Yoshi Uzoqbek madrasasi

Buxoro viloyatidagi meʼmoriy yodgorlik


Yoshi Uzoqbek madrasasi — Buxoro madrasasi. Hozirgi kunda madrasa saqlanib qolmagan. Yoshi Uzoqbek madrasasi Koʻyi mirgʻkash guzarida[1], Buxoro amirligida hukmronlik qilgan Amir Nasrullo davrida, Yoshi Uzoqbek tomonidan bunyod etilgan. Yoshi Uzoqbek Buxoro amirligining nufuzli shaxslaridan biri Muhammad Amin toʻpchiboshining oʻgʻli boʻlgan. Muhammad Amin Buxoro amirligida Amir Shohmurod va Amir Haydar davrida toʻpchiboshi lavozimida ishlagan. Yoshi Uzoqbek ham Buxoro amirligi saroyida xizmat qilgan. U Amir Nasrullo davrida mamlakat siyosiy hayotida muhim rol oʻynagan. Yoshi Uzoqbek „Yosh Uzoq“, „Yoshi Uzoq“ kabi nomlar bilan tilga olinadi. U Amir Nasrullo harbiy yurishlarida qatnashgan. Tadqiqotchi olim Abdusattor Jumanazarov ushbu madrasaga oid bir qator vaqf hujjatlarini oʻrgangan boʻlib, madrasa bilan bogʻliq maʼlumotlar keltirgan. Ushbu madrasa uchun 1873—1874-yillarda Shokirjon ibn Mahmud Chinnifurushlar rastasidagi bir qancha doʻkonlarni vaqf qilgan. Madrasa faoliyatiga oid yana ikkita vaqf hujjatlari topib oʻrganilgan. Ushbu madrasalarda koʻplab mudarrislar nomlari keltirilgan. Jumladan mulla Abduvajidxoja maoshi 45 tilla, mulla Boqir maoshi 25 tillani tashkil etgan. Madrasada tahsil olgan talabalar toʻgʻrisida ham maʼlumotlar keltirilgan. Madrasa shoʻro inqilobiga qadar buzilib ketgan[2]. Sadri Ziyo ushbu madrasada 15 ta hujralar boʻlganligini yozib qoldirgan[3]. Yoshi Uzoqbek madrasasi 18 ta hujradan iborat boʻlgan. Ushbu madrasa Oʻrta Osiyo meʼmorchiligi uslubida bunyod etilgan. Madrasa pishiq gʻisht, yogʻoch, tosh va ganchdan qurilgan.

Madrasa
Yoshi Uzoqbek madrasasi
Mamlakat  Oʻzbekiston
Hudud Buxoro viloyati
Shahar Buxoro
Maktab yoʻnalishi sunniy
Mulkdor Yoshi Uzoqbek
Meʼmoriy uslub Markaziy Osiyo meʼmorchiligi
Binokorlik tashabbuschisi Yoshi Uzoqbek
Holati Saqlanib qolmagan
Hujralar soni 18 ta
Qurilish materiali Pishiq gʻisht


Manbalar tahrir

  1. Rahmatova S, Qurbonov H. Buxoro guzarlari tarixidan lavhalar. Buxoro: Buxoro nashriyoti, 1995 — 144 bet. 
  2. Abdusattor Jumanazar. Buxoro taʼlim tizimi tarixi. Toshkent: Akademnashr, 2017 — 592 bet. 
  3. Muhammad Ali Baljuvoniy. Tarixi Nofeyi (Foydali tarix). Toshkent: Akademiya nashriyoti, 2001 — 122 bet.