Shuhrat Boboyev
Shuhrat Shonazarovich Boboyev (1985-yil 3-dekabrda tugʻilgan) — oʻzbek dzyudochisi-paralimpiyachi, 90 kg gacha vazn toifasida ishtirok etadi. Sambo boʻyicha jahon chempionati medali sovrindori, 2016-yilgi Yozgi Paralimpiya oʻyinlarining bronza medali sovrindori va 2020- yilgi Yozgi Paralimpiya o'yinlari ishtirokchisi, Yozgi Para-Osiyo oʻyinlari va Osiyo chempionati gʻolibi va sovrindori, Islom birdamlik oʻyinlari gʻolibi, Jahon chempionati sovrindori.
| Shuhrat Boboyev | |
|---|---|
| Shaxsiy maʼlumotlari | |
| Jinsi | erkak |
| Tavallud paytidagi ismi | Shuhrat Shonazarovich Boboyev |
| Fuqaroligi |
 Oʻzbekiston |
| Tavallud sanasi |
3-dekabr 1985-yil Oʻzbekiston SSR |
| Vazni | 90 kg gacha |
| Sport | |
| Qaysi sport | Paralimpiya dzyudo |
Faoliyati tahrir
2010-yilda Toshkentda boʻlib oʻtgan sambo boʻyicha jahon chempionatida bronza medalini qoʻlga kiritdi[1].
2014-yilda Inchxonda (Koreya Respublikasi) boʻlib oʻtgan Yozgi Para-Osiyo oʻyinlarida 90 kg vazn toifasida finalda yaponiyalik dzyudochi Aramitsu Kitadzononi magʻlubiyatga uchratib, oʻyinlarning oltin medalini qoʻlga kiritdi[2]. Oʻsha yili Koloradoda (AQSh) koʻzi ojizlar va zaif koʻruvchilar oʻrtasida dzyudo boʻyicha oʻtkazilgan jahon chempionatida u oʻz vazn toifasida bronza medalini qoʻlga kiritdi[3]. 2015-yilda Seulda (Koreya Respublikasi) boʻlib oʻtgan koʻzi ojizlar va zaif koʻruvchilar oʻrtasidagi Jahon oʻyinlarida dzyudo boʻyicha 90 kg vazn toifasida bronza medalini qoʻlga kiritdi[4].
2016-yilda Rio-de-Janeyroda (Braziliya) boʻlib oʻtgan Yozgi Paralimpiya oʻyinlarida 90 kg gacha vazn toifasida bronza medalini qoʻlga kiritdi[5][6]. Xuddi shu yili, Oʻzbekiston Respublikasi Prezidenti Shavkat Mirziyoyev Shuhrat Jasorat medali taqdirlandi[7].
2017-yilda Bokuda (Ozarbayjon) boʻlib oʻtgan Islom birdamlik oʻyinlarida parasportchilar oʻrtasida 90 kg boʻlgan vazn toifasida u finalda eronlik dzyudochi Muhammad Ali Shahanini magʻlub etib, oʻyinlarning oltin medalini qoʻlga kiritdi[8]. Toshkentda dzyudo boʻyicha koʻzi ojizlar va zaif koʻruvchilar oʻrtasida oʻtkazilgan Osiyo chempionatida 90 kg vazn toifasida finalda koreyalik dzyudochi Yu-Xan Lini magʻlub etib, oltin medalni qoʻlga kiritdi[9].
2018-yilda Jakartada (Indoneziya) boʻlib oʻtgan Yozgi Para-Osiyo oʻyinlarida 90 kg vazn toifasida finalda eronlik dzyudochi Vohid Nuriga yutqazib, kumush medalni qoʻlga kiritgan edi[10]. 2019-yili Atirauda (Qozogʻiston) dzyudo boʻyicha koʻzi ojizlar va zaif koʻruvchilar oʻrtasida oʻtkazilgan Osiyo chempionatida 90 kg boʻlgan vazn toifasida kumush medalni qoʻlga kiritdi[11].
2021-yilda Tokioda (Yaponiya) boʻlib oʻtgan Yozgi Paralimpiya oʻyinlarida u oʻz vazn toifasida chorak finalda britaniyalik Elliot Styuartga yutqazdi. Tasalli raundida u qozogʻistonlik dzyudochi Janbota Amanjolni magʻlub eta olmadi va oʻyinlardagi ishtirokini yakunladi[12].
Manbalar tahrir
- ↑ „FIAS - Competition Results“. www.sambo.com. 2021-yil 30-noyabrda asl nusxadan arxivlangan. Qaraldi: 2021-yil 29-avgust.
- ↑ „JudoInside - Asian Para Games Incheon Event“. www.judoinside.com. Qaraldi: 2021-yil 28-avgust.
- ↑ „JudoInside - IBSA World Championships Colorado Event“. www.judoinside.com. Qaraldi: 2021-yil 29-avgust.
- ↑ „JudoInside - IBSA World Games Seoul Event“. www.judoinside.com. Qaraldi: 2021-yil 29-avgust.
- ↑ https://www.paralimpicos.es/archived/web/2016RIOPV/deportes/judo/Rio_2016_PG_Judo_Results_Book_V1.1.pdf
- ↑ „Uzbekistan takes it all, stunning judo results at Paralympics“ (en). www.judoinside.com. Qaraldi: 2021-yil 29-avgust.
- ↑ „ УП-4846-сон 22.09.2016. О награждении группы спортсменов и тренеров, добившихся высоких результатов на XV летних Паралимпийских играх в городе Рио-де-Жанейро“. lex.uz. Qaraldi: 2021-yil 28-avgust.
- ↑ 2017-05-15 08:31:00. „Баку-2017: Два золота парадзюдоистов Узбекистана“ (ru). sports.uz (2017-yil 15-may). Qaraldi: 2021-yil 29-avgust. [sayt ishlamaydi]
- ↑ „JudoInside - IBSA Asian Championships Tashkent Event“. www.judoinside.com. Qaraldi: 2021-yil 28-avgust.
- ↑ „JudoInside - Asian Para Games Jakarta Event“. www.judoinside.com. Qaraldi: 2021-yil 28-avgust.
- ↑ „JudoInside - IBSA Asian and Oceania Championships Atyrau Event“. www.judoinside.com. Qaraldi: 2021-yil 28-avgust.
- ↑ Tokyo 2020 Summer Paralympic Games | IPC | International Paralympic Committee (PDF), 2021-08-29da asl nusxadan (PDF) arxivlandi, qaraldi: 2021-11-30