Elshan Gambarov
Elshan (Elhom) Gambarov (ozarbayjoncha: Elşən Qəmbərov; 1973-yil 30-oktyabrda tugʻilgan) – ozarbayjonlik sobiq professional futbolchi, maydonda yarim himoyachi ampulasida harakat qilgan. Ozarbayjon terma jamoasida oʻynagan. Dogʻiston pedagogika institutini tamomlagan[1].
 | |||
| Shaxsiy maʼlumot | |||
|---|---|---|---|
| Tavallud sanasi | 30-oktyabr 1972-yil | ||
| Tavallud joyi | Boku, Ozarbayjon SSR | ||
| Boʻyi | 1.74 m (5 ft 9 in) | ||
| Ampluasi | Yarim himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1990—1991 | Dinamo Boku | 55 | (3) |
| 1992 | Tarragi | 20 | (4) |
| 1992 | Nefcthi Boku | 12 | (2) |
| 1993 | Anji Mahachqalʼa | 21 | (4) |
| 1994 | Dinamo (Mahachqalʼa) | 15 | (5) |
| 1995—1996 | Turan Tovuz | 40 | (6) |
| 1996—1997 | Baku Fekhlesi | 18 | (0) |
| 1997 | Bakılı PFK | 10 | (2) |
| 1998 | Navbahor Namangan | 15 | (7) |
| 1999 | PFC Neftchi | 7 | (0) |
| 2000—2002 | Samarqand-Dinamo | 57 | (8) |
| 2002 | Navbahor Namangan | 11 | (0) |
| 2002 | Esil Bogatyr | 10 | (0) |
| 2003 | Mashʼal Muborak | 4 | (0) |
| 2003—2004 | PFC Neftchi | 31 | (0) |
| 2005 | Kapaz PFK | 12 | (1) |
| 2006 | Olimpik Baku | 7 | (0) |
| 2007 | Shoʻrtan | 10 | (1) |
| 2007—2008 | Simurgʻ | 9 | (1) |
| 2008 | Dinamo-Samarqand | 10 | (0) |
| 2009 | Boku | 8 | (0) |
| Milliy terma jamoa | |||
| 1994—2004 | Ozarbayjon | 12 | (0) |
| *Professional klublardagi gollari (ichki chempionat) | |||
Biografiya
tahrirElshan 1990-yilda 2-liga MTsOP-Termist (Boku) klubida professional futbolchilik faoliyatini boshlagan. 1992-yilgi mavsum Tarragi jamoasi safida futbol boʻyicha Ozarbayjon chempionatida oʻynagan. Mavsum ikkinchi yarmida Bokuning Neftchi klubiga taklif qilingan va Neftchi klubi safida 12 ta oʻyin oʻtkazgan.
1993-yilda Rossiyaga koʻchib oʻtgan, „Anji“ va „Dinamo“ (Mahachqalʼa) klublarida oʻynagan. 1994-yilda Ozarbayjonga qaytib kelgan, „Turan“, „Baki Fehlesi“, „Bakili“ klublarida oʻynagan.
1998-yilgi mavsum avvalida Oʻzbekistonga koʻchib oʻtgan va Namanganning „Navbahor“ klubi bilan shartnoma imzolagan. Elshan Namangan jamoasi tarkibida juda muvaffaqiyatli oʻynaganiga qaramay (15 oʻyinda 7 ta gol urgan) 1999-yil Bokuning Neftchi klubi tarkibiga qaytgan.
2000-yilgi mavsumda yana Oʻzbekiston chempionati jamoalarida oʻynay boshlagan. Dastlab bir yarim mavsum davomida Samarqandning Dinamo jamoasi tarkibida oʻynagan boʻlsa, 2002-yilgi mavsum ikkinchi davrasida „Navbahor“ klubida oʻynagan. 2001-yilgi mavsum avvalida Rossiyaning „Torpedo-ZIL“ klubi jamoasida koʻrikdan oʻtgan, ammo yakunda futbolchi Oʻzbekistonga qaytgan[2].
2002-yilning ikkinchi yarmida Qozogʻistonga koʻchib oʻtdi va „Esil-Bogatyr“ klubi bilan shartnoma imzolagan.
2003-yilda u Oʻzbekiston Superligasi ishtirokchisi, Muborakning „Mashʼal“ klubi tarkibida 4 ta oʻyinda ishtirok etgan va shundan soʻng yana Neftchi klubi tarkibiga qaytgan. Gambarov klubda ikki mavsum davomida oʻynagan. 2005-yilda ustozi Agasalim Mirjavadovning ikkinchi boʻlimda zahiradan maydonga tushirish qaroriga rozi emasligini bildirib, jahl bilan „Neftchi“ futbolkasini yirtib, chetga uloqtirgan. Shundan soʻng „Neftchi“ klubi safida boshqa oʻyin oʻtkazmagan[3].
2005-yilda Kapazga (Ganja) klubi bilan shartnoma imzolagan, ammo 2005/06-yilgi qishki mavsumda u Olimpiya (Boku) jamoasi bilan shartnoma imzolagan. 2007-yilda yana Oʻzbekiston Superligasi ishtirokchi jamoasi tarkibiga oʻtgan va Gʻuzorning Shoʻrtan klubi tarkibida oʻynagan. 2007-yilning iyul oyida „Simurg“ jamoasi bilan olti oylik shartnoma imzolagan. 2008-yil boshida oilaviy sabablarga Oʻzbekistonga qaytgan va Dinamo (Samarqand) klubi tarkibida oʻynagan[4].
2008-yil oʻrtalarida Ozarbayjonga qaytib kelgan va „Boku“ klubida oʻynagan.
2009-yildan beri u Nyu-Yorkda istiqomat qiladi va u yerda faoliyat yurituvchi „Chernomorets“ futbol klubi bosh murabbiyi hisoblanadi. Shu bilan birga, Gambarov bolalar futboli bilan shugʻullanadi va AQShda faxriylar oʻrtasida tashkil etilgan turli turnirlarda ishtirok etadi[5][6].
1998-yildan 2001-yilgacha Ozarbayjon terma jamoasida oʻynagan, Yevropa chempionati saralash oʻyinlarida ishtirok etgan. U terma jamoa safida jami 12 ta oʻyin oʻtkazgan.
Yutuqlar
tahrir- 3 karra Ozarbayjon chempioni (1992, 2003/04, 2004/05), Ozarbayjon chempionatining bronza medali sovrindori (1998/99) (Neftchi bilan).
- 2 karra Ozarbayjon kubogi sohibi: 1998/99[7], 2003/04 (Neftchi bilan)
- Oʻzbekiston kubogi sohibi: 1998-yil (Navbahor bilan)
- Oʻzbekiston chempionati bronza medali sovrindori: 1998-yil (Navbahor bilan)
- Hamdoʻstlik kubogi kumush medali sohibi: 2005-yil (Neftchi bilan)
- 2000-yilgi Oʻzbekiston kubogi[8] finalchisi (Samarqandning „Dinamo“ jamoasi bilan)
Eslatmalar
tahrir- ↑ Elshan Gambarov: V Maxachkale ne nujno zabivat pro detskiy futbol[sayt ishlamaydi]Andoza:Недоступная ссылка
- ↑ Reshayuщiy gol zilovsi propustili uje na 15-y sekunde
- ↑ Uvolen za neuvajenie k simvolike kluba[sayt ishlamaydi]Andoza:Недоступная ссылка
- ↑ Elshan Gambarov: „V Gyandje menya lyubyat“Andoza:Недоступная ссылка
- ↑ Sbornaya Azerbaydjana stala 1-y v SShA[sayt ishlamaydi]Andoza:Недоступная ссылка
- ↑ Elshan Gambarov poluchil priglashenie ot „Chelsi“[sayt ishlamaydi]Andoza:Недоступная ссылка
- ↑ „Кубок Азербайджана 1998/99“. 2016-yil 4-martda asl nusxadan arxivlangan. Qaraldi: 2012-yil 31-may.
- ↑ Kubok Uzbekistana 2000
Havolalar
tahrir- Elshan Gambarov National-Football-Teams.com saytida