Vikipediya

Navbahor (futbol klubi)

"Navbahor" proffesionasl futbol klubi (eng: PFC Navbahor Namangan) — 1978-yilda Namangan shahrida asos solingan. Ilk nomi Tekstilshik edi.[1]

Navbahor Namangan
Toʻliq nomi Navbahor Namangan Football Club
Laqabi Lochinlar
Asos solingan 1978 (44 yil avval) (1978)
Stadion Markaziy Stadium
Namangan, Uzbekistan
Stadion hajmi 21,000 ortiq
Prezidenti Otabek Samatov
Murabbiyi  UZB Samvel Babayan
Vebsayt https://www.pfcnavbahor.uz/index.php/uz/
Musobaqasi Oʻzbekiston Superligasi
2022 2-oʻrin
Asosiy libosi
Ikkinchi libosi
Zaxira libosi
{{{amaldagi mavsum}}}

1980-yillarda Sobiq Ittifoq 2-ligasi Sharqiy Zonasida nomi bilan toʻp sura boshlagan. 1992-yildan esa Oʻzbekiston Oliy Ligasida Navbahor nomi ostida muntazam ishtirok eta boshladi. Jamoa Namangan shahridagi Navbahor Markaziy Stadionida toʻp suradi. Stadion oʻz bagʻriga 21 mingdan ortiq muxlis sigʻdira oladi.

Tarix Tahrirlash

SSSR Chempionatlarida Tahrirlash

„Navbahor“ futbol klubiga 1978-yilda asos solingan. Dastlabki yillarda — aniqrogʻi 1980-yillarda „Tekstilshik“ nomi bilan Sobiq Ittifoq chempionati 2-ligasi Sharqiy Zonasida toʻp sura boshlagan.  Jamoa oʻsha vaqtda „Tekstilshik“ nomi bilan sobiq ittifoq chempionati ikkinchi ligasining 5-mintaqasi bahslarida qatnashgan. 1980-yilga kelib „Tekstilshik“ nomi „Navbahor“ga oʻzgartirildi. Jamoa sobiq ittifoq chempionatlarida muvaffaqiyatli qatnashib, 1981-1982-yillarda ikkinchi liganing yettinchi mintaqasi jamoalari orasida faxrli uchinchi oʻrinni egalladi.

1984-1987-yillarda jamoa oʻz nomini „Avtomobilist“ga oʻzgartiradi. 1984 va 1986-yillarda namanganliklar „Paxtakor-79“ xotira turnirida gʻolib chiqishdi. „Navbahor“ aʼzolari oʻz mahoratlarini yil sayin oshirib, sobiq ittifoq 52-chempionatining ikkinchi liga beshinchi mintaqasida muvaffaqiyatli qatnashib, birinchi ligaga chiqish imkoniyatini beradigan „bufer“ mintaqa musobaqalarida ishtirok etish huquqini qoʻlga kiritishdi. Ikki mavsum „bufer“ mintaqada toʻp surgan „Navbahor“ 1990-yil yakuniga koʻra, birinchi liga yoʻllanmasiga ega boʻldi.

1987-yilning noyabr oyida „Navbahor“ Markaziy Osiyoda birinchi, sobiq ittifoqda Ukrainaning „Dnepr“ (Dnepropetrovsk) klubidan soʻng, ikkinchi boʻlib, xoʻjalik hisobidagi futbol klubi sifatida faoliyat yuritishni boshladi.

„Navbahor“ 1978-yildan 1991-yilga qadar sobiq ittifoq chempionati ikkinchi ligasining turli mintaqalarida qatnashib, 508ta uchrashuvda maydonga tushgan. Jamoa 245 ta oʻyinda gʻalaba qozonib, 100ta uchrashuvda durangga imzo chekkan boʻlsa, 163ta bahsda magʻlubiyatga uchragan. 702ta gol urib, oʻz darvozasidan 513ta toʻp oʻtkazib yuborgan.

1991-yili sobiq ittifoq chempionatining birinchi ligasida ishtirok etgan „Navbahor“ 42 ta oʻyinda 19 ta gʻalaba qayd etgan. Yettita bahsda durang kuzatilgan boʻlsa, 19ta uchrashuvda jamoa raqiblariga imkoniyatni boy bergan. Oʻsha yilgi chempionat yakunida „Navbahor“ 22ta jamoa orasida toʻqqizinchi oʻrinni egallagan.

Namanganliklar 1989-yildan 1991-yilgacha sobiq ittifoq kubogida ham 10ta oʻyin oʻtkazishgan. Jamoa oltita uchrashuvda zafar quchib, toʻrtta oʻyinda magʻlubiyatga uchragan. Mazkur uchrashuvlar davomida raqiblar darvozasiga 24ta gol urilgan. „Navbahor“ oʻz darvozasidan 12ta toʻp olib chiqqan. Jamoaning kubok bahslaridagi eng yirik gʻalabasi 1991-yili kuzatilgan. Oʻsha yili „Navbahor“ oʻz maydonida 1/32 final doirasida Chimkentning „Meliorator“ jamoasini 14:0 hisobida magʻlubiyatga uchratib, keyingi bosqich yoʻllanmasini qoʻlga kiritgandi.

Oʻzbekiston Chempionatlarida Tahrirlash

1992-yilda klub nomi „Navbahor“ deb oʻzgartirildi. SSSR parchalanib, Oʻzbekiston mustaqillikka erishgach (1991 -yil 2-yarmida), 1992-yilgi mavsumdan boshlab Oʻzbekiston milliy chempionatida oʻynay boshladi.

Oʻzbekiston chempionati tarixida 1-oʻrinni egallagan „Navbahor“ yana 16 ta jamoa bilan birga Oliy ligadan joy oldi. Debyut mavsumi yakuniga koʻra 5-oʻrinni egalladi va Oʻzbekiston kubogining 1-gʻolibiga aylandi.

Keyingi mavsumlarda ketma-ket uch marta (1993, 1994 va 1995) „Navbahor“ Oliy liga bronza medali sohibi, 1993-yilda Kubok finalchisi, 1995-yilda esa 2-marta Oʻzbekiston kubogini qoʻlga kiritdi.

1996-yilgi mavsumda klub 1-marta Oʻzbekiston chempioni boʻldi[2][3][4]. Keyingi 3-yil davomida u yana bronza medali sohibi boʻldi va 1998-yilda oʻz tarixida 3-marta va hozircha oxirgi marta Oʻzbekiston kubogini qoʻlga kiritdi.[5]

1999-yilda „Navbahor“  Oʻzbekiston Superkubogining 1-gʻolibi boʻldi. 2000-2002-yilgi mavsumlarda sovrinlarsiz klub qoldi, ammo 2003 va 2004-yillarda ketma-ket ikki marta bronza medalini qoʻlga kiritgan.[6][7][8]

2005-yildan beri jamoa natijalarida malum darajada pasayish kuzatilib, namanganliklar chempionatning „oʻrta jamoasi“ deb ataladigan[9] jamoalaridan biriga aylandi.[10]

Keyingi mavsumlarda klubning eng yuqori yutugʻi 2017-yilgi mavsumdagi 5-oʻrin boʻldi.[11] Ammo 2018-yilda (14-yildan soʻng) „Navbahor“ yana 9-marta Oʻzbekiston Superligasining bronza medallarini qoʻlga kiritib, Oʻzbekiston chempionati sovrindorlari qatoridan joy oldi.[12] 2022-yil yakunlariga koʻra jamoa klub 24 yildan soʻng ilk bor Oʻzbekiston Kubogi finalida toʻp surdi,[13] ammo, Nasaf jamoasiga magʻlub boʻlib ikkinchi oʻrinni egalladi. Oʻzbekiston Superligasida esa klub oʻz tarixida ilk bor kumush medallarini qoʻlga kiritdi.[14][15]

Xalqaro Musobaqalar Tahrirlash

„Navbahor“ uch marta Osiyoning klublar oʻrtasidagi musobaqalarida ishtirok etgan. 1996/1997-yilgi mavsumda Oʻzbekiston kubogining amaldagi sohibi sifatida OFK klublar oʻrtasidagi ikkinchi nufuzli turnir — Osiyo kubogi egalari kubogida ishtirok etib, ikkinchi saralash bosqichida toʻxtagan edi.

1997/1998-yilgi mavsumda Namangan klubi Osiyo Chempionlar Kubogida (hozirgi OCHL deb ataladi) Oʻzbekistonning amaldagi chempioni sifatida ishtirok etib, guruhdan chiqa olmadi.

„Navbahor“ oʻz tarixida uchinchi va hozircha oxirgi marta 1999/2000-yilgi mavsumda Osiyo klublar musobaqasida qatnashgan. 1998-yilgi Oʻzbekiston Kubogining amaldagi sohibi sifatida Osiyo Kubogi egalari kubogida ishtirok etgan va yarim finalga qadar yetib borgan.

Klub afsonalari Tahrirlash

Jamoaning afsonaviy murabbiylaridan biri Viktor Jalilovdir. Viktor Jalilovning jamoa muvaffaqiyatidagi oʻrni beqiyos. Aynan u boshchiligida klub oʻz tarixida hozircha yagona boʻlib turgan chempionlikka erishgan. Murabbiy shuningdek, Oʻzbekiston Kubogida ham jamoa bilan gʻalabalarga erishgan.

Shuningdek, Mustafo Bayramov, Farhod Magomedov, Dmitriy Bashkevich, Eduard Mamotov, Gennadiy Denisov, Rustam Zabirov, Oleg Shatskix, Saydullo Tursunov, Tohir Madrahimov, Shuhrat Mirxoldorshoyev, Xayrullo Karimov singari jamoada toʻp surgan tajribali futbolchilarning ham jamoa tarixida oʻz oʻrni bor.[16]

Sobiq ittifoq davrida „Navbahor“ Valixon Zunnunov, Viktor Orlov, Pyotr Boldirev, Sergey Dotsenko, Pavel Kim, Dmitriy Korneyev, Gennadiy Nedelkin, Valeriy Gladilin va Igor Volchok kabi taniqli murabbiylar boshqarishgan.

Jamoa nomlari tarixi Tahrirlash

  • 1978-80: Tekstilshchik
  • 1980-83: Navbahor
  • 1983-87: Avtomobilchi
  • 1988-yil — Navbahor

Klub ramzlari Tahrirlash

2018-yilgi mavsum oldidan jamoada bir qator oʻzgarishlar boʻldi, bulardan biri jamoaga yangi logo tanlandi.[17]

  •  

    "Navbahor" jamoasini sobiq logosi

  •  

    Klubning hozirgi logosi

  •  

Stadion Tahrirlash

Klublar uyi 22 000 tomoshabinga moʻljallangan „Navbahor Markaziy“ stadionidir. 1989-yilda qurilgan stadion sigʻimiga koʻra (toʻliq qayta taʼmirdan avval 33000 muxlis sigʻar edi) mamlakatdagi eng katta futbol stadionlaridan biri boʻlgan. 2011-yilda klub stadionni rekonstruksiya qilish niyatida ekanligini eʼlon qildi va u uzoq vaqt davom etgan rekonstruksiya ishlari uchun yopildi. Qayta tiklash ishlari 2014-yil bahorida yakunlandi. 2014-yilning 29-may kuni „Barkamol avlod-2014“ sport oʻyinlarining tantanali ochilish marosimi bilan yangi taʼmirlangan stadionning tantanali ochilish marosimi boʻlib oʻtdi. Yangi joyning sigʻimi 22 000 kishi.

2012-14-yilgi mavsumlarda klub uy uchrashuvlarini Kosonsoy stadionida oʻtkazdi. Taʼmirlangan stadiondagi ilk rasmiy oʻyin 2014-yil 14-iyun kuni Liga doirasidagi „Navbahor“ — „Olmaliq“ uchrashuv boʻldi. Uchrashuvda mezbonlar 3:1 hisobida gʻalabaga erishadilar.

Yutuqlar Tahrirlash

1996
1992, 1995, 1998
1999

Mahalliy Tahrirlash

Mavsum Liga Oʻzbekiston Kubogi Eng yaxshi toʻpurar
Div. Pos. Pl. W D L GS GA P Ism Liga
1992 1st 5th 32 18 8 6 54 21 44 Chempion Rustam Zabirov 15
1993 1st 3rd 30 18 7 5 64 32 43 Finalchi Farid Xabibulin 13
1994 1st 3rd 30 17 6 7 58 26 40 Semifinal
1995 1st 3rd 30 23 3 4 69 23 72 Chempion
1996 1st 1st 30 23 5 2 88 23 74 Quarterfinal Oleg Shatskix 23
1997 1st 3rd 34 21 5 8 84 37 68 Semifinal
1998 1st 3rd 30 18 5 7 60 33 59 Chempion
1999 1st 3rd 30 18 7 5 55 34 61 N/A
2000[18] 1st 5th 38 19 8 11 92 56 65 Quarterfinal
2001[19] 1st 4th 34 20 1 13 79 52 61 Last 16 Shuhrat Mirxoldorshoyev 23
2002 1st 6th 30 14 4 12 53 39 46 Last 32
2003 1st 3rd 30 19 6 5 66 28 63 Semifinal Shuhrat Mirxoldorshoyev 26
2004 1st 3rd 26 218 3 5 66 23 57 Last 32 Shuhrat Mirxoldorshoyev 31
2005[20] 1st 6th 26 12 3 11 31 31 39 Semifinal Shuhrat Mirxoldorshoyev 20
2006 1st 7th 30 13 5 12 46 35 44 Last 16 Arif Mirzoýew 18
2007[21] 1st 8th 30 11 4 15 37 41 37 Last 16 Vladimir Baranov 12
2008[22] 1st 13th 30 7 11 12 28 39 32 Last 16 Shuhrat Mirxoldorshoyev 13
2009[23] 1st 14th 30 7 7 16 21 48 28 Last 16
2010[24] 1st 9th 26 9 4 13 32 32 31 Last 16 Shuhrat Mirxoldorshoyev 11
2011 1st 6th 26 9 9 8 26 21 36 Last 16 Roʻzimboy Ahmedov 5
2012 1st 12th 26 6 8 12 19 34 26 Last 16 Sobir Hamidov 5
2013 1st 11th 26 7 6 13 29 48 27 Last 16 Roʻzimboy Ahmedov 11
2014[25] 1st 7th 26 9 3 14 38 40 30 Quarterfinal Shahboz Erkinov 14
2015 1st 8th 30 11 4 15 40 51 37 Last 16 Shahboz Erkinov 13
2016 1st 15th 30 6 5 19 37 66 23 Last 16 Akrom Bakhriddinov

Dilshod Jabborov

7
2017 1st 5th 30 12 10 8 40 37 46 Last 16 Azizbek Turgunboev 8
2018 1st 3rd 20 9 4 7 20 18 31 Last 32 Azizbek Turgunboev 7
2019 1st 8th 26 7 11 8 26 23 32 Quartfinal Azamat Allaniyazov 4
2020 1st 8th 26 8 11 7 24 21 35 Quartfinal Azizbek Turgunboev 8
2021 1st 6th 26 10 9 7 23 19 39 Round of 16 Azimjon Ahmedov 3
2022 1st 2 26 15 8 3 33 15 54 Finalchi Zoran Marushich 12

OFK musobaqalaridagi ishtiroki Tahrirlash

Osiyo Chempionlar ligasi: Guruh bosqichi
1996/97: 2-Bosqich
1999/00: 4-oʻrin

Xalqaro Musobaqalarda natijalar Tahrirlash

Soʻnggi Oʻyin 2000-yil 15-aprelda boʻlib oʻtgan.[26]

Musobaqa Oʻ Gʻ D M UG OʻG O
Osiyo Chempionlar ligasi 8 3 3 2 15 9 12
Osiyo kubogi egalari kubogi 10 4 1 5 18 23 13
Umumiy 18 7 4 7 33 32 25
Mavsum Musobaqa Bosqich Klub Uy Safar Umumiy

hisob

1996-97 Osiyo kubogi egalari kubogi Birinchi bosqich   Al-Quwa Al-Jawiya 1-4 5-2 6-6
Ikkinchi bosqich   Esteghlal 1-4 3-0 4-4
1997-98 Osiyo Chempionlar ligasi Birinchi bosqich - Bye
Saralash bosqichi   Dynamo Dushanbe 3-0 1-2 4-2
Ikkinchi bosqich   Nisa Aşgabat 6-1 2-2 8-3
Chorak final — Gʻarbiy osiyo

Guruh bosqichi

  Al Ansar 0-0 3rd
  Al Hilal 1-3
  Persepolis 1-1
1999-2000 Osiyo kubogi egalari kubogi Birinchi bosqich - Bye
Ikkinchi bosqich   Kaisar-Hurricane 2-2 1-0 3-2
Chorak final   Al-Ahli 1-6 2-0 3-6
Yarim final   Al-Zawraa 1-2
3-oʻrin uchun   Bangkok Bank 1-3

Raqobat Tahrirlash

Muxlislar Tahrirlash

„Navbahor“da juda katta tarafdorlar va muxlislar armiyasi bor. Namangan klubining deyarli har bir uy uchrashuvida stadion toʻlib-toshgan.[27]

Raqobat Tahrirlash

„Navbahor“ning asosiy raqiblari Fargʻonaning „Neftchi“ va Toshkentning „Paxtakor“ jamoalaridir[28]. Bu klublar har qanday davrda oʻzaro raqobati yuqori darajada oʻtgan. Bundan tashqari Vodiyning yana bir jamoasi Andijonning „Andijon“ klubiga qarshi oʻziga xos derbi ham tarixga kirgan.

Jamoa tarkibi Tahrirlash

Eslatma: bayroqlar FIFA muvofiqlik qoidalariga koʻra belgilangan milliy terma jamoani koʻrsatadi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.

23rd August 2023[29]
№ Amplua Futbolchi
1   UZB DR Oʻtkir Yusupov
5   MNE HM Miloš Milović
8   UZB HJ Jasurbek Yaxshiboyev
6   UZB HM Ibrohim Yoʻldoshev (futbolchi)
7   UZB YH Azim Ahmedov
14   UZB YH Jamshid Boltaboyev
31   SRB HM Luka Čermelj
10   UZB YH Jamshid Iskanderov
7   UZB YH Oston Oʻrunov
46   UZB DR Xurshid Xoʻdjayev
17   UZB YH Abror Ismoilov
№ Amplua Futbolchi
12   UZB DR Ignatiy Nesterov
13   SRB HM Filip Ivanović
22   UZB HM Igor Golban
77   UZB HJ Asadbek Sobirjonov
24   UZB HM Davron Hoshimov
21   UZB HJ Temurxoʻja Abduxoliqov
27   UZB HM Shaxboz Joʻrabekov
19   UZB Asadbek Joʻraboyev
23   SRB YH Jovan Đokić
91   GEO HJ Toma Tabatadze
  UZB YH Doniyor Abdumannopov

Klub hodimlari Tahrirlash

Murabbiylar shtabi Tahrirlash

„Navbahor“ U-21 yoshlar tarkibi murabbiyi Alisher Mahmudov.

„Navbahor- Women“ ayollar futbol jamoasi bosh murabbiyi Karima Yuldasheva.

"Navbahor' futzal jamoasi bosh murabbiyi Xurshid Tojiboyev.

Bosh murabbiylari tarxi Tahrirlash

Mashxur futbolchilar Tahrirlash

SSSR/Oʻzbekiston Tahrirlash

Sobiq SSSR davlatlari
Yevropa
Janubiy Amerika


Afrika


Osiyo


Yana qarang Tahrirlash

Manbalar Tahrirlash

  1. ↑ „Bir klub tarixi: "Samodagi lochinlar"“. 29-aprel 2023-yilda asl nusxadan arxivlandi. Qaraldi: 29-aprel 2023-yil.
  2. ↑ „"Navbahor-96"ni eslab. Oliy liga tarixida eng ko'p gol urilgan o'yin“. 25-iyun 2023-yilda asl nusxadan arxivlandi. Qaraldi: 25-iyun 2023-yil.
  3. ↑ „Тарихий кадрлар. 1996 йилги "Навбаҳор"нинг чемпионлик ўйини“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  4. ↑ „ВИДЕО. "Навбаҳор" чемпионлигига 20 йил тўлд“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  5. ↑ „“Navbahor” 1996 yil chempionlikni qo'lga kiritganda tarkibda kimlar bo'lgan?“. 5-may 2023-yilda asl nusxadan arxivlandi. Qaraldi: 5-may 2023-yil.
  6. ↑ „Фото архив: Тарихдаги "Навбаҳор"“. 4-may 2023-yilda asl nusxadan arxivlandi. Qaraldi: 4-may 2023-yil.
  7. ↑ „АРХИВ. 2010 йилги "Навбаҳор" - "Бунёдкор" учрашувида 28 мингдан зиёд томошабин“. 4-may 2023-yilda asl nusxadan arxivlandi. Qaraldi: 4-may 2023-yil.
  8. ↑ „ВИДЕО АРХИВ. "Навбаҳор" - "Бунёдкор" учрашувида 28 минг томошабин“. 4-may 2023-yilda asl nusxadan arxivlandi. Qaraldi: 4-may 2023-yil.
  9. ↑ „"Навбаҳор" олий лигада қолди“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  10. ↑ „Олий лига. "Навбаҳор" 25 йилда иккичи бор ўз уйида бир ўйинда бешта гол ўтказди“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  11. ↑ „"Навбаҳор" охирги 13 йилдаги энг юқори ўринни банд этди“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  12. ↑ „"Навбаҳор" - 9 карра бронза медали соҳиби!“ (16 ноя 2018). 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  13. ↑ „"Насаф" Ўзбекистон Coca Cola кубоги соҳибига айланди ва келаси мавсум ОЧЛда иштирок этиш ҳуқуқини қўлга киритди!“. 31-oktyabr 2022-yilda asl nusxadan arxivlandi. Qaraldi: 11-dekabr 2022-yil.
  14. ↑ „"Навбаҳор"га кумуш медалларни тақдим қилган учрашувдан галерея“. 11-dekabr 2022-yilda asl nusxadan arxivlandi. Qaraldi: 11-dekabr 2022-yil.
  15. ↑ „"Навбаҳор"дан тарихий натижа“. 11-dekabr 2022-yilda asl nusxadan arxivlandi. Qaraldi: 11-dekabr 2022-yil.
  16. ↑ „Ўқувчиларимиз "Навбаҳор" тарихидаги энг яхши футболчини аниқлашди“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  17. ↑ „"Навбаҳор"нинг янги логотипини кўрдингизми? ФОТО“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  18. ↑ „"Ретро сурат". "Навбаҳор-2000"“. 6-may 2023-yilda asl nusxadan arxivlandi. Qaraldi: 6-may 2023-yil.
  19. ↑ „"Ретро сурат". "Навбаҳор-2001"“. 6-may 2023-yilda asl nusxadan arxivlandi. Qaraldi: 6-may 2023-yil.
  20. ↑ „"Ретро сурат". "Навбаҳор-2005"“. 6-may 2023-yilda asl nusxadan arxivlandi. Qaraldi: 6-may 2023-yil.
  21. ↑ „Архив. "Навбаҳор-2007"дан кимларни танидингиз?“. 4-may 2023-yilda asl nusxadan arxivlandi. Qaraldi: 4-may 2023-yil.
  22. ↑ „"Ретро сурат". "Навбаҳор-2008"“. 6-may 2023-yilda asl nusxadan arxivlandi. Qaraldi: 6-may 2023-yil.
  23. ↑ „"Ретро сурат". "Навбаҳор-2009"“. 6-may 2023-yilda asl nusxadan arxivlandi. Qaraldi: 6-may 2023-yil.
  24. ↑ „"Ретро сурат". "Навбаҳор-2010"“. 6-may 2023-yilda asl nusxadan arxivlandi. Qaraldi: 6-may 2023-yil.
  25. ↑ „"Ретро сурат". "Навбаҳор-2014"“. 6-may 2023-yilda asl nusxadan arxivlandi. Qaraldi: 6-may 2023-yil.
  26. ↑ „"Навбаҳор" келаси мавсум ОЧЛда ўйнайди“. 11-dekabr 2022-yilda asl nusxadan arxivlandi. Qaraldi: 11-dekabr 2022-yil.
  27. ↑ „АРХИВ. 2010 йилги "Навбаҳор" - "Бунёдкор" учрашувида 28 мингдан зиёд томошабин“ (13 май 2020). 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  28. ↑ „"Навбаҳор" ва "Пахтакор" жамоалари ўртасида қайд этилган энг йирик ҳисоб эсингиздами? (превью)“ (8 август, 21:10). 10-avgust 2023-yilda asl nusxadan arxivlandi. Qaraldi: 10-avgust 2023-yil.
  29. ↑ „Navbahor“. pfl.uz. 20-aprel 2021-yilda asl nusxadan arxivlandi. Qaraldi: 1-aprel 2021-yil.
  30. ↑ „Наманганнинг янги ҳокими "Навбаҳор" жамоаси президентини ва бош мураббий Бахтиёр Ашурматовни ишдан бўшатди“ (30-dekabr 2015-yil). 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  31. ↑ „Расман: Андрей Канчельскис - "Навбаҳор" бош мураббийи ФОТО“. 8-sentyabr 2022-yilda asl nusxadan arxivlandi. Qaraldi: 8-sentyabr 2022-yil.
  32. ↑ „Breaking: "Навбаҳор" устози Андрей Канчельскис ўз лавозимини тарк этди“. 22-iyun 2019-yilda asl nusxadan arxivlandi.
  33. ↑ „ФОТО. "Навбаҳор" Деян Журжевични таништирди“. 24-iyun 2019-yilda asl nusxadan arxivlandi.
  34. ↑ „"Навбаҳор" вице-президенти Журжевичга бўшаш тўғрисида ариза ёзиши кераклигини айтди“. 9-sentyabr 2019-yilda asl nusxadan arxivlandi.
  35. ↑ „"Навбаҳор" Канчельскис билан 3 йиллик шартнома имзолади“. 28-avgust 2019-yilda asl nusxadan arxivlandi.
  36. ↑ „Эшитдик-да! Канчельскис "Навбаҳор" билан шартномани бекор қилди ва ФИФАга мурожаат қилмоқчи“. 8-oktyabr 2020-yilda asl nusxadan arxivlandi.
  37. ↑ „Самвел Бабаян - "Навбаҳор" бош мураббийи!“. 14-dekabr 2020-yilda asl nusxadan arxivlandi.

Havolalar Tahrirlash 


"https://uz.wikipedia.org/w/index.php?title=Navbahor_(futbol_klubi)&oldid=3883538" dan olindi