Dilmurod Nazarov
Dilmurod Nazarov – Paxtakor va Oʻzbekiston terma jamoasining sobiq yarim himoyachisi.[1][2]
| Shaxsiy maʼlumot | |||
|---|---|---|---|
| Toʻliq ismi | Dilmurod Nazarov | ||
| Tavallud sanasi | 12-aprel 1976-yil | ||
| Tavallud joyi | Toshkent, Oʻzbekiston | ||
| Vafot sanasi |
10-oktyabr 2015-yil (39 yoshda) | ||
| Boʻyi | 1.70 m | ||
| Ampluasi | Yarim himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1992—1993 | Paxtakor Toshkent | 15 | (0) |
| 1993 | SKIF-Ordabasy | 1 | (0) |
| 1995—1998 | Paxtakor Toshkent | 115 | (45) |
| 1999 | Traktor Toshkent | 11 | (4) |
| 1999 | Sintez Shymkent | 5 | (2) |
| 2000 | Paxtakor Toshkent | 6 | (1) |
| 2001 | Surxon Termiz | 4 | (1) |
| 2001 | Taraz | 24 | (4) |
| 2002 | Qaysar | 28 | (6) |
| 2003 | Taraz | (10) | |
| 2004 | Yassi Sayram | 28 | (5) |
| 2005 | Qaysar | 28 | (6) |
| 2005 | Ordabasi | 12 | (2) |
| 2006 | Navbahor Namangan | 9 | (3) |
| Milliy terma jamoa | |||
| 1995—1997 | Oʻzbekiston | 10 | (0) |
| *Professional klublardagi gollari (ichki chempionat) | |||
Futbolchilik faoliyati
tahrirKlub faoliyati
tahrir„Paxtakor“ futbol maktabi va maktab-internat tarbiyalanuvchisi. Murabbiylari – Boris Serostanov, German Titov, Rauf Inileyev, Baxtiyor Saidov. U Toshkentning „Paxtakor“ jamoasi tarkibida mustaqil Oʻzbekiston chempionatining birinchi mavsumida asosiy jamoa tarkibida oʻynay boshlagan. 1992-yilda u 2 ta oʻyin oʻtkazgan va uning klubi oliy liga chempionligini qoʻlga kiritgan. 1994-yildan buyon „Paxtakor“ bazasida doimiy oʻyinchiga aylangan[3]. 1994-yil oktabr-noyabr oylarida Qozogʻistonda SKIF-Ordabasi jamoasida oʻynagan, chempionatda bitta oʻyin va kubokda bitta oʻyin oʻtkazgan, vataniga qaytib kelgan.
1995-yilda Oʻzbekiston chempionati toʻpurarlari orasida uchinchi oʻrinni egallagan (17 ta gol) va mamlakatning eng yaxshi futbolchisi uchun ovoz berishda ikkinchi boʻlgan. 1995-yildan boshlab ketma-ket 4 mavsumda 10 dan ortiq gol urgan[4]. „Paxtakor“ jamoasi bilan birgalikda Oʻzbekiston chempioni (1992, 1998) va mamlakat kubogi sohibi (1993, 1997) va finalchi (1996) boʻlgan. „Paxtakor“ klubining sobiq ustozi Hans Verèl uni 1990-yillarning ikkinchi yarmida Niderlandiya klubiga taklif qilmoqchi boʻlgan, biroq tomonlar narx borasida kelisha olmagan.
1999-yilda Oʻzbekistonda „Traktor“ (Toshkent), Qozogʻistonda „Sintez“ (Chimkent) jamoasida oʻynagan. 2000-yilda u „Paxtakor“ klubiga qaytdi, ammo jamoaning asosiy oʻyinchisiga aylana olmagan. 2001-yilning birinchi yarmida „Surxon“ (Termiz) jamoasida oʻynagan.
Dilmurod 2001-yil yozidan boshlab bir necha yil davomida Qozogʻistonda, mahalliy chempionatning oʻrta darajadagi jamoalari – Taraz, Qaysar (Qizil-Oʻrda), Yassi-Sayram (Turkiston), Ordabasi jamoalarida oʻynagan. 2003-yilda „Taraz“da oʻynab, 10 ta gol urib, chempionatning eng kuchli oʻnta snayperi qatoriga kirgan va 2003-yil 1-iyulda „Vostok“ klubiga qarshi oʻyinda xet-trik qilgan.
2005-yilning birinchi yarmida Dilmurod Qozogʻiston birinchi ligasida „Qaysar“ safida oʻynagan. Faoliyatini yakunlashidan avval soʻngi bir mavsumni Oʻzbekistonning „Navbahor“ klubida oʻtkazgan.
Umuman olganda, u faoliyati davomida Oʻzbekiston oliy ligasida 64 ta, Qozogʻiston oliy ligasida esa 29 ta gol urgan.
Dilmurod Oʻzbekiston yoshlar terma jamoasida oʻynagan, 1973—1974-yillarda tugʻilgan jamoaning eng yosh futbolchisi boʻlgan. 1990-yillar boshida Markaziy Osiyo yoshlar terma jamoalari oʻrtasidagi turnirda u 9 ta gol urib, ikkinchi toʻpurarga aylangan.
Terma jamoadagi faoliyati
tahrir1995—1997-yillarda Oʻzbekiston milliy terma jamoasi safida 10 ta oʻyin oʻtkazgan. Dilmurod 1995-yilning 21-oktyabrida Afro-Osiyo kubogi doirasida Nigeriyaga qarshi uy uchrashuvida debyut qilgan. 1996-yilgi Osiyo Kubogi final turnirida ishtirok etgan va 2 ta oʻyin oʻtkazgan.
Vafoti
tahrirYutuqlar
tahrirKlub
tahrir- Paxtakor
Oʻzbekiston ligasi (2): 1992, 1998- Oʻzbekiston kubogi (2): 1993, 1997
Individual
tahrir
Oʻzbekistonda yilning eng yaxshi futbolchisi 2-oʻrin: 1995-yil
Shaxsiy hayoti
tahrirAkasi Yorqin Nazarov (1974-yilda tugʻilgan) ham futbolchi va futbol murabbiyi.
Manbalar
tahrir- ↑ „Retro-4. Nazarovning boshlang'ich tarkibdagi so'nggi o'yini...“. 2023-yil 6-mayda asl nusxadan arxivlangan. Qaraldi: 2023-yil 6-may.
- ↑ „18 yoshida milliy terma jamoada debyut, “Vittes”dan tushgan taklif, “Paxtakor”dagi ajoyib o'yinlar – Dilmurod Nazarovni xotirlab“. 2023-yil 6-mayda asl nusxadan arxivlangan. Qaraldi: 2023-yil 6-may.
- ↑ PYeRVOMU ChYeMPIONSTVU „PAXTAKORA“ 25 LYeT
- ↑ „"Paxtakor"ning milliy chempionatlardagi eng yaxshi to'purarlari“. 2023-yil 6-mayda asl nusxadan arxivlangan. Qaraldi: 2023-yil 6-may.
- ↑ „Taziya. Dilmurod Nazarov vafot etdi“. 2023-yil 6-mayda asl nusxadan arxivlangan. Qaraldi: 2023-yil 6-may.
- ↑ „Dilmurod Nazarov faoliyatiga nazar“. 2023-yil 6-mayda asl nusxadan arxivlangan. Qaraldi: 2023-yil 6-may.
- ↑ Taʼziya. Dilmurod Nazarov vafot etdi
- ↑ „Dilmurod Nazarov xotira turniri bo'lib o'tadi“. 2023-yil 6-mayda asl nusxadan arxivlangan. Qaraldi: 2023-yil 6-may.