Xayr, maktabim!“ — Ravshan Sobirov va „Setora“ guruhi ijrosidagi qoʻshiq. 2000-yil may oyida yozib olingan, oʻsha yili 25-may — soʻnggi qoʻngʻiroq kuni ilk marotaba ijro qilingan. Qoʻshiq Oʻzbekiston va qoʻshni mamlakatlarda yashovchi oʻzbeklar orasida maktab bitiruvchilari madhiyasiga aylangan.[1] Bugunga qadar koʻplab ijrochi kaver qilgan qoʻshiq ham Sobirov, ham Setora guruhi repertuaridagi eng mashhur ashulalarning bir boʻlib keladi.[2]

"Xayr, maktabim!"
Ravshan Sobirov va „Setora“ guruhi Singli
Chiqarilgan sana 25-may, 2000-yil(2000-05-25)
Format Kasseta singl
Yozib olingan May, 2000
Studiya Tarona Records
Davomliligi 6:01
Leybl Tarona
Qoʻshiq yozuvchilari Husan Sodiqov
Produser(lar) Ravshan Yoʻldoshev

Qoʻshiqni Husan Sodiqov yozgan. Ashulaning ilk aranjirovkasini Sobirovning gastrollardagi klavishchisi Odiljon Mahmudjonov tayyorlagan, yakuniy versiyasini „Bolalar“ aranjirovkachisi Vagif Zokirov tayyorlagan. Sobirov va „Setora“ ijrosida bitiruvchilar uchun maxsus ashula yozish taklifini Tarona Records studiyasi asoschisi Ravshan Yoʻldoshev taklif qilgan. Uning klipini taniqli rejissor Bahodir Yoʻldoshev olgan.

TarixiTahrirlash

2000-yilning may oyida Tarona Records studiyasi asoschisi, qoʻshiqchi Lola Yoʻldoshevaning otasi Ravshan Yoʻldoshev „Bolalar“ guruhi aʼzosi, Ravshan Sobirovning amakisi Husan Sodiqovga Sobirov va „Setora“ guruhi ijrosida bitiruvchilar uchun „parad“ ashulasini yozishni taklif qilgan. Yoʻldoshev qoʻshiqni Tarona Recordsda yozib olishni taʼminlashni hamda klip olib berishni vaʼda qilgan.

Buning ortidan Sodiqov Sobirovning Oʻzbekiston boʻylab gastrollari davomida ashulani yoza boshlagan. Ashulaning ilk nusxasi tayyor boʻlganidan keyin, Sobirovning gastrol klavishchisi Odiljon Mahmudjonov oʻzining Korg sintezatorida dastlabki aranjirovkani tayyorlagan.

Ashulaning ilk versiyasi tayyor boʻlganidan keyin, Sodiqov uni „Bolalar“ guruhi aranjirovkachisi Vagif Zokirovga yuborgan. Zokirov uni professional aranjirovka qilgan, avjdagi gitara solosini yozgan. Ashula 2000-yilning may oyida Tarona Records studiyasida yozib olingan. Ilk bor oʻsha yilning 25-mayida — soʻnggi qoʻngʻiroq kuni taqdim etilgan.

KlipiTahrirlash

Qoʻshiq klipini Bahodir Yoʻldoshev olgan. Klip 2000-yilning may oyida Toshkent shahridagi 145-sonli maktabda 2-3 kun ichida yozib olingan. Klipdagi yosh qiz rolini Yoʻldoshevning toʻngʻich qizi Elina Yoʻldosheva oʻynagan. Shuningdek, Yoʻldoshevning rafiqasi Inna Yoʻldosheva „Setora“ qizlari uchun maktab oʻquvchisi formasiga oʻxshash liboslarni topib bergan.

ManbalarTahrirlash

HavolalarTahrirlash