TeliaSonera
TeliaSonera AB - Shvetsiya va Finlandiyaning hamkorlikdagi yetakchi kompaniyasi boʻlib, telekommunikatsiya va uyali aloqa xizmatlarini amalga oshiradi. Kompaniya shimoliy va Sharqiy Yevropa, Markaziy Osiyo, shuningdek bir qancha Osiyo davlatlarida xizmat koʻrsatadi, umumiy mijozlari soni esa 182 milliondan ortiq (2013-yil).
 | |
| Turi | Uyali aloqa |
|---|---|
| Status | kompaniyasi |
| Shiori | "Together" |
| Joylashuvi | Stokgolm, Shvetsiya |
| Hududiy xizmati | Yevropa, Osiyo |
| Budjeti | 105 milliard shved kronasi[1] |
| Ishchilar soni | 27 838 |
| Aʼzolari |
Yohan Dennelind (Prezident va ijrochi direktor) Maria Ehrling (Kengash raisi) |
| Vebsayti | TeliaSonera |
| Til(lar)i | ingliz |
Tarixi Tahrirlash
TeliaSonera 2002-yilda Shvetsiya va Finlandiyaning Telia hamda Sonera kompaniyalari qoʻshilishidan hosil boʻlgan. Telia kompaniyasi xususiylashtirilishidan avval davlat monopoliyasi edi. Sonera esa, avvaliga shahar telefon tarmoqlariga xizmat koʻrsatgan. TeliaSoneraning 37% aktivlari Shved hukumatiga, 13.2% aktivlari Fin hukumatiga, qolgani esa dunyo boʻylab sarmoyadorlar, yirik kompaniyalarga qarashlidir.
Telia Tahrirlash
Shvetsiyaning Telegrafverket (Royal Telegraph Agency) korxonasi 1853-yilda, Stokgolm va Uppsala orasida telegraf oʻrnatilgan vaqtda tashkil etilgan. Shvetsiyada telefon tizimi yaxshi ishlanmagan, buning sababi – mamlakatda telefon patentlanmagan edi. Biroq, Ericsson shirkati qurilmalarni yetkazib bergan. 1920-yillarga kelib, mamlakatda monopoliyaga aylanadi. 1953-yilda uning nomi “Telverket” deb, 1992-yilda esa “Telia” deb oʻzgartitiladi. 1990-yil boshlarida GSM xizmat turi yoʻlga qoʻyiladi. Shu vaqtlarda uning bir qancha raqobatchilari paydo boʻlishi ushbu korxona monopoliyasiga chek qoʻydi. Ushbu raqobatchilardan eng yirigi Tele2 korxonasi boʻlib, u Shvetsiyada birinchi bor (2000-yilda) 3G xizmatini yoʻlga qoʻydi. Keyinroq, Telia korxonasi ham ushbu xizmatni koʻrsatish imkoniyatiga ega boʻldi.
Sonera Tahrirlash
1917-yilda Finlandiya telegraf agentligi tashkil topadi. 1927-yilda, agentlik Finlandiya pochta boshqarmasi bilan qoʻshilib, “Fin pochtasi va telegrafi agentligi” nomini oladi. 1994-yilgacha bu agentlik mamlakatdagi barcha telefoniya xizmatlarini koʻrsatib kelgan. 1994-yili agentlik ikkiga boʻlinib, “Suomen” hamda “Telecom Finland” shirkatlariga aylantiriladi. 1998-yilda “Telecom Finland”ning nomi oʻzgarib, “Sonera” deb atala boshlanadi.
Operatsiyalar Tahrirlash
TeliaSonera hozirgi kunda Skandinaviya va Boltiqboʻyi davlatlaridagi eng yirik va mijozlar soni koʻp uyali aloqa kompaniyasidir[2]. Keyingi oʻrinlarda Yoigo, Megafon, NetCom va boshqalar turadi[3].
Afgʻoniston Tahrirlash
TeliaSonera Afgʻonistonning Roshan uyali aloqa kompaniyasining 12,25 foiziga ega[4].
Daniya Tahrirlash
Daniyada 1995-yildan beri faoliyat yuritadi.
Estoniya Tahrirlash
TeliaSonera Estoniyadagi “Eesti Telekom”ning egasidir. 2009-yilda mazkur korxona aksiyalarining 100 foizini sotib olgan.
Finlandiya Tahrirlash
TeliaSonera Finlandiyadagi eng yirik aloqa operatori boʻlib, barcha turdagi aloqa xizmatlarini koʻrsatadi.
Gurjiston Tahrirlash
2007-yildan TeliaSonera “Geocell” aloqa kompaniyasining 58,5 foiziga ega. Qolgan 41 foizi esa Turkiyaning “Turkcell” kompaniyasiga tegishli.
Latviya Tahrirlash
TeliaSonera Latviyaning “LMT” uyali aloqa shirkatining 49 foiziga, shuningdek, “Lattelecom” operatorining 49 foiziga va “Tele Latvia” operatorining 100 foiziga egalik qiladi.
Litva Tahrirlash
TeliaSonera “Omnitel” kompaniyasining 100 foiziga va “TEO LT” kompaniyasining 88 foiziga ega.
Moldova Tahrirlash
TeliaSonera “Moldcell” kompaniyasining 74,3 foiziga ega.
Nepal Tahrirlash
TeliaSonera Nepal davlatining “Spice Nepal” kompaniyasining 80 foiziga ega, shuningdek, “Mero mobile” kompaniyasi ham qoʻshilgan.
Norvegiya Tahrirlash
Norvegiyada 1998-yildan faoliyat yuritadi.
Ozarbayjon Tahrirlash
2010-yil 15-maydan boshlab Azercell kompaniyasi faoliyat koʻrsatadi.
Qozogʻiston Tahrirlash
Qozogʻistonda 2006-yildan boshlab “KCell” aloqa operatori sifatida ishlamoqda.
Rossiya Tahrirlash
TeliaSonera Rossiyaning MegaFon uyali aloqa operatorining 25,2 foiziga ega.
Ispaniya Tahrirlash
TeliaSonera “Yoigo” uyali aloqa kompaniyasining 76,6 foiziga ega.
Tojikiston Tahrirlash
TeliaSonera tojikistonning ikkita uyali aloqa operatorlarini birlashtirib, “Tcell” sifatida ishlamoqda.
Turkiya Tahrirlash
TeliaSonera mamlakatning eng yirik aloqa operatori hisoblangan “Turkcell” kompaniyasining 38 foiziga ega.
Oʻzbekiston Tahrirlash
2007-yilda Oʻzbekistonda oʻz faoliyatini boshlagan. Oʻsha paytda uning foydalanuvchilari soni 400,000 dan ziyod edi. 2012-yilda mijozlar soni 9 milliondan ortdi. 2015-yilda TeliaSonera Oʻzbekiston bozoridan chiqib ketishi taxmin qilinmoqa[5]
Yana qarang Tahrirlash
Manbalar Tahrirlash
- ↑ „Annual Results 2012“ (PDF). TeliaSonera. Qaraldi: 31-yanvar 2013-yil. [sayt ishlamaydi]
- ↑ „TeliaSonera - press release“. Cision Wire. 10-avgust 2009-yilda asl nusxadan arxivlandi. Qaraldi: 7-avgust 2009-yil. Wayback Machine saytida arxivlandi (2009-08-10).
- ↑ The Mobile World, Global Multinationals: Consolidated Customers, Issue 40, p21 23-Oct 2006-yil, 2017-06-20da asl nusxadan arxivlandi, qaraldi: 2021-02-05
- ↑ arxiv nusxasi, 2014-07-06da asl nusxadan arxivlandi, qaraldi: 2014-08-19
- ↑ Teliasonera Oʻzbekiston bozoridan ketadi, 2015-10-09da asl nusxadan arxivlandi, qaraldi: 2015-09-17
Havolalar Tahrirlash
- Rasmiy sayti
- Yahoo! - TeliaSonera AB Company Profile
- TeliaSonera CDN Wayback Machine saytida arxivlandi (2014-04-19).
- UCell
 | Bu andozani aniqrogʻiga almashtirish kerak. |