Safina Saʼdullayeva
Safina Erkinovna Saʼdullayeva (1998-yil 4-mart, Oʻzbekiston) – oʻzbekistonlik yengil atletikachi, balandlikka sakrash boʻyicha bahslarda ishtirok etadi, Oʻzbekistonning xalqaro toifadagi sport ustasi. 2015-yilda 18 yoshgacha boʻlgan oʻgʻil-qizlar oʻrtasidagi Osiyo chempionatida oltin medalni qoʻlga kiritgan. 2017-yilgi Yopiq inshootlardagi Osiyo oʻyinlarida kumush medal sohibasiga aylangan.
| Safina Saʼdullayeva | |
|---|---|
.jpg) | |
| Shaxsiy maʼlumotlari | |
| Fuqaroligi |
 Oʻzbekiston |
| Tavallud sanasi |
4-mart 1998-yil Oʻzbekiston |
| Sport | |
| Qaysi sport | yengil atletika |
| Medallar | |
 | |
Yoshligi
tahrirSadullayeva Safina Erkinovna 1998-yil 4-mart kuni Sirdaryo viloyatida dunyoga kelgan[1].
Faoliyati
tahrirSafina Saʼdullayeva murabbiy Ruzaliya Shavkatovna Zyangurova qoʻl ostida yengil atletika bilan shugʻullana boshladi[2]. 2015-yilda Doʻhada (Qatar) 18 yoshgacha boʻlgan oʻgʻil-qizlar oʻrtasida oʻtkazilgan Osiyo chempionatida 1,71 m natija bilan oltin medalni qoʻlga kiritdi[3].
2017-yilda Ashxobodda (Turkmaniston) yopiq inshootlardagi Osiyo oʻyinlarida 1,83 m natija bilan ikkinchi oʻrinni egallagan boʻlsa, oʻsha yili Olmaotada (Qozogʻiston) Gusman Kosanov xotirasiga bagʻishlangan xalqaro turnirda 1,85 m natija bilan ikkinchi oʻrinni egalladi[4].
2018-yildan Oʻzbekistonda xizmat koʻrsatgan murabbiy Alim Ochilovich Axmedjanov qoʻl ostida mashgʻulot oʻtkaza boshladi. Oʻsha yili Tehronda (Eron) yopiq inshootlardagi Osiyo chempionatida ishtirok etadi, ammo 1,75 m natija bilan atigi toʻrtinchi oʻrinni egallaydi[2].
2019-yilda Oʻskemenda (Qozogʻiston) Olga Ripakova sovrinlari uchun oʻtkazilgan xalqaro turnirda u shaxsiy rekordi 1,92 m bilan birinchi oʻrinni egalladi[5].
2021-yil 28-may kuni Toshkent shahrida yengil atletika boʻyicha oʻtkazilgan Oʻzbekiston ochiq chempionatida Safina Saʼdullaeva balandlikka sakrashda 1,96 m natija bilan gʻolib boʻldi va Tokiodagi (Yaponiya) yozgi Olimpiya oʻyinlarida ishtirok etish uchun litsenziyani qoʻlga kiritdi [6][7]. 2021-yil 30-iyun kuni Oʻzbekiston Prezidenti Shavkat Mirziyoyev Safina Saʼdullaevani „Shuhrat“ medali bilan taqdirladi[8].
XXXII Yozgi Olimpiya oʻyinlarining saralash bosqichida u 1,95 m balandlikni zabt etishga muvaffaq boʻldi va shu tariqa turnir finaliga chiqdi[9]. Finalda ikkinchi urinishda 1,96 m natijani qayd etdi, biroq uchinchi urinishda 1,98 m balandlikni zabt eta olmadi va 6-oʻrinni egalladi[10].
2021-yilda Oʻzbekiston Prezidenti Shavkat Mirziyoyevning farmoni bilan Olimpiya harakatini rivojlantirishga qoʻshgan ulkan hissasi uchun „Kelajak bunyodkori“ medali bilan taqdirlangan[11].
Safina Saʼdullayeva 2022-yilda Belgradda oʻtkazilgan yopiq inshootlardagi jahon chempionatida 1, 92 m natija bilan oltinchi oʻrinni egalladi.
Oregondagi 2022-yilgi jahon chempionatida shaxsiy rekordini (196 sm) takrorlab, beshinchi oʻrinni egalladi. Saʼdullayeva barcha osiyolik balandlikka sakrovchi atletlar orasida eng yaxshi natijaga erishdi[12].
2022-yilda Fransiyada oʻtkazilgan „Meeting international dʻathlétisme de Montreuil“ turnirining balandlikka sakrash dasturida 1,86 metr natija bilan ikkinchi oʻrinni egalladi va kumush medalini qoʻlga kiritdi[13].
2022-yilda Chexiyaning Brno shahrida yengil atletika boʻyicha „Ročník Brněnské Laťky Olympie“ xalqaro musobaqasida1.91 m natija bilan uchinchi oʻrinni egalladi[14].
2022-yil Polshada “Brilliant liga”da oltin medalni qo'lga kiritib, mazkur nufuzdagi turnirda g'alaba qozongan ilk o'zbekistonlik atletga aylangan[1].
2022-yilda Vengriyaning Budapesht shahrida yengil atletika boʻyicha Gran-pri turnirida 1,98 metr balandlikni zabt etib, Ukraina vakilidan o'zib ketdi va oltin medalni qo'lga kiritdi[15].
2024-yilgi Yozgi Olimpiada oʻyinlari
tahrirSafina Saʼdullayeva 2024-yilning 2-avgust kuni Parijdagi Yozgi Olimpiada oʻyinlarida V guruhida 1.95 metr natija qayd etib, final yoʻllanmasini qoʻlga kiritdi[16][17]. Finalda uchinchi urinishda 1,95 m natijani qayd etdi, biroq uchinchi urinishda 1,98 m balandlikni zabt eta olmadi va 7-oʻrinni egalladi[18].
Unvon va mukofotlari
tahrirManbalar
tahrir- ↑ 1,0 1,1 „O'zbekistonlik birinchi “Brilliant liga” g'olibi Safina Sadullaeva“. olamsport.com. Qaraldi: 4-avgust 2024-yil.
- ↑ 2,0 2,1 „Из истории Сафина Садуллаевой“. uzathletics.uz. Qaraldi: 2021-yil 27-iyul.
- ↑ „Узбекистанцы завоевали 2 золота ЧА-2015 по легкой атлетике в Катаре | Vesti. UZ“. vesti.uz. Qaraldi: 2021-yil 27-iyul.
- ↑ „Safina SADULLAYEVA | Profile“. www.worldathletics.org. Qaraldi: 2021-yil 27-iyul.
- ↑ Kun uz. „Сафина Садуллаева завоевала «золото» в прыжках в высоту на турнире в Казахстане“ (ru). Kun.uz. Qaraldi: 2021-yil 27-iyul.
- ↑ „Легкоатлетка Сафина Садуллаева выполнила норматив Олимпиады Токио-2020“ (ru). UzReport.news. Qaraldi: 2021-yil 27-iyul.
- ↑ „Сафина Садуллаева - 1.96“. uzathletics.uz. Qaraldi: 2021-yil 27-iyul.
- ↑ „Узбекские спортсмены получили госнаграды от президента в честь «Дня молодёжи»“ (ru). UzReport.news. Qaraldi: 2021-yil 31-iyul.
- ↑ „Athletics - Qualification - Group A Results“ (en-us). ... Qaraldi: 2021-yil 5-avgust.[sayt ishlamaydi]
- ↑ „Athletics - Final Results“ (en-us). ... Qaraldi: 2021-yil 7-avgust.[sayt ishlamaydi]
- ↑ uza.uz. „О награждении группы спортсменов и тренеров, добившихся высоких результатов на XXXII летних Олимпийских играх в городе Токио“ (uz). Uza.uz (2021-yil 13-avgust). Qaraldi: 2021-yil 13-avgust.
- ↑ „High Jump Women – Final results“. iaaf.org.
- ↑ „Tokio-2020 ishtirokchilari Yevropada shohsupaga koʻtarilishdi“. olympic.uz. Qaraldi: 4-avgust 2024-yil.
- ↑ „Saʼdullayeva Chexiyada mavsum yetakchilari bilan mardonavor bellashdi“. mudofa.uz. Qaraldi: 2-avgust 2024-yil.
- ↑ „Yengil atletika: Safina Sadullayeva Budapesht Gran-prisida gʻalaba qozondi“. xabardor.uz. Qaraldi: 4-avgust 2024-yil.
- ↑ „Oʻzbekistonlik yengil atletikachi Safina Saʼdullayeva final chiqdi“. yuz.uz. Qaraldi: 2-avgust 2024-yil.
- ↑ „Ўзбекистонлик спортчиларнинг Олимпиададаги иштирокидан“. olamsport.com. Qaraldi: 2-avgust 2024-yil.
- ↑ „Paris 2024 - Olympic Schedule - Athletics“. Olympics.com. Qaraldi: 4-avgust 2024-yil.
- ↑ „Prezident Alisher Sa’dullayevni “Mehnat shuhrati” ordeni bilan mukofotladi“. qalampir.uz. Qaraldi: 4-avgust 2024-yil.
- ↑ „Prezident Olimpiadada ishtirok etgan sportchilar va murabbiylarni mukofotladi“. gazeta.uz. Qaraldi: 31-iyul 2024-yil.