Oʻzbekiston Respublikasi Suv xoʻjaligi vazirligi

O'zbekiston Respublikasi Qishlоq va suv хo'jаligi vazirligi — Oʻzbekistonda qishloq xoʻjaligi sohasidagi davlat boshqaruv organi. 1996-yilda Qishloq xo'jaligi va Melioratsiya vazirliklarining negizida tashkil topgan. 2018-yil 12-fevralda ikkita vazirlikka: Qishloq xoʻjaligi vazirligi va Suv xoʻjaligi vazirligiga ajratildi.

O'zbekiston Respublikasi Qishlоq va suv хo'jаligi vazirligi

Turi	qishloq xoʻjaligi
Maqomi	vazirlik
Ishga tushgan sanasi	1996-yilda
Tugatilgan	2018-yilda
Joylashuvi	Tashkent, 2 Universitetskaya str.100140 Tashkent
Hududiy xizmati	Oʻzbekiston
Bosh mahkamasi	Vazirlik
Aʼzolari	private persons
Vebsayti	agro.uz
Til(lar)i	Oʻzbek, Rus

Vazirlikning vazifalari

• qishloq xoʻjaligini zamonaviylashtirish va barqaror rivojlantirishga qaratilgan yagona agrotexnika siyosatini amalga oshirish;
• zamonaviy agrotexnologiyalarni takomillashtirish va qishloq xoʻjaligi ishlab chiqarishi tarmoqlariga joriy etish;
• qishloq xoʻjaligi tovar ishlab chiqaruvchilariga bozor prinsiplari va mexanizmlari asosida xizmat koʻrsatayotgan tarmoqlar, boʻgʻinlar va tuzilmalar faoliyatini muvofiqlashtirish;
• agrar sektorda iqtisodiy islohotlarni chuqurlashtirish, ijara munosabatlarini, oila pudratini, fermer xoʻjaliklarini keng rivojlantirish ishlarini muvofiqlashtirish;
• qishloq xoʻjaligini yuritishni va qishloq xoʻjaligi ekinlarini navlar boʻyicha joylashtirishni takomillashtirishga doir tavsiyalar ishlab chiqish;
• seleksiya, urugʻchilik, naslchilik ishlari, veterinariya, oʻsimliklar karantini sohasida davlat siyosatini olib borish hamda chorvachilik, parrandachilik va baliqchilik mahsulotlari xavfsizligini taʼminlash;
• irrigatsiya tizimlarini havzalar boʻyicha boshqarish prinsiplari asosida er usti suv resurslarining davlat boshqaruvini amalga oshirish va barcha darajalarda suvdan foydalanishning va suv isteʼmolining bozor prinsiplarini joriy etish;
• davlat suv xoʻjaligi tizimidan foydalanilishini va uning zamonaviylashtirilishini taʼminlash;
• ilgaridan sugʻoriladigan yerlarning meliorativ holatini yaxshilash va yangi yerlarni oʻzlashtirish chora-tadbirlarini amalga oshirish;
• qishloq, suv va oʻrmon xoʻjaligida investitsiya siyosatini ishlab chiqishda qatnashish;
• yer va suv resurslaridan foydalanish toʻgʻrisidagi qonun hujjatlariga qatʼiy rioya etilishini taʼminlash;
• oʻrmon xoʻjaligidan foydalanish, uni qoʻriqlash, himoya qilish va rivojlantirish sohasida davlat siyosatini amalga oshirish;
• oʻziga qarashli tashkilotlar va korxonalarni ilmiy-texnik va axborot bilan taʼminlash;
• qishloq, suv va oʻrmon xoʻjaligi rahbarlari va mutaxassislarini oʻqitish, qayta tayyorlash va ularning malakasini oshirish;
• qishloq xoʻjaligida oʻsimliklarni kimyoviy va biologik himoya qilish, oʻsimliklar kasalliklarining oldini olish va qishloq xoʻjaligi zararkunandalariga, begona oʻtlarga va chigirtkaga qarshi kurashish boʻyicha yagona texnika va texnologiya siyosatini oʻtkazish.

Vazirlar

• 1996-2002 — Nosirjon Yusupov
• 2002-2005 — Abduvohid Joʻrayev
• 2005-2009 — Sayfiddin Ismoilov
• 2009-2013 — Zafar Roʻziyev
• 2013-2016 — Shuhrat Teshayev
• 2016-2018 — Zoir Mirzayev
• 2018- hozirda — Jamshid Khodjaev