Ayshaxon Qoʻchqorova

Oyshaxon (Ayshaxon) Qo'chqorova
	Ayshaxon Qo'chqorova
Shaxsiy maʼlumotlari
Tavalludi	26-iyul 1941-yil; Namangan viloyati ; Namangan shahri
Fuqaroligi	SSSR → ; Oʻzbekiston
Millati	o'zbek
Bolalari	2 nafar
Taʼlim	Andijon davlat tibbiyot instituti
Kasbi	Shifokor, akusher-ginekolog
Dini	Islom
Maʼlumoti	Oliy
Unvoni

Oyshaxon (Ayshaxon) Qoʻchqorova (26-iyul, 1941-yil, Namangan shahri, Namangan viloyati, O'zbekiston SSR, SSSR) — oliy toifali vrach (shifokor), akusherlik va ginekologiya — tibbiyot sohasining fidoiy vakili. Oʻzbekiston qahramoni oliy unvoni (1996) sohibasi. O'zbekiston Respublikasi sogʻliqni saqlash tizimining nomdor vakillaridan biri.

Biografiyasi tahrir

Yoshligi tahrir

Tarjibali ginekolog hamda akusher boʻlmish sobiq shifokor Oyshaxon Qoʻchqorova 1941-yilning 26-iyul sanasida Namangan viloyatining markazi — Namangan shahrida tavallud topgan. Oʻrta maktabni tamomlagach tibbiyot sohasiga qiziqishi hamda intiluvchanligi sababli Andijon davlat tibbiyot institutiga oʻqishga topshiradi. Imtihonlardan muvaffaqiyatli oʻtgan holda, 1958-yilda, oʻqishga qabul qilinadi. 6 yillik taʼlimdan soʻng, 1964-yilda ushbu institutni tamomlaydi hamda oʻz ona shahriga qaytib keladi^[1].

Mehnat faoliyati tahrir

Oyshaxon Qoʻchqorova oʻz faoliyatini, institutni tamomlagandan soʻng, 1964-yilda Namangan shahridagi 2-xonli shifoxonoda terapevt mutaxassisligi boʻyicha internatura oʻtishdan boshlaydi. Keyinchalik, 1966—1984 yillar oraligʻida shahardagi 2-tugʻruqxonada vrach akusher-ginekolog boʻlib faoliyat yuritadi. Bu yillar uning uchun chinakam tajriba maktabi boʻlib xizmat qiladi. Oʻz ishiga sadoqati, halolligi, shirinsuxanligi bois xalq orasida obroʻ topadi, „qoʻli yengil doktor“ sifatida taniladi^[1]. Ushbu davr mobaynida u oddiy shifokor darajasidan tugʻruqxona mudiri lavozimiga boʻlgan yoʻlni bosib oʻtadi.

1984-yildan 2008-yilgacha boʻlgan vaqt davomida Namangan viloyati tugʻuruqxonasida boʻlim mudiri sifatida faoliyat yuritadi. 1976—1991-yillar oraligʻida Sanitariya aviatsiyasida navbatchi akusher-ginekolog, 1991—2008-yillar Namangan viloyati boʻyicha gemotologik brigadada navbatchi akusher-ginekolog sifatida xizmat qiladi. 2003-2008 yillarda Oʻzbekiston Respublikasi sogʻliqni saqlash vazirligi Akusherlik va ginekologiya ilmiy tekshirish instituti Namangan filiali ginekologiya boʻlimi mudiri, oilaviy poliklenika boʻlimida vrach ordinator sifatida samarali faoliyat olib boradi^[2].

Hozirda nafaqadagi sobiq shifokor, koʻplab oliy darajali shifokorlarning ustozi — Oyshaxon Qoʻchqorova 1996-yilda, tibbiyot sohasidagi uzoq muddatli va samarali faoliyati uchun tashakkur sifatida prezident Islom Karimov farmoniga binoan, „O‘zbekiston Qahramoni“ unvoni bilan taqdirlanadi^[3].

Manbalar tahrir

↑ ^1,0 ^1,1 Xamidov, Sanjarbek „НАМАНГАННИНГ ҚАҲРАМОН ШИФОКОРИ“. Shifokor va Hayot,uz. Qaraldi: 19-iyun 2022-yil.
↑ Zaripova, Ra'no „«Oʻzbekiston Qahramoni» unvoni sohibalarining hayoti bilan tanishing“. Gujum.uz. Qaraldi: 19-iyun 2022-yil. ^{[sayt ishlamaydi]}
↑ O'zbekiston milliy axborot agentligi „“Ўзбекистон Қаҳрамони“ унвонини олган ўн олти нафар аёл (+сурат)“. UzA.uz. Qaraldi: 19-iyun 2022-yil.

[shifokorvahayotuz-1] 1,0 ^1,1 Xamidov, Sanjarbek „НАМАНГАННИНГ ҚАҲРАМОН ШИФОКОРИ“. Shifokor va Hayot,uz. Qaraldi: 19-iyun 2022-yil.

[2] Zaripova, Ra'no „«Oʻzbekiston Qahramoni» unvoni sohibalarining hayoti bilan tanishing“. Gujum.uz. Qaraldi: 19-iyun 2022-yil. ^{[sayt ishlamaydi]}

[3] O'zbekiston milliy axborot agentligi „“Ўзбекистон Қаҳрамони“ унвонини олган ўн олти нафар аёл (+сурат)“. UzA.uz. Qaraldi: 19-iyun 2022-yil.

[1]

[2]

[3]