Bosh menuni ochish

O`zbekiston xalqaro islom akademiyasi, (1999-2018 yillarda - Toshkent islom universiteti) — islom dini boʻyicha malakali mutaxassislar tayyorlaydigan oliy oʻquv yurti va yirik ilmiy markaz. Oʻzbekiston Respublikasi Vazirlar Mahkamasi huzuridagi din ishlari bo`yicha qo`mita huzurida, 2018-yil 16-aprelda tashkil etilgan. Akademiyada islom tarixi va falsafasi; shariat (fiqh), iqtisod va tabiiy fanlar fakultetlari; dinshunoslik, islomshunoslik; demokratik jamiyat qurish nazariyasi va amaliyoti; sharq tillari; gʻarb tillari; informatika va tabiiy fanlar; jismoniy tarbiya kafedralari hamda jahon dinlarini qiyosiy oʻrganish boʻyicha UNESCO kafedrasi bor. Oʻquv bosqichlari: bakalavrlik — 4 yil, magistratura — 2 yil Akademiya dinshunoslik, islomshunoslik, islom huquqi, xalqaro iqtisodiy munosabatlar, informatika va axborot texnologiyasi buyicha mutaxassislar tayyorlaydi. Akademiyada 2002—2003 oʻquv yilida 470 dan ortiq talaba oʻqidi, 100 dan ortiq professor-oʻqituvchilar, shu jumladan, 15 fan doktori, 41 fan nomzodi va dotsent ishladi. Aspirantura va doktorantura bor. 2000 yildan akademiyada qoshida akademik litsey ochilgan. Akademiya ilmiy kutubxona (42 ming asar, asosan, darslik va ilmiy kitoblar), manbalar xazinasi, nashriyotiga ega. Manbalar xazinasi mamlakatimiz va xorijda mavjud boʻlgan qoʻlyozma va nodir kitoblar bilan boyitib boriladi. Akademiya tarkibida Islomshunoslik ilmiy tadqiqotlar markazi bor. Bu markazda Qurʼon, tafsirlarni oʻrganish, islom tarixi va falsafasi, shariat (fiqh), maʼnaviyat, madaniyat va sanʼat, manbashunoslik va qoʻlyozmalarni oʻrganish boʻlimlari mavjud. O'zbekiston xalqaro islom akademiyada "Sharqshunoslik fanlari" sohasi boʻyicha doktorlik dissertatsiyalari himoyasiga ixtisoslashgan kengash tuzilgan. Akademiyada Sharq va Gʻarb tillarini mukammal oʻqitish maqsadida zamonaviy texnik vositalar bilan taʼminlangan. Lingofon kabineti va arab tili markazi faoliyat koʻrsatadi. O'zbekiston xalqaro islom akademiyasini rivojlantirish jamgʻarmasi tashkil etilgan (1999). O'zbekiston xalqaro islom akademiya AQSH, Angliya, Fransiya, Gollandiya, Rossiya, Saudiya Arabistoni, Misr Arab Respublikasi, BAA va boshqa davlat universitetlari hamda ilmiy tadqiqotlar markazlari bilan aloqalar oʻrnatgan. Abdulhay Abdullayev.[2]

O'zbekiston Xalqaro islom akademiyasi ( Toshkent Islom Universiteti negizida. 2018 yil 16 apreldan)
(Uzxia)
Xalqaro nomi International islamic academy of Uzbekistan
Shiori diniy bagʻrikenglik
Asos solingan 2018-yil
Oʻquv yurti turi Akademiya
Rektori Shuhrat Yovqochev[1]
Talabalari 125
Fakultetlar 5 ta
Bakalavriat 4 yil
Magistratura 2 yil
Akademiklar 1 ta
Fan doktorlari 11 ta
Manzili Abdulla Qodiriy koʻchasi 11, Toshkent shahri, Oʻzbekiston
Vebsayti www.iiau.uz

RektorlarTahrirlash

ManbalarTahrirlash