Bosh menuni ochish

Pitnak — Xorazm viloyati Hazorasp tumani hududidagi shahar (1974 yildan). Amudaryoning chap sohilida joylashgan. Temir yoʻl stansiyasi. Viloyat markazi (Urganch shahri) gacha 90 km, tuman markazi (Hazo-rasp shahri)gacha 34 km. Aholisi 40,2 ming kishi (Pitnak qishlogʻi va Tuproqqalʼa hududi aholisi bilan birga; 2001), asosan, oʻzbeklar (95%), shuningdek, qozoq, turkman, rus, tatar va boshqa millat vakillari ham yashaydi. P. tarixiy joy nomi boʻlib Beruniy asarlarida ham uchraydi.

Shahar
Pitnak
Mamlakat Oʻzbekiston
Viloyat Xorazm viloyati
Tuman Hazorasp tumani
Koordinatalari 41°13′20″N 61°18′24″E / 41.22222°N 61.30667°E / 41.22222; 61.30667Koordinatalari: 41°13′20″N 61°18′24″E / 41.22222°N 61.30667°E / 41.22222; 61.30667
Aholisi 40 215 nafar (2001)
Vaqt mintaqasi UTC+5
Pitnak (Oʻzbekiston)
Pitnak

P. vohasi sugʻorish uchun qulay boʻlganligi sababli bu yerlarda mil. avvalgi asrlarda ham odamlar yashaganligi maʼlum (Kaparas, Elharas, Humbuztepa kabi kalʼa va tepaliklar oʻrnida olib borilgan arxeologik qazishmalar buni tasdikdaydi). 16-asr boshlarida Xiva xonligi tashkil topganda P. vohasi noiblik boʻlgan. 1873 yilda Kaufman boshchiligidagi rus qoʻshinlari P.ni ham bosib olishgan. 1920 yilgacha noiblik boʻlib turgan. 1920—27 yillarda esa tuman maqomini olgan. Keyinroq shu atrofdagi 4 ta qishloq birlashtirilib P. deb atalgan. 1924 yilning boshida P.da shoʻrolar hokimiyatiga qarshi qoʻzgʻolon boʻlib oʻtgan. "Pitnak" soʻzi qad. xorazmiy tilida "Pita — yer, taqir, nak — kichik, yaʼni "oz yer" maʼnosida ishla-tilgan. 1969 yil Tuyamoʻyin gidrouzelini qurish boshlanishi jarayonida P. qishlogʻi yonidagi dasht yerda Drujba shahri quriddi. 1992 yil 16 martda yon atrofdagi Sarimoy, Tuproqqalʼa va P. qishloqlari ham Drujba shahri kengashining maʼmuriy qaramogʻiga oʻtkazidsi va 1998 yil gacha shu nom (Drujba) bilan yuritildi.

P.da 6 sanoat korxonasi, 16 qurilish, 7 transport va aloqa, 7 savdo va maishiy xizmat, 200 oʻrta va kichik biznes, 2 qoʻshma korxonalari, Xorazm avtomobil ishlab chiqarish birlashmasi, Tuyamoʻyin GES, "Tuyamoʻyin — Urganch" suv tozalash in-shooti, shakarqand, paxta tozalash zavodlari va boshqa yirik korxonalar mavjud.

Shaharda qishloq xoʻjaligi mahsulotlarini qayta ishlovchi zavodlar va yirik sexlar ishlab turibdi. P. hududidan temir yoʻl, respublika ahamiyatidagi Urganch—Toshkent magistral avtomobil yoʻli oʻtgan. 19 umumiy taʼlim maktabi, litsey-internat, kasb-hunar maktabi, madaniyat uyi, kutubxona bor.[1]

ManbalarTahrirlash

  1. OʻzME. Birinchi jild. Toshkent, 2000-yil