Ilhom Sharipov

Ilhom Sharipov
Shaxsiy maʼlumot
Toʻliq ismi	Ilhom Xalimovich Sharipov
Tavallud sanasi	24-fevral 1968-yil (56 yosh)
Tavallud joyi	Namangan, Oʻzbekiston SSR
Boʻyi	175 sm
Ampluasi	Yarimhimoyachi
Mukofotlari
Professional faoliyati*
Yillar	Jamoa
1986—1989	Dinamo (Samarqand)
1987	→ Paxtakor
1989	→ SKA-RShVSM (Angren)
1990—1995	Paxtakor
1995—1999	Navbahor
1999—2000	Samarqand
2001	Doʻstlik
2002	Esil-Bogatyr
2002—2004	Samarqand-Dinamo
Milliy terma jamoa
1992—2001	Oʻzbekiston
Boshqargan klublari
2006-2011	Paxtakor
2016	Dinamo (Samarqandi)
2017	Dinamo (Samarqandi) murabbiyi
2018—2020	Dinamo (Samarqandi) bosh menejer
–	Dinamo (Samarqand)
	*Professional klublardagi gollari (ichki chempionat)

Ilhom Xalimovich Sharipov (oʻzbekcha: Илҳом Халимович Шарипов; 1968-yil 24-fevral) — sovet va oʻzbek futbolchisi, yarim himoyachi. Hozirda murabbiy.

Tarjimai holi

Dastlab oʻz faoliyatini 1986-yilda Samarqandning „Dinamo“ jamoasida boshlagan. 1987-yilning oʻrtalarida Toshkentning „Paxtakor“ jamoasiga taklif qilingan, biroq oradan maʼlum vaqt oʻtib „Dinamo“ga qaytib, 1989-yilgacha „Dinamo“da faoliyatini davom ettirgan.

1990-yilda yana „Paxtakor“ jamoasiga oʻtadi, klubda 1995-yilgacha faoliyat yuritadi. U maydon markazida Xoren Ovannisyan, Mirjalol Qosimov va Andrey Pyatnitskiy bilan muvaffaqiyatli oʻyin namoyeish etib muhlislar olqishiga sazovor boʻlgan. 1991-yilda „Paxtakor“ tarkibida toʻp surgan vaqtida SSSR chempionati oliy ligasida oʻynagan. Jamoa oʻsha davrda yuqori yaxshi natijalarni qayd etgan. SSSR parchalanganidan soʻng, Paxtakor Oʻzbekiston chempioni va kubogi sohibi boʻldi. Keyin esa, Sharipov navbatdagi guruh almashinuvini amalga oshirib „Navbahor“ klubiga oʻtdi. Namangan klubi tarkibida ham yaxshi natijalarni qayd etdi, uning jamoasi ikkinchi bor Oʻzbekiston chempioni boʻldi.

Osiyo oʻyinlari

Oʻz faoliyati davomida u terma jamoa tarkibida ham toʻp surdi. Oʻzbekiston Milliy terma jamoasi 1994-yili Yaponiyada boʻlib oʻtgan Osiyo oʻyinlarida munosib natijani qayd etdi. Oʻzbekiston terma jamoasi Oltin medalni qoʻlga kiritib Osiyo oʻyinlari chempioni boʻldi. 2006-yil noyabr oyida Sharipovning futbolda xayrlashuv uchrashuvi boʻlib oʻtdi^[1]. U oʻyinchi sifatida faoliyatini yakunlagan boʻlsada, lekin futbolni tarak etmadi. „Paxtakor“ klubi tarkibida murabbiy boʻlib faoliyatini davom ettirdi^[2].

Davlat mukofotlari va unvonlari

Uning sport soxasiga aynan futbolni rivojlantirish va targʻib etishda qoʻshgan hissasi hukumat tomonida yuksak baholanib, 1994-yil 5-noyabrda Oʻzbekiston Respublikasi Prezidentining Farmoniga binoan — Respublikada jismoniy tarbiya va sportni rivojlantirishdagi xizmatlari, Xirosimada oʻtkazilgan XII Osiyo oʻyinlarida muvaffaqiyatli ishtirok etganliklari uchun Oʻzbekiston terma jamoasi va murabbiylari „Shuhrat“ medali bilan taqdirlangan^[3].

Yutuqlari

Oʻyinchi sifatida

Oʻzbekiston chempioni (3): 1992, 1996, 2001
Oʻzbekiston chempionati kumush medali sovrindori (1): 1993-yil
Oʻzbekiston chempionati bronza medali sovrindori (1): 1997-yil
Oʻzbekiston kubogi sohibi (1): 1993-yil
Oʻzbekiston Superkubogi sohibi (1): 1997-yil
Osiyo oʻyinlari chempioni (1): 1994-yil

Manbalar

↑ „Состоялся прощальный матч чемпиона Азиатских игр 1994 года по футболу Ильхома Шарипова“. 2013-yil 19-oktyabrda asl nusxadan arxivlangan. Qaraldi: 19-oktabr 2013-yil.
↑ „Paxtakor“ otpravilsya na predsezonniy sbor v Tursiyu
↑ „О награждении группы спортсменов и тренеров республики“. 2017-yil 7-noyabrda asl nusxadan arxivlangan. Qaraldi: 27-iyul 2015-yil.

Havolalar

Ilhom Sharipov National-Football-Teams.com saytida
Ilkhom Sharipov at WorldFootball.net

[1] „Состоялся прощальный матч чемпиона Азиатских игр 1994 года по футболу Ильхома Шарипова“. 2013-yil 19-oktyabrda asl nusxadan arxivlangan. Qaraldi: 19-oktabr 2013-yil.

[2] „Paxtakor“ otpravilsya na predsezonniy sbor v Tursiyu

[3] „О награждении группы спортсменов и тренеров республики“. 2017-yil 7-noyabrda asl nusxadan arxivlangan. Qaraldi: 27-iyul 2015-yil.

[1]

[2]

[3]