Oʻsh davlat universiteti

Osh Davlat Universiteti (OshDU) (qirgʻizcha: Ош мамлекеттик университети) — Qirgʻiziston Respublikasining davlat akkreditatsiyasidan oʻtgan oliy taʼlim muassasasi. Oʻsh shahrining Lenin koʻchasi 331 da joylashgan.

Tarixi

1939-yilda Qirgʻiziston Xalq Komissarlari Sovetining qarori bilan Oʻsh oʻqituvchilar instituti sifatida tashkil etilgan. 1951-yilda Oʻsh oʻqituvchilar instituti asosida Oʻsh pedagogika instituti tashkil topdi.

1992-yilda Qirgʻiziston Respublikasi Prezidentining Farmoni bilan institut universitet sifatida qayta tashkil etildi. Hozirda Oʻsh davlat universiteti Qirgʻizistondagi eng yirik oliy ta’lim muassasasi hisoblanadi.

O’sh davlat universitetining tuzilishi

Ayni paytda, universitetda 72 ta mutaxassislik boʻyicha 28 mingdan ortiq talaba tahsil olmoqda. Oʻsh davlat universitetida 27 xorijiy davlatdan 1700 nafar talaba tahsil oladi.

Universitet yuqori malakali professor-oʻqituvchilar tarkibiga ega boʻlib, universitetda 62 nafar fan doktori, professor, 320 nafardan ortiq fan nomzodi va dotsent, 30 nafarga yaqin, respublikada xizmat koʻrsatgan ta’lim, fan, madaniyat, sogʻliqni saqlash va sport arboblari, 3 nafar xalq artisti, bitta xalq rassomii, 2 nafar akademigi, 2 nafari Xalqaro Olimlar Akademiyasi aʼzosi.

Oʻsh davlat universitetida jami 1500 dan ortiq oʻqituvchi va 1200 dan ortiq xodim ishlaydi.

Bugungi kunda Oʻsh Davlat universitetida 15 fakultet, 3 ta oʻquv instituti, 3 ta kollej, 2 litsey, 1 ta bolalar bogʻchasi, aspirantura, ordinatura va magistratura boʻlimlari mavjud. Oʻsh davlat universitetida 21 ta oʻquv binosi, 8 ta talabalar turar joyi, 2 ta tibbiyot poliklinikasi, 7 ta klinik baza, xorijlik mutaxassislar uchun mehmonxona, 5 ta dam olish maskani va Issiqkoʻl sohilidagi pansionat mavjud.

Fakultetlar

• Biznes va menejment fakulteti
• Matematika va axborot texnologiyalari fakulteti
• Ilohiyot fakulteti
• Rus filologiyasi fakulteti
• Fizika va texnologiya fakulteti
• Chet tillar fakulteti
• Tabiiy fanlar va geografiya fakulteti
• Tarix va huquq fakulteti
• Tibbiyot fakulteti
• Xalqaro tibbiyot fakulteti
• Jurnalistika fakulteti
• Pedagogika va jismoniy tarbiya fakulteti
• Xalqaro munosabatlar fakulteti
• Jurnalistika va qirgʻiz filologiyasi fakulteti
• San'at fakulteti
• Qirgʻiz-turk fakulteti
• „Qora-Suv“ universitet gimnaziyasi Oʻsh davlat universiteti (Qora-suv shahri)

Havolalar

• O'sh Davlat Universiteti sayti (Wayback Machine saytida 19-noyabr 2016-yil sanasida arxivlangan) Arxiv koʻchirmasi
• O'sh davlat universiteti