UEFA Chempionlar Ligasi 2022 finali

UEFA Chempionlar Ligasi 2022 finali
Musobaqa	UEFA Chempionlar ligasi 2021/2022
Sana	28-may 2022-yil
Maydon	Stade de France, Parij
Oʻyin qahramoni	Tibo Kurtua; (Real Madrid)
Hakam	Clément Turpin (Fransiya)
Tomoshabinlar	75.000
Ob-havo	Qisman bulutli; Havo harorati: 18°C; Namlik: 45%
	← 2021 2023 →

2022-yilgi UEFA Chempionlar Ligasi finali 2022-yil 28-may kuni boʻlib oʻtadi. Bu UEFAning asosiy Yevropa futbol klublari musobaqasining 67-mavsumining va Yevropa kubogi UEFA Chempionlar Ligasi nomini olganidan beri 30-mavsumining finali boʻladi. Uchrashuv gʻolibi UEFA Superkubogi uchun UEFA Yevropa Ligasi gʻolibi bilan oʻynash huquqini qoʻlga kiritadi va keyingi mavsumda UEFA Chempionlar Ligasi guruh bosqichiga yoʻllanma oladi.

Final dastlab Sankt-Peterburgdagi „Gazprom Arena“ stadionida boʻlib oʻtishi kerak edi, biroq 2022-yil 24-fevralda UEFA Rossiyaning Ukrainaga bostirib kirishi sababli Chempionlar ligasi finalini qoldirdi^[1]. 25-fevral kuni oʻyin Fransiyaga, „Stade de France“ stadioniga koʻchirildi^[2].

Stadion tanlash

2021-yilda Chempionlar Ligasi, Yevropa Ligasi va ayollar futbol jamoalari oʻrtasida Chempionlar Ligasi final oʻyinlarini oʻtkazish uchun arizalar qabul qilish 2018-yilning 28-sentabr kuni boshlandi. UEFA reglamentiga koʻra, 2018-yilning 28-oktabriga qadar futbol assosiasiyalari final oʻyinlarini oʻz mamlakatida oʻtkazishdan manfaatdor ekanligini bildirishi, arizalar fayli esa 2019-yilning 15-fevralidan kechiktirmay UEFAga yuborilishi kerak edi.

2018-yilning 1-noyabrida UEFA ikki assotsiatsiya UEFAga qiziqish bildirishnomalarini taqdim etish orqali Chempionlar Ligasi finalini oʻtkazishga qiziqish bildirilganini eʼlon qildi^[3]. Germaniya va Rossiya assotsiatsiyalari mos ravishda Allianz Arena va Gazprom Arenani final bosqichi uchun joy sifatida taklif qilishdi^[4].

Davlat	Stadion	Shahar	Sigʻimi	Izoh
Germaniya	„Allianz Arena“	Myunxen	70.000	2012-yilgi UEFA Chempionlar Ligasi finali, 2020-yilgi Yevropa chempionati oʻyinlari va 2006-yilgi Jahon chempionati oʻyinlariga mezbonlik qilgan
Rossiya	„Gazprom Arena“	Sankt-Peterburg	67.800	2018-yilgi Jahon chempionati va 2020-yilgi Yevropa chempionati oʻyinlariga mezbonlik qilgan

2022-yilgi UEFA Chempionlar Ligasi finalini oʻtkazish joyi haqidagi qaror 2019-yil 24-sentabr kuni UEFA Ijroiya qoʻmitasining Lyublyanadagi yigʻilishida qabul qilingan, unda 2021 va 2023-yilgi UEFA Chempionlar ligasi finali mezbonlari ham eʼlon qilingan edi.

Myunxendagi Allianz Arena UEFA Ijroiya qoʻmitasi tomonidan Lyublyanadagi yigʻilish doirasida Chempionlar ligasining 2021/2022-yilgi mavsumi final oʻyini oʻtkaziladigan joy sifatida tanlandi.

Koronavirus pandemiyasi tufayli Chempionlar Ligasi va Yevropa Ligasi final oʻyinlari mezbonlaridan oʻz shaharlarida oʻtkaziladigan final oʻyinlarini bir yilga kechiktirish soʻralgandi. Shu munosabat bilan UEFA 2020-yil 17-iyun kuni 2022-yilgi UEFA Chempionlar ligasi finali bir yil avval final oʻyiniga mezbonlik qilishi kerak boʻlgan Sankt-Peterburgda boʻlib oʻtishini maʼlum qildi.

24-fevral kuni Rossiyaning Ukrainaga bostirib kirishi sababli UEFA Chempionlar ligasi finalini Sankt-Peterburgdan koʻchirishi maʼlum boʻldi. 25-fevral kuni UEFA final oʻyinini Parij chekkasidagi „Stade de France“ stadionida oʻtkazishga qaror qildi. Sankt-Peterburgdan koʻchirilgan final oʻyinini oʻtkazishga daʼvo qilgan boshqa shaharlar Amsterdam, Barselona, Myunxen va Rim edi^[5].

Baʼzi maʼlumotlar

Oʻyin „Liverpul“ va „Real Madrid“ oʻrtasidagi Yevropa kubogi/Chempionlar ligasidagi uchinchi final boʻladi^[6]. 1981-yilda Parijdagi „Park de Prens“ stadionida boʻlib oʻtgan Yevropa kubogi finalida ingliz klubi 1:0 hisobida gʻalaba qozongan. Toʻrt yil oldin, 2018-yilda Kiyevdagi Olimpiyskiy stadionida UEFA Chempionlar Ligasi finalida „Real Madrid“ning qoʻli baland kelib boʻlib, 3:1 hisobida gʻalaba qozongan edi.

Ushbu jadvalda 1992-yilgacha finallar UEFA Yevropa kubogi davrida, 1993-yildan esa UEFA Chempionlar Ligasi davrida oʻtkazilgan.

Jamoa	Avvalgi finallar (gʻalabalar belgilab qoʻyilgan)
Liverpul	9 (1977, 1978, 1981, 1984, 1985, 2005, 2007, 2018, 2019)
Real Madrid	16 (1956, 1957, 1958, 1959, 1960, 1962, 1964, 1966, 1981, 1998, 2000, 2002, 2014, 2016, 2017, 2018)

Match

28-may 2022 21:36 (GMT +1)^[7]	Liverpul	0:1	Real Madrid	„Stade de France“ Hakam: Clément Turpin
			Vinícius Júnior 59'	„Stade de France“ Hakam: Clément Turpin

Manbalar

[1] „УЕФА перенесет финал Лиги Чемпионов из Санкт-Петербурга“. НТВ.

[2] „УЕФА официально перенес финал Лиги чемпионов из Санкт-Петербурга в Париж“. EUROSPORT.

[3] „11 associations interested in hosting 2021 club finals“. UEFA.

[4] „Петербург претендует на проведение финала Лиги чемпионов“. RBC.

[5] „УЕФА лишил Петербург финала Лиги чемпионов: подробности“. Спорт РИА Новости.

[6] „«Реал» и «Ливерпуль» в 3-й раз встретятся в финале КЕЧ / ЛЧ. У клубов по одной победе“. SPORTS.RU.

[7] „Why Champions League final kickoff delayed for Liverpool vs Real Madrid: Crowd trouble, ticket, stadium organization issues at Stade de France“. SPORTING NEWS.

[1]

[2]

[3]

[4]

[5]

[6]

[7]