eng yosh grossmeyster.[2][2][3][4][5] Hindistonning Chennay shahrida oʻtkazilgan 44-shaxmat Olimpiadasi g‘olibi. Oʻzbekiston iftixori medali sohibi.

Nodirbek Abdusattorov
Abdusattorov.jpg
Nodirbek Abdusattorov 2022-yilgi shaxmat Olimpiadasida
Tugʻilgan sanasi: 18-sentabr 2004-yil (2004-09-18) (18 yosh)
Tugʻilgan joyi: Toshkent, Oʻzbekiston
Unvoni: Grossmeyster
Dolzarb reytingi: 2641 (2022-yil, yanvar)[1]
Mukofotlari:

Oʻzbekiston iftixori

BiografiyasiTahrirlash

Bo'lajak grossmeyster 2004-yil 18-sentyabr kuni Toshkent shahrida tug'ilgan. Bolaligi Toshkent shahrida o'tgan. Akasi va opasining shaxmat o'ynashiga qiziqib mustaqil ravishda shaxmatni o'rgana boshlagan. 8 yoshidan beri turnirlarda ishtirok etib keladi. 2021-yilda shaxmatning rapid yo'nalishi bo'yicha chempionga aylanib, ushbu natijani qayt etgan eng yosh shaxmatchiga aylandi. 2022-yilda o'tkazilgan 44-shaxmat Olimpiadasida O'zbekiston sharafini himoya qilib jamoasi bilan birgalikda O'zbekistonga dastlabki Olimpiada chempionligini olib keldi. Shaxmatda erishgan yutuqlari inobatga olinib, Yosh shaxmatchiga Oʻzbekiston iftixori medali topshirildi.

FaoliyatiTahrirlash

2012-yilda Sloveniyaning Maribor shahrida 8 yoshgacha boʻlgan oʻsmirlar oʻrtasida shaxmat boʻyicha Jahon kubogini qoʻlga kiritdi. 2014-yilda 9 yoshli Nodirbek Toshkentda Georgiy Aʼzamov xotirasiga bagʻishlangan shaxmat turnirida ikki grossmeysterni magʻlubiyatga uchratdi. 2015-yil noyabr oyida Yunonistonning Porto-Karas shahrida boʻlib oʻtgan shaxmat boʻyicha oʻsmirlar oʻrtasidagi jahon chempionatida toʻrtinchi oʻrinni egalladi. 2017-yilning 29-oktyabrida Chigorin memoriali musobaqasida uchinchi oʻrinni egalladi. Ushbu turnir davomida 13 yoshli Nodirbek oʻz reytingini 2500 balldan yuqori koʻtarib, grossmeyster unvoniga sazovor boʻldi. 2021-yil sentyabr oyida Abdusattorov Rossiya shaxmat federatsiyasi tomonidan "Yasnaya Polyana" muzey-mulkida tashkil etilgan Lev Tolstoy nomidagi turnirida ikkinchi o'rinni egalladi. 2021-yil 26-29-dekabr kunlari Polshaning Varshava shahrida boʻlib oʻtgan tezkor shaxmat boʻyicha jahon chempionatida amaldagi jahon chempionlari — Yan Nepomnyashchiy va Magnus Carlsenni magʻlubiyatga uchratdi.[6]

Jahon chempioni Osiyo chempioni

E'tirofTahrirlash

2022-yilda oʻtkazilgan 44-butunjahon olimpiadasining 10-turida Oʻzbekiston terma jamoasi Hindiston 2 terma jamoasiga qarshi bahs olib bordi. juda ogʻir kechgan oʻyinda hindlarning qoʻli baland kelishiga hech kim shubha qilmayotgan edi. Nodirbek Yokubbayev va Jahongir Vohidov raqiblari bilan durrang oʻynagan, Javohir Sindorov esa magʻlubiyatga uchragan edi. Oxirgi oʻyinda 2021-yilgi Rapid boʻyicha Jahon chempioni Nodirbek Abdusattorov Hindistonlik kuchli shaxmatchi Gukesh bilan bahs olib bordi. Besh soatdan ortiq davom etgan oʻyin butun dunyodagi shaxmat odamlarini oʻziga qaratdi. Oʻyinning deyarli toʻliq qismida Gukesh ustunlik qildi. Nodirbek Abdusattorov Oxirigacha kurashib Yakunda Gukeshni Magʻlubiyatga uchratib[7] Terma jamoasi uchun muhim ochkoni keltirdi.

ManbalarTahrirlash

  1. https://ratings.fide.com/profile/14204118}[sayt ishlamaydi]
  2. 2,0 2,1 Friedel, Frederic. „Abdusattorov second youngest GM ever“. Chess News. ChessBase (29-oktabr 2017-yil). Qaraldi: 31-oktabr 2017-yil.
  3. Martínez, David „9-year-old prodigy beats two grandmasters“. chess24 (22-may 2014-yil). Qaraldi: 16-aprel 2016-yil.
  4. Chandra, Akshat „Nine-year-old rips through GMs!“. ChessBase (2-iyul 2014-yil). Qaraldi: 16-aprel 2016-yil.
  5. Top Juniors list statistics FIDE.
  6. https://www.gazeta.uz/uz/2021/12/28/chess/
  7. „Abdusattorov Gukeshni yutdi“. Bugun.uz (8-avgust 2022-yil).

HavolalarTahrirlash

Nodirbek Abdusattorovning FIDE saytidagi sahifasi