Oʻzbekistonning Germaniyadagi elchixonasi

Oʻzbekiston Respublikasining Germaniyadagi elchixonasi
Akkreditatsiya qilingan mamlakat	Oʻzbekiston
Mezbon mamlakat	Olmoniya
Manzili	Olmoniya Berlin
Elchi	Dilshod Ahatov; (2023-yil 25-oktyabrdan boshlab)
Sayt	Elchixona sayti

Oʻzbekistonning Berlindagi elchixonasi (rasmiy nomi Oʻzbekiston Respublikasi elchixonasi, Oʻzbekiston elchixonasi) Oʻzbekistonning Germaniyadagi diplomatik vakolatxonasining bosh qarorgohi hisoblanadi.

Joylashuv

Elchixona binosi, Ballhaus Tiergarten, Mitte tumanining Moabit tumanidagi Perleberger Straße 62-uyda joylashgan.

Frankfurtmaynda elchixonaning konsullik boʻlimidan mustaqil ravishda tashkil etilgan bosh konsullik mavjud^[1].

Tarix

Ikki tomonlama munosabatlar 1991-yil 31-dekabrda Germaniya Federativ Respublikasi tomonidan Oʻzbekiston Respublikasi mustaqilligini tan olinishi bilan boshlangan. 1992-yil 6-martda Oʻzbekiston va Germaniya Federativ Respublikasi oʻrtasida diplomatik munosabatlar oʻrnatildi. 1993-yildan 2000-yilgacha amaldagi elchixona Berlinga koʻchib kelguniga qadar, sobiq federal poytaxt Bonnning Pennenfeld tumanidagi Deutschherrenstrasse 7-da joylashgan edi. 2001-yil 3-aprelda Oʻzbekiston Respublikasi Prezidenti Islom Karimovning rasmiy tashrifi chogʻida Berlindagi elchixona ochilgan.

Bino

Bino 1879—1880-yillarda Otto Xaymerdinger va Oskar Appeliusning loyihalari asosida harbiy xazina nomidan qurilgan. Elchixona binosi 1-otliq artilleriya qoʻriqlash polki uchun kazarmalar qurilishi doirasida ofitserlar uchun yashash joy sifatida qurilgan. Elchixona binosi endilikda alohida roʻyxatga olingan binolardan biri hisoblanadi^[2].