Aktam Hayitov
Aktam Ahmadovich Haitov (1974-yil 12-mart, Qashqadaryo viloyati, Kitob tumani) — oʻzbek siyosatchisi, 2018-yil 3-avgustdan Oʻzbekiston liberal-demokratik partiyasi yetakchisi, 2019-yil dekabridan Oʻzbekiston Respublikasi Oliy Majlisi Qonunchilik palatasi deputati. Iqtisod fanlari nomzodi[1].
| Aktam Haiytov | |
|---|---|
.jpg) | |
 | |
|
Mansab davri 2018-yildan | |
| Oʻtmishdoshi | Baxtiyor Yoqubov |
| |
|
Mansab davri 2017-yildan – 2018-yilgacha | |
| Oʻtmishdoshi | Aziz Abduhakimov |
| Vorisi | Sherzod Qudbiyev |
| |
|
Mansab davri 2006-yildan – 2014-yilgacha | |
| Oʻtmishdoshi | Oqiljon Obidov |
| Vorisi | Aziz Abduhakimov |
| Shaxsiy maʼlumotlari | |
| Tavalludi |
12-mart 1974-yil Qashqadaryo viloyati |
| Siyosiy partiyasi | OʻzLiDeP |
| Otasi | Ahmad Xaitov |
| Unvoni |
 |
Tarjimai hol Tahrirlash
Taʼlim Tahrirlash
1994-yilda Samarqand iqtisodiyot va servis institutini „Iqtisodiyot va menejment“ mutaxassisligi boʻyicha tugatgan.
Mehnat faoliyati Tahrirlash
1994—2000-yillarda Samarqand iqtisodiyot va servis institutida, shuningdek, Samarqand viloyati hokimligi axborot-tahlil guruhida ishlagan. 2000—2002-yillarda Oʻzbekiston Respublikasi Vazirlar Mahkamasi axborot-tahlil boʻlimi yetakchi mutaxassisi, 2002—2005-yillarda Oʻzbekiston Respublikasi Vazirlar Mahkamasi Iqtisodiyot va tashqi iqtisodiy aloqalar yigʻma axborot-tahlil boʻlimi boshligʻi, 2005-yilda qisqa muddat Oʻzbekiston Respublikasi Makroiqtisodiyot va statistika vazirligi huzuridagi iqtisodiy nochor korxonalar ishlari qoʻmitasi raisi oʻrinbosari, 2005—2006-yillarda Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi raisining birinchi oʻrinbosari, 2006—2014-yillarda Oʻzbekiston Respublikasi Mehnat va aholini ijtimoiy muhofaza qilish vaziri[2], 2014—2016-yillarda „Biokimyo“ AJ Boshqaruv raisi oʻrinbosari, 2016—2017-yillarda Oʻzbekiston standartlashtirish, metrologiya va sertifikatlashtirish agentligi bosh direktori, 2017—2018-yillarda Bandlik va mehnat munosabatlari vaziri lavozimlarida ishlagan.
2018-yil 3-avgustda Oʻzbekiston Liberal-demokratik partiyasi siyosiy kengashining oʻninchi yigʻilishida partiya rahbari (siyosiy kengash ijroiya qoʻmitasi raisi) etib saylandi[3]. Shuningdek, u Oʻzbekiston fermerlar, dehqon xoʻjaliklari va yer egalari kengashi kengashining raisi[4][5].
2019-yilda Oliy Majlis Qonunchilik palatasi deputati, spiker oʻrinbosari lavozimlarida ishlab kelmoqda.
Tanqidlar Tahrirlash
2019-yilgi Oliy Majlis deputatligi uchun saylov kompaniyasi davrida Aktam Hayitovning „koʻp goʻsht yeyapmiz“ mazmunidagi gaplari koʻplab memlar va muhokamalarga sabab boʻlgan edi[6].
Go‘sht narxi nega qimmatlab ketyapti deb o‘ylaysizlar? To‘g‘ri, ozuqa yetishmasligi birinchi sabab, ikkinchidan, bugun biz juda ko‘p go‘sht iste'mol qilyapmiz. Shunchalik ko‘p go‘sht yemoqdamizki, buning natijasida ko‘pgina kasalliklar paydo bo‘lyapti...
— Aktam Hayitov, [7]
Manbalar Tahrirlash
- ↑ „arxiv nusxasi“. 29-aprel 2021-yilda asl nusxadan arxivlandi. Qaraldi: 29-aprel 2021-yil.
- ↑ https://centrasia.org/person2.php?st=1167833012
- ↑ https://www.gazeta.uz/ru/2018/08/03/uzlidep/
- ↑ https://uzlidep.uz/ru/management/management
- ↑ https://centrasia.org/person2.php?st=1167833012
- ↑ „“Qanotli” so‘zlari bilan mashhurlikka erishgan mansabdorlar“ (13-iyul 2021-yil). Qaraldi: 26-avgust 2022-yil.
- ↑ https://kun.uz/uz/news/2021/07/13/qanotli-sozlari-bilan-mashhurlikka-erishgan-mansabdorlar