Quduq (film)
Quduq — 2013-yilda Oʻzbekiston Kinematografiya agentligi buyurtmasiga asosan „Oʻzbek“ film kinostudiyasida Mansur Vasati tomonidan suratga olingan sobiq Ittifoq davrida, dasht bagʻridagi qishloqda yashagn aholi haqidagi badiiy film. filmi ham AQSh, Germaniya, Xitoy, Rossiya, Avstraliya kabi 10 dan ortiq mamlakatlardagi xalqaro kinofestivallarning tashkiliy qoʻmitalariga saralash bosqichi uchun yuborilgan.
| Quduq | |
|---|---|
| Rejissyor(lar) | Mansur Vasati |
| Prodyuser(lar) | Farhod Usmonov |
| Ssenariynavis(lar) | G'ofur Shermuhammad |
| Rollarda | |
| Bastakor(lar) | Toir Askar |
| Kinematografiya | Umid Malikov |
| Studiya(lar) | Oʻzbek film kinostudiyasi |
| Chiqarilgan sanasi | 2014-yil 7-fevral |
| Davomiyligi | 75 daqiqa |
| Mamlakat |
 Oʻzbekiston |
| Til | oʻzbekcha |
Mazmuni tahrir
Elmurod timsolida hamqishloqlariga quduq qazib, eng ogʻir yumushlarni bajarib umrini oʻtkazayotgan odamning hayotiy qarashlari turli ziddiyatli voqealar yordamida tomoshabinga yetkazib beriladi. Soddadil, ishonuvchan, oqkoʻngil bu inson barchani oʻziga qadrdon deb biladi. Ozor yetkazgan odamlarni osongina kechirib yuboradi. Shu bois oʻziga Lallay degan nomni orttirib olgan. Elning qudugʻini qazib yurgan bu insonning yuragida dardi bor — toʻngʻich oʻgʻli ogʻir xastalikka chalinib, yurolmay qolgan. Lallay Toshkentdagi shifoxonada davolanayotgan oʻgʻlining holidan xabar olishni istaydi. Biroq qurgʻoqchilikdan aziyat chekayotgan odamlarning ham yuzidan oʻta olmaydi. U quduq qazish jarayonida har xil voqealarga guvoh boʻladi, turfa tabiatli odamlar bilan muloqot qiladi. Hayotda koʻrgan-kechirganlarini umumlashtirib, oʻzicha xulosa chiqaradi: „Umr boʻyi tuproq kavlash bilan andarmon boʻlib, odamlar koʻksidagi ezgulik qudugʻi qurib borayotganini sezmay qolibman. Ulardan yaxshilik umidvor boʻlib behuda urinayotganga oʻxshayman…“. Lallay bir umr oʻzi axtargan shirin suvli quduqni xonadoni yaqinidan topadi. Hayotda koʻrgan qiyinchiliklari, boshidan kechgan sinovlar uni ana shu shirin suvli quduqqa yetaklab keladi. Toʻgʻrilik, halollik, lafz, oriyat, hamiyat, mehnatsevarlik kabi chin insoniy fazilatlar haqida hikoya
Film ijodkorlari tahrir
- Postanovkachi rejissyor: Mansur Abduxoliqov
- Ssenariy muallifi: Gʻafur Shermuhammad
- Postanovkachi operator: Umid Malikov
- Postanovkachi rassom: Bektosh Rajabov[1]
Rollarda
- Muhammadiso Abulhayirov
- Lola Eltoyeva
- Abduxalil Mignorov
- Yulduz Hamidova
- Farhod Xudoyberdiev
- Sayfiddin Meliev[2]
Ishlab chiqarish tahrir
Film primerasi 2014-yil 7-fevralda boʻlib oʻtdi[3].Quduq filmi XI Qozon xalqaro musulmon kinosi festivalining saralash komissiyasi 700 dan ortiq filmni koʻrib chiqib, festivalning tanlov dasturida qatnashishi uchun 25 davlatning 50 ta kinolentasini tanlab olingan boʻlsa bu filmlar qatoridan „Quduq“ filmi ham oʻrin oldi[4][5]. Shu bilan birgalikda ushbu film AQSh, Germaniya, Xitoy, Rossiya, Avstraliya kabi 10 dan ortiq mamlakatlardagi xalqaro kinofestivallarning tashkiliy qoʻmitalariga saralash bosqichi uchun yuborilgan. „Quduq“ filmi bungacha 2014-yili Rossiyaning Anapa shahrida tashkil etilgan XXIII „Kinoshok“ kinofestivalining asosiy tanlov dasturida qatnashgan edi.[6][7].
Manbalar tahrir
- ↑ „“Quduq” filmi premyeraoldi namoyishi bo‘lib o‘tdi“. https://m.daryo.uz/. Daryo.uz. 2023-yil 13-martda asl nusxadan arxivlangan. Qaraldi: 2023-yil 13-mart.
- ↑ „“Quduq” filmi premyeraoldi namoyishi bo‘lib o‘tdi“. https://m.daryo.uz/. Daryo.uz. 2023-yil 13-martda asl nusxadan arxivlangan. Qaraldi: 2023-yil 13-mart.
- ↑ „Қудуқ - янги ўзбек фильм премьераси“. https://mydaytv.uz/. MYdayTv. Qaraldi: 2023-yil 13-mart.
- ↑ „O‘zbek rejissorining “Quduq” filmi Qozondagi musulmon kinosi festivalida namoyish etiladi“. http://daryo.uz. Daryo.uz. 2023-yil 13-martda asl nusxadan arxivlangan. Qaraldi: 2023-yil 13-mart.
- ↑ „Фильмы из 25 стран покажут на Казанском фестивале мусульманского кино“. https://ria.ru/. РИА НОВОСТИ. Qaraldi: 2023-yil 13-mart.
- ↑ „«QUDUQ» FILMI QOZON XALQARO KINOFESTIVALIDA QATNASHADI“. http://www.uzbekistan-geneva.ch/-o-zbekcha-.html.
- ↑ „«Quduq» filmi Qozon xalqaro kinofestivalida qatnashadi“. Darakchi.uz. Darakchi.uz. Qaraldi: 2023-yil 13-mart.