Vikipediya

Florida Atlantic universiteti

Florida Atlantic universiteti (FAU) Florida shtatining Boca Raton shahrida joylashgan davlat tadqiqot universiteti hisoblanadi.Unversitetning Florida shtatining Boca Raton shahridagi asosiy kampusi va Dania Beach, Davie, Fort Lauderdale, Jupiter va Fort Pierce shaharlarida kampuslari mavjud[1]. FAU Florida shtatining 12 kampusli shtat universiteti tizimiga kiradi. Florida Atlantic universiteti 1961-yilda Florida shtatidagi beshinchi davlat universiteti sifatida tashkil etilgan.Tez orada FAU shtatdagi eng yirik institutlardan biriga aylandi[2]. Florida Atlantic universiteti „R2: Doktorantura universitetlari — Yuqori tadqiqot faoliyati“ dasturiga kiradi[3]. Florida Atlantic universiteti oʻzining 10 ta kollejida 180 dan ortiq bakalavriat va magistratura dasturlarini taklif etadi[4]. Universitet Janubiy kollejlar va maktablar uyushmasi (SACS) tomonidan akkreditatsiyadan oʻtgan.

Florida Atlantic universiteti
(FAU)
Shiori Ertangi kun qayerdan boshlanadi
Asos solingan 1961-yil
Oʻquv yurti turi davlat universiteti
Yoʻnalish tadqiqot
Prezident Stacy Volnick (vaqtinchalik)
Rektori Michele Hawkins (vaqtinchalik)
Talabalari 30 808
Fakultetlar 1 598
Bakalavriat 24 687
Magistratura 4 670
Fan doktorlari 790 ta
Kampusi Boca Raton,Dania Beach,Davie, Fort Lauderdale,Jupiter va Fort Pierce shaharlarida
Manzili 26°22′16″N 80°06′07″W / 26.371°N 80.102°W / 26.371; -80.102 G O Boca Raton, AQSh
Vebsayti fau.edu

Koordinatalari: 26°22′16.320000000006″N 80°6′6.1199999999781″W / 26.37120000000000175°N 80.101699999999993906°W / 26.37120000000000175; -80.101699999999993906 G O

FAU 1964-yilda Mayami metrosi hududidagi birinchi davlat universiteti sifatida ochilgan.FAU dastlab faqat yuqori boʻlim va magistratura kurslarini taklif qilgan. Dastlabki yili universitetga atigi 867 talabani qabul qilgan. 1984-yilda universitet oʻzining birinchi quyi boʻlinmasiga bakalavriat talabalarini qabul qilganida talabalar soni koʻpaydi[5]. 2021- yil holatiga koʻra, roʻyxatga olingan talabalar soni 30 000 tadan oshdi[6]. Universitetning yillik byudjeti 900 million dollar va yillik iqtisodiy taʼsiri 6,3 milliard dollarni tashkil qiladi[7]. 1964-yildan beri Florida Atlantic universiteti 185 000 dan ortiq bitiruvchilarga ilmiy darajalar berdi[8].

FAUning kollejlararo sport jamoalari Florida Atlantic Owls Milliy Atletika Assotsiatsiyasi (NCAA) I divizionida va AQSh Konferensiyasida (C-AQSh) raqobatlashadi. 2021-yil 21-oktyabrda Florida Atlantic Amerika Atletika Konferensiyasiga (AAC) qoʻshilish taklifini qabul qildi va 2023-yil 1-iyulda toʻliq aʼzo boʻladi[9].

Tarixi tahrir

Tashkil etilishi tahrir

1961-yil 15-iyulda Janubiy Florida shtatining taʼlimga boʻlgan talablarini qondirish uchun shtat qonun chiqaruvchi organi Boca Raton shahrida yangi universitet tashkil etishga ruxsat beruvchi aktni qabul qildi. Florida Atlantic universiteti 1940-yillardagi armiya aviabazasi boʻlgan Boca Raton armiyasi aerodromi oʻrnida qurilgan. Ikkinchi jahon urushi paytida aerodrom Armiya havo korpusining yagona radar inshooti boʻlib xizmat qilgan.

 
Prezident Lyndon B. Johnson 1964-yil 25- oktyabrda universitetning ochilishida

Havo bazasi radar mashgʻulotlari, qirgʻoq boʻylab suv osti kemalariga qarshi patrullar va Janubiy Amerika orqali Afrika va Yevropaga olib ketilayotgan samolyotlar uchun toʻxtash joyi sifatida ishlatilgan. Aerodrom toʻrtta uchish-qoʻnish yoʻlagiga ega.Aerodom bugungi kunda ham universitetning Boca kampusidan koʻrinib turadi.

1947-yil boshida harbiylar kelajakdagi radar mashgʻulotlarini Mississippidagi Keesler havo kuchlari bazasiga oʻtkazishga qaror qilishdi. 1947-yilda havo kuchlari bazasi Keesler havo kuchlari bazasiga koʻchirib oʻtkazildi. .

Kengayish va oʻsish tahrir

Florida Atlantic universiteti 1964-yil 14-sentyabrda ochilgan boʻlib, unda 867 kishidan iborat boshlangʻich talabalar tarkibi mavjud edi. Universitet tarixidagi birinchi ilmiy daraja 1964-yil 25-oktyabrda universitetning ochilish marosimida Prezident Lyndon B. Johnsonga berilgan faxriy doktorlik unvoni boʻldi[10]. Dastlabki ochilish vaqtida universitet xodimlarining soni 350 ta (120 nafari professor-oʻqituvchilar) edi. Talabalar uchun kampusdagi turar joy birinchi marta 1965-yil sentyabr oyida Algonquin Hallda ochilgan[11][12].

Universitet dastlab faqat yuqori boʻlim va magistratura talabalariga xizmat koʻrsatgan, chunki shtat ushbu muassasani „shtat kollejlari tizimini toʻldirishni va oʻsha muassasalardan oʻz ilmiy darajalarini olgan talabalarni qabul qilishni“ maqsad qilgan[13].

Florida Atlantic universiteti 1971-yilda Fort Lauderdaleda oʻzining kampusini ochdi Janubiy Florida shtatida aholi soni tez oʻsib borayotganligi sababli, 1984-yilda Florida Atlantic universiteti oʻz eshiklarini quyi toifadagi bakalavriat talabalari uchun ochdi. Keyingi yili universitet Las Olas Boulevarddagi Fort Lauderdale markazida uchinchi kampusini qoʻshdi.

Yaqin tarixi tahrir

 
Florida Atlantic universitetining ijtimoiy fanlar binosi, Boca Raton kampusi

1989-yilda Florida shtati qonun chiqaruvchi organi Florida Atlantic universitetini Broward okrugiga xizmat qiluvchi yetakchi shtat universiteti sifatida belgilash orqali Janubiy Florida shtatidagi oliy taʼlimga boʻlgan talablarni tan oldi. Ushbu rolni bajarish uchun universitet 1997-yilda Dania Beachda kampus va 1990-yilda gʻarbiy Broward okrugidagi Davie shahrida boshqa kampus tashkil qiladi. Florida Atlantic universiteti keyinchalik Treasure Coastda kampus qurish uchun 1994-yilda Port Sent-Lucie shahridan 50 akr (20 ga) yer sotib oldi. Bu institutning beshinchi kampusi boʻladi. Universitet 1999-yilda marhum John D. MacArthur nomi bilan atalgan Jupiter kampusini ochdi.

Florida Atlantic universiteti va Mayami universitetining Leonard M. Miller tibbiyot maktabi 2004-yilda Charles E. Schmidt biotibbiyot fanlari kolleji bilan hamkorlikda tibbiy taʼlim dasturini yaratdilar. Rejalar dastlab asosiy kampusda Boca Raton jamoat kasalxonasi bilan kelishilgan holda yangi oʻquv shifoxonasini qurishni talab qilgan. 2007-yilda ketma-ket byudjet taqchilligidan soʻng, shifoxona oʻz ishtirokini nomaʼlum muddatga kechiktirdi. Biroq, Florida Atlantic universiteti keyinchalik 2010-yilda oʻzining Tibbiyot kollejini tashkil qildi[14][15][16][17]. Harbor Branch Okeanografiya instituti (HBOI) ham 2007-yilda universitetga qoʻshildi va Florida Atlantic oʻzining yettinchi kampusini yaratdi[18]. HBOIni universitet sotib olish uchun Florida qonun chiqaruvchi organi 44 million dollar ajratdi[19].

Hozirda Florida Atlantic universitetining 120 ta shaharchada joylashgan yettita kampusida 30 000 dan ortiq talabalar darslarga qatnashmoqda. Universitet tarkibida oʻnta kolle mavjud.Ularda 3200 dan ortiq professor-oʻqituvchilar va xodimlar ishlaydi. 2020-yil holatiga koʻra, universitetning jamgʻarmasi 240 million dollardan oshdi.

Tashkil etilganidan buyon universitetda yettita prezident almashgan. Universitetning sobiq prezidenti Mery Jane Saunders hisoblanadi. Mery Jane Saunders 2010-yil 3-martda prezident etib tayinlangan, keyin 2013-yil 15-mayda isteʼfoga chiqqan. Uning tayinlanishi Frank Brogan isteʼfoga chiqqanidan keyin sodir boʻldi. Florida shtatining sobiq leytenant gubernatori boʻlgan Brogan 2009-yil oxirida universitetni tark etib, Florida shtati universiteti tizimining kansleri boʻldi. Ilgarigi universitet prezidentlari orasida Anthony J.Catanese, Helen Popovich, Glenwood Creech va Kenneth Rast Williams kabilar bor edi. 2014-yilning 17-yanvarida Vasiylik kengashi Clemson universiteti vitse-prezidenti bo‘lgan John W. Kellyni universitetning yettinchi prezidenti etib (2014-yil 1-martdan boshlab) saylanganini eʼlon qildi.

Akademiklar tahrir

 
Doroti F. Schmidt sanʼat va adabiyot kolleji kampus minorasi. Florida shtati AIA 1995 mukofoti sovrindori [20] Edward Larrabee Barnes va John MY Lee Architects tomonidan ishlab chiqilgan

2021-yil holatiga koʻra, universitet bakalavriat talabalari 24,663 kishi, 3380 aspirant, 440 doktorant va 254 tibbiyot talabalaridan iborat edi[21]. 2021-yilda bakalavriat talabalari tarkibining 61 % i 180 dan ortiq mamlakatlardan kelgan talabalarni oʻz ichiga olgan. Florida Atlantic universiteti uzoq vaqtdan beri Florida shtati universitetlari tizimida irqiy, etnik va madaniy jihatdan eng xilma-xil institut sifatida oʻrin olgan. US News & World Report reytingida FAU mamlakatdagi eng xilma-xil universitetlar orasida 27-oʻrinni egallagan[22].

Universitetda 180 dan ortiq turli xil bakalavr, magistr va doktorlik dasturlarini taklif etadigan oʻnta kollej mavjud[23]: Charles E. Schmidt fan kolleji, Charles E. Schmidt tibbiyot kolleji, Cristine E. Lynn hamshiralik kolleji, Dizayn kolleji va Ijtimoiy soʻrov, Biznes kolleji, Taʼlim kolleji, Muhandislik va kompyuter fanlari kolleji, Dorothy F. Schmidt sanʼat va adabiyot kolleji, Harriet L. Wilkes faxriy kolleji va magistratura kolleji[24].

Universitet ikkita imtiyozli tanlovni taklif qiladi: Harriet L. Wilkes faxriy kolleji va Universitet olimlari dasturi. Wilkes faxriy kolleji Florida shtatining Jupiter shahridagi Jon D. MacArthur kampusida joylashgan. U davlat universiteti platformasida liberal sanʼat taʼlimini taklif qiladi[25]. Boca Raton kampusida Universitet olimlari dasturi mavjud boʻlib, u birinchi kurs talabalari uchun maxsus imtiyozli seminarlar, forumlar, kurslar va ilgʻor kurslarni almashtirishni taklif qiladi.

 
Florida Atlantic universitetining Boca Raton kampusidagi parlament zali

Reytinglar tahrir

USN&WR reytinglari [26]
Hamshiralik 54
Ijtimoiy ish 79
Davlat boshqaruvi 81
Yarim kunlik MBA 92
Kompyuter muhandisligi 103
Umumiy taʼlim 138
Kompyuter fanlari 146
Elektrotexnika 151
Biologiya 203

2023-yil uchun US News & World Report reytingida Florida Atlantic universitetini Qoʻshma Shtatlardagi 132-eng yaxshi davlat universiteti sifatida qayd etilgan. Reytingda Florida Atlantic universiteti davlat va xususiy barcha milliy universitetlar orasida 263-oʻrinni egalladi[27].

2023-yilda US News & World Report reytingida (bakalavriat) hamshiralik ishi, biznes va muhandislik dasturlari milliy miqyosda mos ravishda 93-, 164- va 165-oʻrinlarni egalladi[28].

Universitet Princeton Review reytingida tomonidan 2023-yil uchun Qoʻshma Shtatlardagi „Eng yaxshi Janubi-Sharqiy kollejlar“dan biri deb topildi[29].

2022-yilda Florida Atlantika 2022 yilgi Washington Monthlyning milliy universitetlar reytingida mamlakatda 72-oʻrinni egalladi[30].

Tadqiqot tahrir

 
Florida Atlantika Universitetining Boca Raton kampusidagi Charles E. Schmidt tibbiyot kolleji. „Orgonelle“ haykali Rob Fisher tomonidan yaratilgan[31].

FAU Carnegie taʼlimni rivojlantirish jamgʻarmasi tomonidan yuqori ilmiy faoliyatga ega tadqiqot universiteti sifatida tasniflanadi[32]. Universitet Scripps tadqiqot instituti, Torrey Pines molekulyar tadqiqotlar instituti va Max Planck jamiyati kabi yirik tadqiqot institutlari bilan hamkorlik aloqalarini oʻrnatgan[33][34][35].

Universitet ikkita tashkilotning markazi hisoblanadi.Ular Biotibbiyot va dengiz biotexnologiyasi boʻyicha markaz va Okean energiyasi texnologiyasi markazilaridir. Ushbu markazlar Florida shtatining Rivojlanayotgan texnologiyalar komissiyasi tomonidan belgilangan grantlarni qoʻlga kiritishi lozim.

Florida Atlantic universiteti oʻzining boshlangʻich moliyasini olganidan beri boshqa manbalardan, jumladan federal va xususiy tadqiqot grantlaridan qoʻshimcha mablagʻlarni ham qoʻlga kiritdi. Natijada, ikkala markaz ham okean muhandisligi, dengiz biotexnologiyasi, funktsional genomika, proteomika va bioinformatika boʻyicha tajribalarini birlashtirib, akademik va sanoat hamkorliklarini yoʻlga qoʻydi. Markazlardagi tadqiqotchilar, olimlar va talabalar dengizni tadqiq qilish, qayta tiklanadigan energiyani yigʻish, yangi dori-darmonlarni kashf qilish va bioterrorizm agentlariga qarshi kurashish uchun yangi terapevtik vositalarni ishlab chiqish texnologiyalarini loyihalashtirmoqda[36][37]. Ushbu tadqiqot natijasida, 2007-yilda universitet va Lockheed Martin tashkiloti harbiy va ilmiy maqsadlarda foydalanish uchun tez oʻrnatiladigan va avtonom bogʻlovchi kema tizimini ishlab chiqish va ishlab chiqarish uchun eksklyuziv litsenziya shartnomasini eʼlon qildi[38].

2010-yilda Amerika Qoʻshma Shtatlari energetika departamenti FAUni okean energiyasini tadqiq qilish va rivojlantirish boʻyicha uchta milliy markazdan biri sifatida belgiladi. Janubi-sharqiy dengiz qayta tiklanadigan energiya milliy markazi Tinch okeanining shimoli-gʻarbiy qismidagi (Vashington universiteti va Oregon shtat universiteti) va Gavayidagi (Gavayi universiteti) markazlarga qoʻshiladi. Janubi-sharqiy dengizning qayta tiklanadigan energiya milliy markazi okean oqimlari va okean issiqlik energiyasidan qayta tiklanadigan energiya ishlab chiqarishga qodir boʻlgan texnologiyalarni tadqiq qilish va ishlab chiqish bilan shugʻullanadi[39].

Universitetda Tasvirlash texnologiyasi markazi va NASA Tasvirlash texnologiyasi koinot markazi joylashgan. Muhandislik va kompyuter fanlari kollejida joylashgan markazlar tibbiy texnologiyalar, kuzatuv, aloqa, taʼlim, tekshirish, ilmiy kuzatish, ishlab chiqarish, vizual tanib olish va boshqa sohalarda ham davlat, ham tijorat dasturlarida foydalanish uchun raqamli tasvirni tadqiq qilish va rivojlantirishga ixtisoslashgan. Florida Atlantic Tasvirlash texnologiyasi markazi raqamli tasvirlash va qayta ishlash boʻyicha oʻquv dasturini ishlab chiqmoqda va shu bilan Florida Atlantic universitetini mamlakatda ushbu texnik konsentrasiyani taklif qiladigan yagona universitet sifatida tashkil etadi[40].Universitet Tasvirlash texnologiyasi markazi NASAning12 ta markazidan biri hisoblanadi.

Florida AtlanticUniversitetidagi yana bir tadqiqot markazi Tadqiqot parki hisoblanadi. Tadqiqot parki Deerfield Beach va Boca Raton shaharlarida joylashgan. Tadqiqot parki kompaniyalar uchun universitet hamjamiyati va uning jihozlari, resurslari va tajribasi bilan oʻzaro aloqada boʻlish imkonini beradigan tashqi tadqiqot vositalarini taqdim etadi. Tadqiqot parki texnologik biznes inkubatorini boshqaradi[41]. Inkubator texnologiyaga asoslangan biznesning boshlanishi va rivojlanishini ragʻbatlantirish, ularni kengaytirish va ular uchun universitet bilan aloqalar oʻrnatishga intiladi. Tadqiqot parkining Boca Raton kampusida murakkab tizimlar va miya fanlari markazi joylashgan.

Kampus tahrir

Florida Atlantic universitetining geografik taqsimoti Palm Beach, Broward va Sent-Lucie okruglari boʻylab tarqalgan oltita kampusda joylashgan. Mintaqada uch milliondan ortiq aholi istiqomat qiladi[42][43]. Universitetning asosiy kampusi Palm Beach okrugidagi Boca Raton shahrida joylashgan. Okrugda Jupiterda joylashgan Jon D. MacArthur kampusi ham joylashgan. FAU Dania Beach, Davie va Fort Lauderdalening Broward shaharlarida uchta kampusni boshqaradi. Florida Atlantic universiteti, shuningdek, Sent-Lucie okrugi Fort Pieres shahridagi kampusni ham boshqaradi. Universitetlar kampuslarida darslarga qatnaydigan talabalardan tashqari, internet orqali yoki boshqa vositalar orqali oʻqishni olib boradigan masofaviy taʼlim talabalari ham bor. Bu talabalar universitet talabalari tarkibining 6 foizini tashkil qiladi[44].

Palm Beach okrugi kampuslari tahrir

Boca Raton tahrir

 
Boca Ratondagi FAU stadioni

FAUning Boca Ratondagi asosiy kampusi 1964-yilda Ikkinchi Jahon urushi davridagi Amerika armiyasi aviabazasi qoldiqlari oʻrnida tashkil etilgan.Kampus 850 akr (3,5 km2) maydonni qamrab oladi.Kampus Palm Beach va Fort Lauderdale shaharlari oʻrtasida joylashgan. Kampus 1971-yilda Audubon jamiyati tomonidan boyoʻgʻli qoʻriqxonasi sifatida belgilangan.Bunday belgilanishiga sabab bu yerda boyoʻgʻlilarning koʻpligida.Shuningdek, qushlar bu yerda yirtqich hayvonlar hujumidan himoyalangan. „Anʼanaviy ravishda donolik va qatʼiyat bilan bogʻliq boʻlgan qush universitetning maskotiga aylangan.“[45]

Boca Raton kampusida universitet dasturlari va muassasalari joylashgan. Bular laboratoriya xonalari, talabalar uchun turar joy, suvda yashovchi jonzodlar tadqiqotlari uchun 6000 gallon akula akvariumi, kinoteatr, sport va dam olish maskanlari hamda talabalar tomonidan boshqariladigan Hoot/Wisdom Recordings yozuv yorligʻi dasturlari. Akademik va madaniy dasturlardan tashqari, kampusda Florida Atlantic universitetining NCAA I divizion atletika dasturi ham mavjud. Asosiy kampus taxminan 19,077 kishiga xizmat qiladi.Bu koʻrsatkich jami universitet talabalarining 70 % ini tashkil qiladi[46][47][48].

Boca Raton kampusida boshqa muassasalar, jumladan, AD Henderson universiteti maktabi, FAU oʻrta maktabi, Florida Atlantic universitetining tadqiqot parklaridan biri joylashgan.

Jupiter — John D. MacArthur kampusi tahrir

Palm Beach okrugining janubidagi Boca Raton kampusidan tashqari, FAU Jupiterdagi Palm-Beach okrugining shimoliy qismida joylashgan kampusni boshqaradi. Biznesmen va xayriyachi John D. MacArthur nomidagi John D. MacArthur kampusi 1999-yilda Palm Beach okrugining markaziy, shimoliy va janubiy Martin okruglari aholisiga xizmat ko‘rsatish uchun tashkil etilgan. MacArthhur kampusi 45 akr (0,18 km2) maydonni egallaydi.MacArthhur kampusida sakkizta sinf va ofis binolari, kutubxona, 500 oʻrinli auditoriya, ikkita turar joy, ovqatlanish zali, muzey binosi va kommunal korxona joylashgan[49]. MacArthur kampusida, shuningdek, Harriet L. Wilkes Honors kolleji, Scripps Florida, FAU miya instituti va Max Planck Florida nevrologiya instituti joylashgan. Kampus taxminan 1262 kishiga xizmat qiladi. Bu koʻrsatkich jami universitet talabalar jamoasining 4 % ini tashkil etadi[50].

Broward okrugi kampuslari tahrir

Dania Beach-SeaTech tahrir

Dania Beach kampusi, shuningdek, SeaTech nomi bilan ham tanilgan, 1997-yilda davlat tomonidan moliyalashtiriladigan II tadqiqot markazi sifatida tashkil etilgan[51]. Institut 1965-yilda mamlakatdagi birinchi okean muhandisligi bakalavriat dasturi sifatida tashkil etilgan FAUning Okean muhandisligi boʻlimining bir qismidir. Kampus 8 akr (0,03 km2) maydonda joylashgan. Dania Beach kampusi Atlantika okeani va Intracoastal suv yoʻli oʻrtasidagi quruqlikda joylashgan. SeaTech universitet professor-oʻqituvchilari va akustika, dengiz transporti vositalari, gidrodinamika va okeanografiya fizikasi, dengiz materiallari va nanokompozitlar sohalarida homiylik ostida okean muhandisligi boʻyicha tadqiqot va ishlanmalar bilan shugʻullanadigan talabalar muassasasi hisoblanadi[51]. Dania Beach kampusi taxminan 70 kishiga xizmat qiladi.Bu koʻrsatkich universitet jami talabalar jamoasining taxminan 1 % ini tashkil qiladi[52].

 
FAU Davie kampusidagi senator James A. Scott taʼlim va fan binosi

Florida Atlantic universitetining Davie kampusi 1990-yilda 38 akr (0,15 km2) maydonda tashkil etilgan[53]. Kampus taxminan 3,488 kishiga xizmat qiladi.Bu koʻrsatkich FAU talabalar jamoasining 13 % ini tashkil etadi.Bu natija bilan kampus talabalarni roʻyxatga olish boʻyicha universitetning ikkinchi yirik kampusi hisoblanadi[54]. Talabalar shaharchasida talabalar hukumati va talabalar tashkilotlari uchun ofislar, koʻp maqsadli hudud va talabalar dam olish xonasi, kitob doʻkoni va kafeteriyaga ega koʻp qavatli talabalar uyushmasi mavjud[55]. Kasaba uyushmasi tarkibida tibbiy xizmatlar va sogʻliqni saqlash boʻyicha maslahatlar koʻrsatadigan talabalar salomatligi markazi ham mavjud[55]. Davie, shuningdek, „Evergladesni qayta tiklashga qaratilgan ekologik tadqiqot tashabbuslari“ ning markazi hisoblanadi[56]. Ushbu kampusda 315 000 kvadrat futdan ortiq maydonda joylashgan oʻquv xonalari, laboratoriyalar va professor-oʻqituvchilar, xodimlar va talabalar ofislari joylashgan.Bu kampusda 112 000 kvadrat fut maydonni egallagan FAU kutubxonasi joylashgan.

Boshqa qoʻllab-quvvatlash muassasalariga umumiy bolalarni parvarish qilish markazi, talabalar sogʻlomlashtirish markazi va koʻp xizmat koʻrsatadigan talabalar ittifoqi kiradi. Kampusda talabalar mansab boʻyicha maslahatlar, sogʻlomlashtirish, test va baholash, repetitorlik, sogʻliqni saqlash xizmatlari, talabalar hukumati va moliyaviy yordam va boshqalar uchun zarur boʻlgan barcha xizmatlarga ega. Katta universitet ichidagi kichik kollej singari, Davie kampusi Florida shtati va mamlakat uchun „namunali“ filial kampusi sifatida eʼtirof etiladi[57].

Fort-Loderdale tahrir

Universitetning Fort-Lauderdaledagi shahar markazida ikkita binosi bor. Ularning ikkalasi ham bitta Fort-Loderdale kampusining bir qismi hisoblanadi. Ular Las Olas boulevarddagi Askew minorasi (AT) va Oliy taʼlim majmuasi (HEC). Kampus aloqa, grafik dizayn, arxitektura, shahar va mintaqaviy rejalashtirish bo‘yicha kurslarni taklif etadi[58]. Kampusda taxminan 900 kishi taʼlim oladi.Bu koʻrsatkich jami universitet talabalarining 3,2 % ini tashkil qiladi[59].

St.Lucie okrugi kampuslari tahrir

Fort Pieres-Harbor okeanografiya instituti filiali tahrir

Treasure Coast kampusiga qoʻshimcha ravishda, FAU Fort Pieresda Harbor okeanografiya instituti filialida kampusni boshqaradi. Harbor filiali 2007-yilda universitet bilan birlashib, FAUdagi HBOIga aylandi[60][61][62]. Florida qonun chiqaruvchi organi universitetga kampusning 600 akr (2.4 km2) maydonini sotib olish uchun 44 million dollar ajratdi[63][64].

Port St. Lucie — Treasure Coast kampusi tahrir

Florida Atlantic universitetining Treasure Coast kampusi Indian River State kolleji (IRSC) bilan hamkorlikda ishlaydi. Florida Atlantic universiteti 1994-yilda Port Sent Luciedagi yerni sotib olgan[65].

Sport tahrir

Florida Atlantic universitetining sport jamoalari NCAAning I divizionida raqobatlashadi. Owls jamoasi 2013-2014-yilgi mavsumda AQSh konferensiyasiga qoʻshildi. Universitetning yengil atletika dasturi 1979-yilda Florida Atlantic universiteti birinchi marta kollejlararo jamoalarga homiylik qilishni boshlaganida boshlangan[66]. Oʻshandan beri universitet Howard Schnellenberger, Matt Doherty, Rex Walters, Lane Kiffin, Mike Jarvis, Dusty May va Willie Taggart kabi murabbiylarni jalb qilish orqali kollejlararo dasturining sifatini yaxshilash ustida ishladi[67].

2021-yil 21-oktyabrda Florida Atlantic universiteti Amerika Atletika Konferensiyasiga (AAC) qoʻshilish taklifini qabul qildi va 2023-yil 1-iyulda unga toʻliq aʼzo boʻladi[68].

 
Florida Atlantic universitetining Boca Raton kampusidagi talabalar turar joylari

Talabalik hayoti tahrir

Turar-joy hayoti tahrir

FAUdagi turar-joylar Boca Raton va John D. MacArthur kampuslarida mavjud. Universitetda barcha kunduzgi birinchi kurs talabalari universitet turar joyida yashashlari shart hisoblanadi. Ammo bu siyosatdan ozod qilishlar ham mavjud.Ozod qilinadiganlarga qatoriga ilk oʻqish kunida 21 yoshga toʻlagan yoki undan katta yoshdagi talabalar,Boca Raton kampusi yaqinida yashaydigan talabalar, turmush qurgan talabalar, ota-onalari(lar)i yoki qonuniy vasiylari(lar)i bilan yashaydigan talabalar kiradi[69]. 2021-yilgi maʼlumotlarda, Boca Ratondagi kampusda 4000 dan ortiq talabalar yashashi qayd qilingan[70].

Boca Raton kampusidagi turar joy binolari: Indian River Towers (2001-yilda ochilgan), Heritage Park Towers (2004-yilda ochilgan), Glades Park Towers (2007-yilda ochilgan), Parlament Zali (2013-yilda ochilgan), University Village kvartiralari (UVA) va Innovation Village kvartiralar (IVA) (2011-yilda ochilgan). Heritage Park va Glades Park Towers har biri 96 ta bir kishilik xonali 602 ta karavotga ega[71]. UVA va IVA faqat yuqori sinf oʻquvchilariga xizmat qiladi, boshqa turar joy zallari esa faqat birinchi kurs talabalariga xizmat qiladi[72][73].

Manbalar tahrir

  1. ↑ „Explore FAU Campuses“. Florida Atlantic University. Qaraldi: 2006-yil 22-avgust.
  2. ↑ „Florida Atlantic University“ (en-US). State University System of Florida. Qaraldi: 2021-yil 29-noyabr.
  3. ↑ „Carnegie Classifications: FAU Institution Profile“. Indiana University. Qaraldi: 2020-yil 17-may.
  4. ↑ „FAU Points of Pride“. Florida Atlantic University. Qaraldi: 2016-yil 1-oktyabr.
  5. ↑ „Explore FAU History: Milestones in FAU History (1955–1969)“. Florida Atlantic University. Qaraldi: 2006-yil 22-avgust.
  6. ↑ „Diversity Data Report“.
  7. ↑ „Boilerplate Descriptions“.
  8. ↑ „FAU Celebrates 2021 Summer Graduates“.
  9. ↑ „FAU accepts invitation to the American Athletic Conference“.
  10. ↑ „Explore FAU History“. Florida Atlantic University. Qaraldi: 2007-yil 20-sentyabr.
  11. ↑ Restrepo, Dan. „New admissions standards: good for FAU, bad for Florida“. University Press (2004-yil 5-fevral). Qaraldi: 2006-yil 23-avgust.
  12. ↑ Burdick, Bob. All Grown Up: FAU Looks Back and Steps Forward. Legacy: A Magazine for Alumni and Friends of Florida Atlantic University (2007-yil sentyabr), s. 14–15.
  13. ↑ Burdick, Bob. All Grown Up: FAU Looks Back and Steps Forward. Legacy: A Magazine for Alumni and Friends of Florida Atlantic University (2007-yil sentyabr), s. 14–15.
  14. ↑ „UMSM@FAU“. The University of Miami. 2007-yil 22-aprelda asl nusxadan arxivlangan. Qaraldi: 2007-yil 26-may.
  15. ↑ „UMMSM at FAU Questions“. Florida Atlantic University. 2009-yil 17-fevralda asl nusxadan arxivlangan. Qaraldi: 2007-yil 26-may.
  16. ↑ PNN Online (2006-yil 30-yanvar). „Boca Raton Community Hospital Receives $75 Million“. Press-reliz. 14-oktyabr 2007-yilda asl nusxadan arxivlandi. Qaraldi: 2007-yil 12-oktyabr.
  17. ↑ Pensa, Patty. Boca Raton Community Hospital loses $28 million, replaces CEO: Plan to build teaching facility set back. South Florida Sun-Sentinel (2008-yil 5-yanvar).
  18. ↑ „Editorial: Harbor Branch swimming downstream with FAU“. Scripps Interactive Newspapers Group (2007-yil 2-dekabr). Qaraldi: 2008-yil 22-fevral.
  19. ↑ Travis, Scott. Universities fight to save funding for big projects. South Florida Sun-Sentinel (2007-yil 23-sentyabr).
  20. ↑ „1995 Design Awards Archive (AIA Florida)“. aiafla.org. Qaraldi: 2021-yil 6-iyul.
  21. ↑ „Annual Report“. 2022-yil 6-oktyabrda asl nusxadan arxivlangan. Qaraldi: 2022-yil 6-oktyabr.
  22. ↑ „FAU Diversity“. Florida Atlantic University. Qaraldi: 2014-yil 19-yanvar.
  23. ↑ „University Characteristics, Fall 2008“. Florida Atlantic University: Office of Institutional Effectiveness & Analysis. Qaraldi: 2011-yil 30-dekabr.
  24. ↑ „Colleges and Degrees“. Florida Atlantic University. Qaraldi: 2007-yil 5-avgust.
  25. ↑ „General FAQ“. Florida Atlantic University: Wilkes Honors College. Qaraldi: 2007-yil 10-oktyabr.
  26. ↑ „FAU Grad school rankings“.
  27. ↑ „U.S. News rankings“.
  28. ↑ „U.S. News rankings“.
  29. ↑ „Florida Atlantic University“.
  30. ↑ „Washington Monthly rankings“.
  31. ↑ „Art in State Buildings“. Florida Atlantic University. Florida Atlantic University. Qaraldi: 2020-yil 19-fevral.
  32. ↑ „Florida Atlantic University“. The Carnegie Foundation for the Advancement of Teaching. Qaraldi: 2013-yil 11-sentyabr.
  33. ↑ Travis, Scott. „FAU to boost scientific reputation with biomedical science college“. South Florida Sun-Sentinel (2006-yil 17-avgust). 2013-yil 14-sentyabrda asl nusxadan arxivlangan. Qaraldi: 2013-yil 11-sentyabr.
  34. ↑ „Message from the Vice President“. Florida Atlantic University. 2007-yil 18-mayda asl nusxadan arxivlangan. Qaraldi: 2007-yil 31-yanvar.
  35. ↑ Johnston, John. „Planck to plant Palm Beach county roots“. Boca Raton News (2008-yil 25-iyul). 2013-yil 17-mayda asl nusxadan arxivlangan. Qaraldi: 2008-yil 1-avgust.
  36. ↑ Technology Daily News (2006-yil 18-noyabr). „FAU to Receive $5 Million to Establish The Florida Center of Excellence in Ocean Energy Technology“. Press-reliz.
  37. ↑ „About the Center“. Center of Excellence in Biomedical and Marine Biotechnology. Qaraldi: 2007-yil 12-oktyabr.
  38. ↑ Lockheed Martin (2007-yil 17-may). „Florida Atlantic University and Lockheed Martin to Develop Autonomous Mooring Buoy System for Military and Scientific Use“. Press-reliz. Qaraldi: 2007-yil 11-oktyabr.
  39. ↑ U.S. Department of Energy (2010-yil 3-avgust). „DOE Designates New National Marine Renewable Energy Center for Ocean Energy Research“. Press-reliz. 9-sentyabr 2015-yilda asl nusxadan arxivlandi. Qaraldi: 2011-yil 11-fevral.
  40. ↑ „Florida Atlantic University Legislative Budget Request For 2005–06“. Florida Atlantic University (2003-yil 2-iyul). 2007-yil 25-oktyabrda asl nusxadan arxivlangan. Qaraldi: 2007-yil 11-oktyabr.
  41. ↑ „Research Park at Florida Atlantic University: Technology Business Incubator“. Florida Atlantic Research & Development Park. 2014-yil 12-noyabrda asl nusxadan arxivlangan. Qaraldi: 2014-yil 12-noyabr.
  42. ↑ Florida Atlantic University: University Communications and Marketing (2005-yil 22-sentyabr). „Early Detection of Developmental Disorders in Babies to be a Focus of New Infant Development Laboratory“. Press-reliz. Qaraldi: 2006-yil 22-avgust.
  43. ↑ „Department of Exercise Science and Health Promotion (ESHP)“. Florida Atlantic University: College of Education. 2007-yil 29-iyunda asl nusxadan arxivlangan. Qaraldi: 2007-yil 13-iyul.
  44. ↑ „Headcount Enrollment by Campus“. Florida Atlantic University: Office of Institutional Effectiveness & Analysis. Qaraldi: 2011-yil 30-dekabr.
  45. ↑ „FAU Traditions“. Florida Atlantic University: Athletics Department. 2009-yil 30-mayda asl nusxadan arxivlangan. Qaraldi: 2007-yil 15-iyul.
  46. ↑ „2013–2014 Quick Facts“. Florida Atlantic University: Office of Institutional Effectiveness & Analysis. Qaraldi: 2014-yil 24-yanvar.
  47. ↑ „Headcount Enrollment by Campus“. Florida Atlantic University: Office of Institutional Effectiveness & Analysis. Qaraldi: 2011-yil 30-dekabr.
  48. ↑ „FAU Boca Raton“. Florida Atlantic University. Qaraldi: 2009-yil 2-aprel.
  49. ↑ „About FAU at Jupiter“. Florida Atlantic University. 2007-yil 29-iyunda asl nusxadan arxivlangan. Qaraldi: 2007-yil 8-iyul.
  50. ↑ „Headcount Enrollment by Campus“. Florida Atlantic University: Office of Institutional Effectiveness & Analysis. Qaraldi: 2011-yil 30-dekabr.
  51. ↑ 51,0 51,1 „Dania Beach Campus“. Florida Atlantic University. Qaraldi: 2007-yil 24-iyun.
  52. ↑ „Headcount Enrollment by Campus“. Florida Atlantic University: Office of Institutional Effectiveness & Analysis. Qaraldi: 2011-yil 30-dekabr.
  53. ↑ „Davie Campus“. Florida Atlantic University. Qaraldi: 2007-yil 24-iyun.
  54. ↑ „Headcount Enrollment by Campus“. Florida Atlantic University: Office of Institutional Effectiveness & Analysis. Qaraldi: 2011-yil 30-dekabr.
  55. ↑ 55,0 55,1 Florida Atlantic University: University Communications and Marketing (2007-yil 7-may). „FAU Constructs Student Union at Davie Campus“. Press-reliz. Qaraldi: 2007-yil 10-iyul.
  56. ↑ „About FAU in Broward“. Florida Atlantic University. 2007-yil 22-mayda asl nusxadan arxivlangan. Qaraldi: 2007-yil 24-iyun.
  57. ↑ „Davie Campus“. Florida Atlantic University. Qaraldi: 2007-yil 24-iyun.
  58. ↑ „Fort Lauderdale Campus“. Florida Atlantic University. Qaraldi: 2007-yil 24-iyun.
  59. ↑ „Headcount Enrollment by Campus“. Florida Atlantic University: Office of Institutional Effectiveness & Analysis. Qaraldi: 2011-yil 30-dekabr.
  60. ↑ „2013–2014 Quick Facts“. Florida Atlantic University: Office of Institutional Effectiveness & Analysis. Qaraldi: 2014-yil 24-yanvar.
  61. ↑ „Explore FAU Campuses“. Florida Atlantic University. Qaraldi: 2006-yil 22-avgust.
  62. ↑ „Editorial: Harbor Branch swimming downstream with FAU“. Scripps Interactive Newspapers Group (2007-yil 2-dekabr). Qaraldi: 2008-yil 22-fevral.
  63. ↑ Reed, Charlie. Work begins on merger plan for Harbor Branch and FAU. Scripps Interactive Newspapers Group (2007-yil 17-may).
  64. ↑ Bierman, Noah. „Harbor Branch institute becoming part of Florida Atlantic University“. Herald-Tribune (2007-yil 18-iyun). 2007-yil 17-sentyabrda asl nusxadan arxivlangan. Qaraldi: 2007-yil 9-iyul.
  65. ↑ „FAU – Campuses & Maps“. fau.edu.
  66. ↑ Florida Atlantic University: FAU Athletics (2006-yil 27-oktyabr). „FAU Inducts Seven into Inaugural Athletic Hall of Fame“. Press-reliz. 5-yanvar 2009-yilda asl nusxadan arxivlandi. Qaraldi: 2007-yil 12-iyul.
  67. ↑ „Florida Atlantic University Visual Standards“ (2018-yil 4-may). Qaraldi: 2022-yil 10-iyul.
  68. ↑ „FAU accepts invitation to the American Athletic Conference“.
  69. ↑ „General Information“. Florida Atlantic University: Department of Housing and Residential Life. 2009-yil 12-aprelda asl nusxadan arxivlangan. Qaraldi: 2009-yil 2-aprel.
  70. ↑ „Campus Life“.
  71. ↑ „Joint Audit and Finance/Strategic Planning Committee“. FAU Board of Trustees (2007-yil 13-iyun). Qaraldi: 2007-yil 24-iyun.
  72. ↑ „Business & Professional Woman's Scholarship House“. Florida Atlantic University: Department of Housing and Residential Life. 2009-yil 22-martda asl nusxadan arxivlangan. Qaraldi: 2009-yil 3-aprel.
  73. ↑ „Our Residence Halls and Apartments“. Florida Atlantic University: Department of Housing and Residential Life. 2009-yil 12-aprelda asl nusxadan arxivlangan. Qaraldi: 2009-yil 3-aprel.

Havolalar tahrir 

"https://uz.wikipedia.org/w/index.php?title=Florida_Atlantic_universiteti&oldid=3934893" dan olindi